Центральное духовное управление мусульман - Таврический муфтият - Зекят Аль-Фитир

Зекят Аль-Фитир

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Башлангъычсыз, сонъсуз ве Екяне Яратыджыгъа хамд олсун. Аллаh бизге иман, акъикъий дин багъышлады ве керчекни янълыштан айырмакъ ичюн акъыл берди. Аллаh бизге Озь Рахметинен Къурейшитлерден Пейгъамбер Мухаммад, `алейhиссалямны ёллады! О ‘Аднан къабиледен олып, сонъки Пейгъамбердир. Ве бутюн алемге Рахмет оларакъ берильди. Пейгъамбер Мухаммад, `алейhиссалям яхшылыкъкъа ве хидаетке давет этти. Мухаммад, `алейhиссалям Бир Аллаhкъа инанмакъ ве Аллаhнынъ Шари‘атыны кутьмеге огретти. О Аллаhкъа ортакъ къошмамагъа, путларгъа ве башкъа яратылгъанларгъа ибадет этмемеге давет этти.

Юдже Аллаh Пейгъамбер Мухаммад, `алейhиссалямгъа энъ буюк муджизе багъышлады, бу сонъки Семавий Китап – Къур`андыр. Ве бу Пейгъамберимизнинъ устюнлигини косьтере. Аллаh эренлерге эбедий Дженнетте оладжакъларыны ваде этти. Эм де кяфирлер джеhэннемде шиддетли азап чекеджеклерини тенбиледи.

Шеhадет этем, Аллаhтан башкъа Иляh ёкъ ве шеhадет этем, Мухаммад Аллаhнынъ Ресули. О эписи адамларгъа ве джиннлерге йиберильди. Бизим Пейгъамберимизге ве башкъа эписи Пейгъамберлерге саллят ве селям олсун. Эм де Пейгъамбер Мухаммад, `алейhиссалямнынъ сахабелерине де селям олсун.

Сайгъылы мусульманлар! Такъвалы олунъыз. Аллаhнынъ эмирлерини япынъыз ве гуняхлардан сакъынынъыз.

Юдже Аллаh Къур`анда («Аль-Бакъараh» Суреси, 197 Аети) буюрды:

وَتَزَوَّدُوا فَإِنَّ خَيْرَ الزَّادِ التَّقْوَى وَاتَّقُونِ يَا أُوْلِي الأَلْبَابِ

Манасы: «Не хайыр ишлесенъиз, Аллаh оны билир. Ахирет ичюн азыкъ топланъ. Билинъиз ки, азыкънынъ энъ яхшысы – такъвадыр. Аллаhтан къоркъунъыз, эй акъыл саиблери!»

Урьметли мусульманлар! Акъыллы инсан вакъытнынъ тез кеткенини корип, озюне омюринден теджрибе ала. Бу эписи омюрини хайыр амеллернен толдурмакъ, Аллаhкъа ибадет этмек ве Яратыджы бизим хайыр амеллеримизни къабул этмеси ичюн япыла. Буны олюм кельмегендже япмакъ керек. Бу акъкъында Пейгъамбер Мухаммад ʻалейhиссалям бойле деди:

الْكَيِّسُ مَنْ دَانَ نَفْسَهُ، وَعَمِلَ لِمَا بَعْدَ الْمَوْتِ، وَالْعَاجِزُ مَنْ أَتْبَعَ نَفْسَهُ هَوَاهَا، وَتَمَنَّى عَلَى اللَّهِ

Манасы: «Озь нефисини бастыргъан ве Ахиретте бахытлы олмагъа чалышкъан – акъыллыдыр. Нефискъорлар исе акъылсыз ве зайыфлар. Бойле киши гунях япып, Аллаhнынъ Мерхаметине умют эте».

Рамадан айында джеhэннем къапылары япыла, Дженнет къапылары ачыла ве шейтанлар зынджырларгъа урула. Онынъ ичюн бу мубарек айда хайыр амеллерни даа чокъ япмагъа тырышмакъ керек, оларнынъ арасында Зекят Аль-Фитирни бермектир.

Урьметли дин къардашларым!

Зекят Аль-Фитир – бу мусульман олгъан эр зат ичюн берильген одельме. Эр бир мусульман, паралары бордждан зияде олгъан, озюне ве онынъ боюнда олгъанлары ичюн Байрам куню (‘Ид Аль-Фитр) эм де онынъ геджесине зарур ихтияджына (аш, урба ве эв) керек олгъан масрафлары еткен, Фитир садакъасыны бермеси меджбурдыр.

Мусульман Рамадан ве Шаууаль айнынъ бир къысымыны яшагъан олса, онынъ ичюн Зекят бериле. Меселя, эгер бала Рамаданнынъ сонъки куню кунеш батмаздан эвель догъса ве кунеш баткъан сонъ сагъ къалса, онынъ ичюн Зекят Аль-Фитир бериле.

Зекят Аль-Фитирни эркек озь ичюн, къадыны ичюн (мусульман олса) ве эргенлик чагъына етмеген балалары ичюн фитирни бермек керек. Эм де о ана, баба ве дигер сой-акърабалары ичюн, эгер олар онынъ иждивениясында олсалар, фитирни бере. Эргенлик чагъына кельген балалары ичюн оларнынъ изинлери олмадан фитир зекятлары берильмез. Зекят тек мусульманларгъа бериле.

Энъ яхшысы, фитир садакъасыны байрам намазындан эвель бермектир. Сонъ замангъа къалдырмагъа яхшы дегиль. Энъ сонъки муддет, бу байрам куннинъ кунеши батмагъандже. Эм де Зекят Аль-Фитирни Рамаданнынъ биринджи кунюнден башлап, бутюн ай девамында берильмеси мумкюн.

Зекят Аль-Фитирни бергенде ниет мытлакъ олмакъ керек. Эгер о Зекят Аль-Фитирден зияде бермеге истесе, зиядесини садакъа ниетнен бере.

Сайгъылы мусульманлар! Билинъиз ки, Аш-Шафи‘ый ве Маликий месhебине коре, Зекят Аль-Фитир улькеде энъ чокъ къулланылгъан махсулларнынъ са’а микъдарында. 1 Са‘ – дёрт къош авуч. Ханифи месhебине коре, Зекят Аль-Фитир ярым са’а микъдарында богъдай, бир са’а арпа, юзюм къурусы ве хурманен де бериле я да оларнынъ пара микъдары бериле. Пейгъамбер са’анынъ микъдарыны орта буюклигинде алты къош авуч иле бельгиледи. Эгер улькеде энъ чокъ богъдай я да ун даркъалгъан олса, демек ярым са’а, якълашыкъ 1 кг 820 грамм. Меселя, богъдай я да уннынъ фиятына бакъсакъ, бугуньки куньге бир адам ичюн 30 кумюш фитир парасы бериледжек, амма фиятлар ерине коре фаркълаша биле. Онынъ ичюн эр кес оларда олгъан фиятларгъа бакъып сайсын.

Зекят Аль-Фитир кимге берильгени акъкъында Къур`анда «Тауба» Суресинде, 60 Аетте буюрыла:

  • Фукъарелер – ярысындан зиядесини къазангъан, амма зарурий ихтияджына етмей.
  • Мухтаджлар (мискинлер) – зарурий ихтияджынынъ ярысыны биле къазанмагъан.
  • Борджлулар – борджуны одемеджек алда олгъан кимселер.
  • Ёлджулар – эвине къайтмагъа парасы олмагъанлар (эвине къайта биледжек къадар бериле).
  • Аллаh ёлунда олгъанлар, яни Ислям ёлунда курешкенлер я да Хадж ичюн ёлгъа чыкъып парасыз къалгъанлар.
  • Исламны якъында къабул эткенлер.
  • Зекятны джыйгъанлар, эгер оларгъа бу иш ичюн укюмдар айлыкъ бермесе.
  • Къул, эгер о саиплерден озюнинъ азатлыгъы ичюн анълашма тизген олса.

Зекят Аль-Фитир бермек ичюн кимден башланмалы?

Башта сой-соплардан башланмалы (фукъаре къардашлар ве балалары, эмдже, ала, дайы, тизе ве оларнынъ балалары, дигер сойлар), къомшулар ве танышлар, кой, шеэр халкъы ве иляхри.

Зекят Аль-Фитир кимге берильмез:

Ана-бабагъа, къартана-къартбабагъа; балаларына, торунларына; апай-акъай бири-бирине, мусульман олмагъанларгъа; зенгинлерге; джами, чешме, ёл ве бойле киби шейлерге берильмез.

Сайгъылы мусульманлар, бир хутбе ичинде Зекят Аль-Фитир акъкъында анълатмагъа къыйын. Онынъ ичюн динимизни огренинъиз ве бильмеген шейлерни бильгили ве акъикъий оджалардан соранъыз.

Яратыджы туткъан оразамызны, ибадет ве ду‘аларымызны къабул этсин. Аллаh гуняхларымызны афу этсин эм де бизге хайыр, сагълыкъ, селямет ве яхшылыкъ багъышласын.

هَذَا وَأَسْتَغْفِرُ اللَّهَ لِي وَلَكُمْ

--------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات