Центральное духовное управление мусульман - Таврический муфтият - Аллаhнынъ Сыфатлары

Аллаhнынъ Сыфатлары

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد.أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:
﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾
 
Эр шейни яраткъан асыл Къудрет саибине Екяне Яратыджымызгъа хамд олсун. Ортагъы олмагъан, ич кимсеге, ич бир шейге ошамагъан, шекильге мухтадж олмагъан ве эр шейни эшиткен ве бильген Аллаhкъа хамду-сеналар олсун.

Бизим Пейгъамберимизге ве башкъа бютюн Пейгъамберлерге салят ве селямлар олсун.

Шеhадет этем ки, Аллаhтан башкъа Иляh екъ ве шеhадет этем ки, Мухаммад ﷺ Аллаhнынъ Ресулю.

Аллаhнынъ къуллары! Эпинъизни эр вакъыт ве эр ерде такъвалы олмагъа давет этем.  Юдже Яратыджынынъ итаатлы къулы олып Шари‘атыны кутюнъиз. Унутманъыз, сиз къаерде олсанъыз олун Аллаh сизни коре, айткъанынъыз эр сёзюнъизни эшите ве акъкъынъызда эр шейни биле.

Ахирет кунюне азырланынъыз сайгъылы джемаат, О кунь кельгенде догъру диний итикъады олмагъан инсанларгъа не мал, не пара, не де балалары файда кетирмез.

Билинъиз, Юдже Аллаh бизлерге Таухид ёлунданъ сапмайып Екяне Яратыджыгъа инанмагъа ве ич бир вакъыт Аллаhкъа ортакъ къошмайып Шари‘ат боюнджа яшамагъа емир этти.

Юдже Аллаh («Ан-Нахль» Суресининъ, 60 Аетте) буюрды:

﴿وَللهِ الْمَثَلُ الأَعْلَى﴾

Манасы: «Аллаhнынъ Сыфатлары яратылгъанларнынъ сыфатларына бенъземий».

Яни Аллаhнынъ Сыфатлары яратылгъанларнынъ кейфиет ве хусусиетине ошамаз.

Аллаhу Та’аля («Ан-Нахль» Суресининъ, 74 Аетинъде) шойле буюрды:

﴿فَلاَ تَضْرِبُواْ ِللهِ الأَمْثَالَ﴾

Манасы: «Аллаhны ич бир шеге бенъзетменъиз. О – Екяне Яратыджыдыр, Онъа бенъзеген ич бир шей ёкъ».

Урьметли динъ къардашларым! Имам Ат-Тирмизийнинъ ривает этткен бир Хадисинде Пейгъамберимиз Мухаммад ﷺ шойле деди:

”إِنَّ لِلَّهِ تِسْعَةً وَتِسْعِينَ اسْمًا مِائَةً إِلاَّ وَاحِدًا مَنْ أَحْصَاهَا دَخَلَ الْجَنَّةَ“
 
Манасы: «Аллаhнынъ докъсан докъуз Исими бар. Оларны айтып чыкъкъан (перечисляет) Дженнетке киреджек».

Яни, О Исимлерни анълап оларгъа инангъанларгъа Аллаhу Та’аля Дженнетте оладжакъларыны ваде этти.

Мюстеснасыз, Аллаhнынъ бютюн адлары Онынъ Юджелигини костерелер ве Олар Пейгъамберимизге уахий оларакъ эндирильди. Аллаhны ляйыкъ олмагъан исимлернен адландырмагъа ясакъ олгъаныны эпимиз бильмек керекмиз.

Аллаhу Та’аля («Аль-А‘раф» Суресининъ, 180 Аетинде) шойле буюрды:

﴿وَللهِ الأَسْمَاءُ الْحُسْنَى فَادْعُوهُ بِهَا وَذَرُواْ الَّذِينَ يُلْحِدُونَ في أَسْمَائِهِ﴾
 
Манасы: «Аллаhнынъ Юдже ве гузель Исимлери бар ве о Исимлернeн Аллаhкъа хитап этинъиз, Онынъ Исимлерини бозгъанларны исе терк этинъиз».
Бу Ает, Аллаhнынъ бутюн исимлери мукеммель олгъаныны костере.

