Центральное духовное управление мусульман - Таврический муфтият - Ислам – ашырылыкътан мюнеззехтир

Ислам – ашырылыкътан мюнеззехтир

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه.

أَمَّا بَعدُ عِبَادَ اللهِ، أُوصِيكُمْ وَنَفْسِيَ بِتَقْوَى اللهِ الْعَلِيِّ الْعَظِيمِ

قال الله تعالى في القرآن الكريم ﴿قُل هُوَ الله أَحَد﴾

Аллаhкъа хамд ве шукурлер олсун! Керчектенде Аллаh Тек ве Екяне Яратыджыдыр. Онынъ барлыгъы эзелий ве эбедийдир, шубесиз бизге ярдым этсинъ ве мерхамет багъышласынъ деп Онъа ду’а` этимиз, бизни ярамай амеллеримизнинъ шерринденъ къорчаласынъ деп Онъа ялварамыз! Акъикъаттенъ кимлерге Аллаh Акъикъат йолуны багъышлагъан оларны ич кимсе бу йолдан шашыртмаз ве аксине, Акъикъатны корьмеке Аллаh насип этмеген инсанларны ич кимсе догъру йолгъа къоюп оламаз!

Шаhадет этем ки Аллаhтанъ башкъа иляh ёкъ, Онынъ ортагъы ёкъ ич кимсе ве ич бир шей Онъа тенъ дегильдир. Ве кене шаhадет этем Мухаммад ﷺ, Аллаhнынъ къулу ве Ресулюдир. Яратыджымыз бизим Пейгъамберимизге ве башкъа бутюн Пейгъамберлерге даа буюк итирам ве даа юксек дередже насип этсин деп Онъа ду’а` этемиз!

Эй Аллаhнынъ къуллары озюмни ве сизни такъвалы олмагъа чагъырам, яни бютюн фарзларыны эда этип харам олгъан шейлерни ишлемектенъ къачынынъыз!

Къур'ан-и Керимде шойле буюрула:

يَا أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ

Манасы:"Эй иман эткенлер – такъвалы олунъыз, ве бакъыныз Ахирет Куню ичюн озюнюзге не азырладынъыз".

Сайгъылы дин къарашларым! Аллаhнынъ изнинен бугюнки хутбемиз Исламнынъ бютюн радикаль арекетлерденъ пак олгъаныны ве Исламнынъ инсанлар, аилелер ве бютюн топлумнынъ узеринъде саип олгъан тесири акъкъында оладжакътыр.

Къурн-и Керимде Аль- Бакъараh суресининъ 143 аетинъде шойле буюрула:

وَكَذَلِكَ جَعَلْنَاكُمْ أُمَّةً وَسَطًا لِّتَكُونُواْ شُهَدَاءَ عَلَى النَّاسِ وَيَكُونَ الرَّسُولُ عَلَيْكُمْ شَهِيدًا

Аетнинъ манасы: "Аллаh Пейгъамберимизнинъ умметине бютюн ашырылыкъларданъ пак олмагъа ве адалет ёлунданъ кетмеге багъышлады. Бу уммет янълыш ёлданъ кеткен инсанлар акъкъында шаитликъ япаджакътыр Пейгъамберимиз исе умметининъ лейхине шаитликъ япаджакътыр".

Яни Аллаhу Та’аля сонъ Пейгъамберининъ умметини бютюн эввельки умметлерденъ усьтюн ве адалетли къылгъан.

Динимизнинъ укюмлерини огренип ненинъ халяль олгъаныны ненинъ харам олгъаныны бильмек ве бу бильгилерни даркъатмакъ – бу янълыш ёлунда булунгъанларгъа къаршы энъ эйи мюджаделедир. Чюнкю бильги васытасынен халкъ

 арасында догъруларнен янълышлар арасындаки фаркъ белли оладжакътыр ве янълыш тюшюнджелернинъ джайрамасынъа мюсааде этильмеджектир.  Акъикъаттен янълыш мефкюрелернинъ пейда олмувынынъ ве даркъатылмасынынъ энъ буюк себеби – дин мевзусунда олгъан  джаhилликтир.

Юкъарыда анълаткъанымыз аят бизлерге, динимизнинъ эр анги ашырыкътанъ ве шиддеттенъ мунеззех олгъаныны косьтере. Ве озюни мусульман киби косьтерген биркъач сахтекяр кишининъ япкъанларына бакъып бютюн мусульман уммети акъкъында ярамай тюшюнмеге керекмий.

Джемаат! Акъикъаттен халкъымызны янълыш ёлдан кеткен ве Пейгъамберимизнинъ умметинини азлаштырмагъа тырышкъан инсанлардан тенбиелемеге истеймиз.

Ве бу япкъанларымыз тамамынен Пейгъамберимизнинъ яткъанларына келише, чюнкю бирХадисинде Пейгъамберимиз шойле буюрган эди:

أُنَاسٌ مِنْ جِلْدَتِنَا يَتَكَلَّمُونَ بِأَلْسِنَتِنَا تَعرِفُ مِنهُم وتُنكِر دُعاةٌ على أبوابِ جهنَّمَ مَن أَجابَهم قَذَفُوه فيها

Манасы: ''Арамызда бизге ошагъан, бизим киби лафеткен инсанлар оладжакъ, лякин олар джеhеннем къапыларына давет этип оларны такъып эткенлерни джеhеннемге сокъаджакълар''.

Акъ ёлуны джойгъан бу инсанлар шойле айталар: "Бизим чагърымызгъа къол туткъанын акъкъы бизим акъкъымыз кибидир, бизге дестек бермегенлер исе имансыздыр - оларнынъ ольдюрюви ве мал-мульклары бизлерге халяльдыр".

Эр кюнь бу ярамай чагъырувнынъ нетиджелерини коремиз: бу инсанлар ич бир шейге бакъмайып эркек ве апайларны, ихтиярларны ве маасум балларны ольдурелер. Оларнен олмагъан яда оларгъа ярдым этмеген инсанларны ольдурьген сонъ мал-мульклерини алпып озьлеринмиш киби къулланалар ве бу япкъанларында ич ярамайлыкъ корьмийлер.

Дин къардашым! Пейгъамберимизнинъ туткъан ёлуны огренмеге чалыш. Акъикъатнен Пейгъамберимизнинъ ёлуны огренмек ве бу ёлуна сарып Шари'атны кютмек бутюн бу ярамайлыкъкъа къаршы бергенимиз мюджаделенинъ биринджи адымыдыр. Акъикъатны огренген сонъ Исламны янълыш мефкюрелерденъ къолайлыкънен фаркъ этебиледжексинъ.

Сайгъылы дин къардашларым! Эпимиз акъибетни тюшюнюп топлумумузны къорчаладжакъ олгъан къалейи шимдиденъ къурмамыз керек. Бу ярамай адамларданъ кельген телюкенинъ акъкъында халкъымызны уярмагъа керекмиз. Ве эгер бир ерде бу телюкенинъ къыгъылчыныны корьсек оны сёндюрмек ичюн элимизден кельгени къадар эршейни япмакъ бойнумузнинъ борджудур.

Пейгъамбер Эфендимиз, озь орнегинен бизлерге косьтерди – эгер кендимиз, къорантамыз ве халкъымыз ичюн яхшылыкъ истесек бирликте чалышып акъикъатны къорчаламамыз керекмиз. Анджакъ бу шекильде эр вакъыт хаял эткенимиз о абадан келеджекни омюрге кечирермиз.

Эр кунь догъуда ве батыда олгъан фаджиалы адиселерден бахис этемиз, ве эр кюнь бу дехшет толу вакъияларда маасум ве къабаатсыз инсанлар хаятларыны гъайып этелер. Эпимиз бир олуп бу джинаетлерге къаршы чыкъмамыз керекмиз. Динимиз шиддетке ве зорбалыкъкъа къаршыдыр, Пейгъамберимиз алемлерге рахмет оларакъ эндирильди, О инсанларны джаhиллик къаранлыгъындан иман ышыгъына чыкъаргъан. Пейгъамберимизни ибрет алып япылгъан иш, эльбетте мюкеммель оладжакътыр.           

Акъикъаттен, керчек бахт ве саадет – бу, Пейгъамберимизнинъ ёлуну бильмек ве хаятыны бу ёлда кечирмектир. Аллаhу Та’аля бизим гунахларымызны афу этсин, янълыш тюшюнджелерденъ, янълыш мефкюрелерденъ бизни къорчаласын ве бизге Дженнетке азапсыз кирмеге насип эйлесинъ!

هَذَا وَأَسْتَغْفِرُ اللَّهَ لِي وَلَكُمْ

______________________________________________________________

الْحَمْدُ للهِ رَبِّ الْعَالَمِينَ وَالصَّلاَةُ وَالسَّلاَمُ عَلَى نَبِيِّهِ الْكَرِيمِ وَعَلَى ءَالِهِ وَأَصْحَابِهِ الطَّيِّبِينَ الطَّاهِرِينَ، عِبَادَ اللهِ أُوصِيكُمْ وَنَفْسِيَ بِتَقْوَى اللهِ الْعَظِيمِ

قال الله تعالى ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات