Центральное духовное управление мусульман - Таврический муфтият - Аллаh бизни ве амеллеримизни яратты

Аллаh бизни ве амеллеримизни яратты

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له وله نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا .سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد 
أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه 
( يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ) 

 

Юдже Аллаhкъа хамд олсун! Онъа тенъ ве ошагъан ич бир шей ёкъ. Аллаh кяинатны ич бирисининъ ярдымы олмадан яратты. Эбедий Яратыджыгъа хамд олсун, О къусурсыз, сынъырсыз, акъылнен тасавур этильмеген, тараф ве мекян яратылмаздан эвель бар эди. Аллаhкъа ич бир шей ошамай, О эр шейни эшите ве коре.

Ресуллерден ве Пейгъамберлерден энъ улу ве шерефли олгъан Мухаммад ‘алейhиссалям ‘Абдуллаhнынъ огълуна салят ве селям олсун. Ве эписи онынъ несилине ве сахабелерине де селямлар олсун.

Екяне Яратыджыгъа такъвалы ве итаатлы олмагъа эр кесни давет этемиз. Эр вакъыт Шари‘атны кутьмек ве Ахирет кунюне азырланмакъ керек.

Юдже Аллаh Къур`анда («Аль-Хашр» Суресинде, 18 Аетте), манасы: «Мусульманлар такъвалы олунъыз, эр кес озюне Ахиретке яхшылыкътан не азырлады, бакъсын. Керчектен де,  Аллаh яптыкъларынъыздан хабердардыр. »

Мукъаддес Къур`анда («Ар-Раʻд» Суресинде, 16 Аетте), манасы: «Ёкъса, путпересчилер шу къадар янълыштылар ки, Аллаhкъа о киби яратыджы бир дост таптылар. Олар бойле пек янълыштылар ки, ким там яратыджы олгъаныны айырып оламайлар. Айт: «Аллаh эр шейнинъ Яратыджысыдыр, О, Екяне ве Къудретлидир.»

Бу Ает менфий манасыны ташый, чюнки эгер путпересчилер яхшы этип фикир этселер, олар Аллаhнынъ Екяне Яратыджы олгъаныны анълар эдилер. Аллаhтан гъайры ич кимсе, ич бир шейни яратмаз.

Юдже Аллаh бу Аетте Пейгъамбер Мухаммад ’алейhиссалям мушриклернинъ янълышлыгъына къаршы чыкъсын деп буюрды, чюнки олар путларгъа ибадет эте эдилер. Амма ибадетке ляйыкъ олгъан тек бир Аллаhтыр. Ве Аллаh Пейгъамбер Мухаммад ’алейhиссалямгъа мушриклерге буны анълатмагъа буюрды. Ондан гъайры Аллаh Екяне Яратыджы, Ортагъы олмагъан, ич бир шейге ошамагъан, ич кимсе Онъа къаршы чыкъып оламаз ве Аллаhтан башкъа Яратыджы олмагъаны акъкъында Пейгъамбер Мухаммад ’алейhиссалям мушриклерге анълатмалы.

Урьметли мусульманлар! Керчектен, мусульманлар тек бир Аллаh эр шейнинъ Яратыджысы эм де амеллеримизнинъ Яратыджысы олгъанына ве бизге омюр бергенине инаналар.

Суфийлернинъ башлыгъы имамы Джунайд Аль-Багъдадий бойле деди, манасы:

 «Керчектен, объектни ве эр предметнинъ амелини Аллаhтан гъайры ич кимсе яратмады.»

Яни эр варлыкъларнынъ ве оларнынъ япкъан амеллерининъ Яратыджысы Аллаhтыр. Биз бунъа мытлакъа инанмакъ керекмиз.

 

Мукъаддес Къур`анда айтыла, манасы: «Аллаh сизни ве амеллеринъизни яратты.»

Бу Ает биз ич бир шейни, яни озюмизни ве амеллеримизни яратып оламагъанымызгъа тасдикътыр. Демек ки, бизни ве амеллеримизни Аллаh яратты.

Мукъаддес Къур`анда («Аль-Ан‘ам» Суресинде, 162-163 Аетлерде) буюрыла, манасы: «Айт, Мухаммад: «Керчектен де, намазларым, дуаларым, къурбанларым, хаджылыгъым, итаатлыгъым меним омюрим, вефатым, япылгъан амеллерим, эм де иманнен ве самимийликнен япылгъан фарзларым, бу эписи Аллаhкъа аиттир. О, кяинатнынъ Роббидир. Не япсам да бу эписи самимий ве тек Аллаh ичюн, Онъа ич бир дост ёкъ. Бу самимийликнен манъа итаат этмеге эмир этильди ве мен мусульман джемиетинден энъ биринджим эм де мазлум.»

Бу Аетте сербест ве сербест олмагъан амеллеримизни Аллаh яраткъаны акъкъында айтыла. Япкъан намазларымызны, кесильген къурбанларымызны ве башкъа амеллеримизни эм де омюримизни ве вефатымызны – эписини Аллаh яратты.

Сербест амеллер – бу инсан тарафындан озь истегинен япылгъан амеллер. Бу амеллер ичюн инсан эсабат береджек. Эгер олар хайырлы олсалар, мусульман савап къазана, эгер яманлыкъ япса, о джезагъа ляйыкътыр.

Мукъаддес Къур`анда («Аль-Бакъараh» Суресинде, 286 Аетте) бойле дениле, манасы:

 

«Мусульман яхшылыкъны эльде этсе, файда къазаныр, эгер яманлыкъны эльде этсе, джезагъа ляйыкъ олур.»

 

Сайгъылы мусульманлар! Керчектен де, эр шейнинъ яратыджысы Аллаh олгъанына инангъан инсанлар омюриндеки къыйынлыкъларны енгиль кечирелер ве башкъа яратыкъларгъа къаршы оларда къоркъусы ёкъ. Билинъиз ки, хайыр ве шер тек Аллаhтан. Яхшылыкъны япмагъа тырышынъыз ве этрафта олгъан инсанларгъа миннетдарлы олунъыз.

Аллаh бизге чокъча диний бильгилерни огренмеге, самимийлик, керчеклик ве Шариатны догъру кутьмеге кучь берсин. Бу фаний дюньянынъ имтианларындан сабырнен кечмеге ве яхшылыкъ япмагъа бизге насип эйлесин.