Аллаh Екяне Яратыджыдыр. «Ар-Рахманир-Рахим» ибаренинъ манасы: «Бу дюньяда эр кес ичюн  Обир дюньяда исе тек иман саиплерине Рахмет бергендир».  Аллаhнынъ «Аль-Малик» адынынъ манасы – «Там укюмдарлыкъкъа саип олгъан». «Аль-Къуддус» – «Бютюн къусурлардан устюн ве мюнеззех олгъан». «Ас-Салям» – «Ич бир къусуры олмагъан». «Аль-Му`мин» – «Озь къулларына ваат эткенини берген». «Аль-Муhаймин» – «Къулларынен олгъан эр шейни Бильген ве Эшитендир (сёз, арекет, итикъат)».

Сайгъылы джемаат, Аллаhнынъ бютюн Адлары Онынъ юджелигини косьтере. Онынъ ичюн Аллаhнынъ ич бир исимини янълыш айтмакъ, янълыш теляффуз этмек олмай. Кимерси адамлар Зикр окъугъанда, Аллаh сёзюни айткъанда ургъуны янълыш къоялар, яни созукъ сесни янълыш созалар. Я да бу адында «h» арифни янълыш теляффуз этелер, онынъ ерине «х» я да «г» айталар.

Такъвалы мусульманлар, Зикирни окъугъанда Аллаhнынъ исимлерини догъру теляффуз этелер, маналарыны бозмайлар. Эм де къусур бильдирген исимлернен Аллаhны адландырмакъ ясакътыр, меселя: «Аh», «Иh», «Уh», чюнки эр кес биле,- бу сес ве сёзлер агъры (боль) иссетильгенде айтыла. Фикъh алимлери тасдикълайлар ки, «Аh» киби сёзлер ве сеслер намазны бозалар, чюнки бу сёзлер шикяет ичюн къулланыла.

Эм де Аллаh акъкъында акъыл ве джан киби сёзлерни айтмагъа ясакътыр. Чюнки акъыл ве джан яратылгъан, Аллаh исе яратылгъанларнынъ хусусиетлерден Устюндыр.

Имам Ат-Тахауий «Аhлюс-суннаh уаль-джама‘атнынъ итикъаты» китабында бойле язды:

”وَمَنْ وَصَفَ اللهَ بِمَعْنًى مِنْ مَعَانِي الْبَشَرِ فَقَدْ كَفَرَ“
 
Манасы: «Аллаhкъа инсаний хусусиетни къошкъан - куфрге тюше (имансыз ола)».

Мухтерем мусульманлар! Юдже Аллаhнынъ исимлерине, анги тильде язылгъанына бакъмайып сайгъы косьтермек керек. Онынъ ичюн кягъытта язылгъан Аллаhнынъ эр анги адыны кирли ерде олгъаныны корьген инсан, оны алып темизлемеси керек. Буны япмагъан гуняхкъа тюше. Аллаhнынъ ады язылгъан кягъытны биле биле  чёплюкке, яхут игренч бир ерге аткъан исе - динден чыкъа. Ве Аллаh адыанги тильде язылгъаныны, русча «Бог», инглиздже “God” вея башкъа бир тильде олса ич бир фаркъ ёкътыр.

Эм де базы адамларнынъ айтылгъан ярамай сёзлеринден бириси: «Аллаh – бу дюньядыр» ве «Бу дюнья исе – Аллаhтыр», олар бу бир бутюн (единое целое) оларакъ саялар.

Имам Суфий Абу Бакр ибн Аль-‘Арабий деди:

مَنْ قَالَ بِالْحُلُولِ فَدِينُهُ مَعْلُولٌ وَمَا قَالَ بِالاِتِّحَادِ إِلاَّ أَهْلُ الإِلْحَادِ
 
Манасы: «Аллаhнынъ бу дюньягъа ерлешкенини айткъан – иман саиби дегильдир; ве тек атеистлер Аллаhнынъ ве бу дюньянинъ бир бутюн олгъаныны айткъанлар».

Сайгъылы диндашлар! Пейгъамберимиз Мухаммад ﷺ бизге догъру ёлны косьтерди. Альхамдулилляh эпимиз билемиз: Шари‘ат боюнджа яшагъанлар ин ша` Аллаh Къыямет куню къуртуладжакъ ве сеадетнен Дженнетке киреджеклер.
Озюм ве сизлер ичюн Аллаhтан афу ве багъышлав сорайым.
 

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات