Пейгъамберимизге, ‘алейhиссалям, урьмет

Категория: Джума хутбеси Просмотров: 3713

إِنَّ ٱلْحَمْدَ ِللهِ نَحْمَدُهُ وَنَسْتَعِينُهُ وَنَسْتَهْدِيهِ، وَنَعُوذُ بِٱللهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ ٱللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ، وَأَشْهَدُ أَنْ لاَ إِلَهَ إِلاَّ ٱللهُ وَحْدَهُ لاَ شَرِيكَ لَهُ وَلاَ مَثِيلَ لَهُ وَلاَ ضِدَّ وَلاَ نِدَّ لَهُ. وَأَشْهَدُ أَنَّ مُحَمَّدًا عَبْدُهُ وَرَسُولُهُ وَصَفِيُّهُ وَحَبِيبُهُ، صَلَّى ٱللهُ عَلَى مُحَمَّدٍ وَعَلَى كُلِّ رَسُولٍ أَرْسَلَهُ.

أَمَّا بَعْدُ عِبَادَ ٱللهِ، فَإِنِّي أُوصِيكُمْ وَنَفْسِيَ بِتَقْوَى ٱللهِ ٱلْعَلِيِّ ٱلْعَظِيمِ.

Ортагъы олмагъан, ич кимсеге, ич бир шейге ошамагъан, шекильге мухтадж олмагъан, эр шейни эшиткен ве бильген Аллаhкъа хамд олсун. Аллаh бизге ярдым ве бизни афу этсин деп, Ду’а` этемиз. Бизни шерден ве яманлыкътан къорчаласын деп, ялварамыз.  Кимге Аллаh Акъикъат ёлуны такъдир этти, ич кимсе оны бу ёлдан шашыртмаз. Амма кимге Аллаh Акъикъат ёлуны бермеди, ич кимсе оны къорчаламаз.

Бизим Пейгъамберимизге, башкъа бутюн Пейгъамберлерге ве оларнынъ девамджыларына салят ве селям олсун.

Шеhадет этем, Аллаhтан башкъа Иляh ёкъ, Онынъ ортагъы ёкъ ве Мухаммад Аллаhнынъ къулу ве Пейгъамбери.

Сайгъылы мусульманлар! Аллаhкъа бойсунуп итаатлы олайыкъ. Яратыджынынъ эмирлерини япып ясакълагъан шейлерден сакъынайыкъ ве бу дюньядан такъвалы мусульман оларакъ айырылайыкъ.

Урьметли дин къардашларым! Мукъаддес Къур`анда («Аль-А‘раф» Суреси, 157 Аетте) шойле буюрула:

﴿ٱلَّذِينَ يَتَّبِعُونَ ٱلرَّسُولَ ٱلنَّبِيَّ ٱلأُمِّيَّ ٱلَّذِي يَجِدُونَهُ مَكْتُوبًا عِندَهُمْ فِي ٱلتَّوْرَاةِ وَٱلإِنْجِيلِ يَأْمُرُهُم بِٱلْمَعْرُوفِ وَيَنْهَاهُمْ عَنِ ٱلْمُنكَرِ وَيُحِلُّ لَهُمُ ٱلطَّيِّبَاتِ وَيُحَرِّمُ عَلَيْهِمُ ٱلْخَبَآئِثَ وَيَضَعُ عَنْهُمْ إِصْرَهُمْ وَٱلأَغْلاَلَ ٱلَّتِي كَانَتْ عَلَيْهِمْ فَالَّذِينَ ءامَنُواْ بِهِ وَعَزَّرُوهُ وَنَصَرُوهُ وَاتَّبَعُواْ ٱلنُّورَ ٱلَّذِيَ أُنزِلَ مَعَهُ أُوْلَئِكَ هُمُ ٱلْمُفْلِحُونَ﴾

Манасы: «Язмагъа ве окъумагъа бильмеген ве акъкъында Тауратта ве Инджильде олгъан къайыдларыны тападжакълары Ресульнинъ артындан кеткенлер эйликтелер. Пейгъамбер оларгъа яхшылыкъны ве фарз олгъан шейлерни япмагъа эмир этип яманлыкъ япмагъа ясакъ этер, оларгъа яхшы олгъан шейлерни элял этер пис шейлерни исе харам къылып узерилериндеки  агъырлыкъларынданъ ве зынджырларынданъ азат этер. О Пейгъамберге инангъан, онъа сайгъы косьтерип ярдым эткен ве онен бирликте ёлланылгъан акъикъат нуруна уйгъан мусульманлар къуртулышкъа иришеджеклер».

Къур`анда («Аль-Ахзаб» Суреси, 6 Аетте) буюрыла:

﴿ٱلنَّبِيُّ أَوْلَى بِٱلْمُؤْمِنِينَ مِنْ أَنفُسِهِمْ وَأَزْوَاجُهُ أُمَّهَاتُهُمْ﴾

Манасы: «Мусульманлар ичюн Пейгъамбер озьлеринден даа къыйметлидир Пейгъамбернинъ апайлары исе – мусульманларнынъ аналарыдыр».

Сайгъылы мусульманлар! Юдже Аллаh бутюн Пейгъамберлерини Ислям дининен йиберди ве эр Аллаhнынъ Пейгъамбери дигер яратылгъанлардан даа яхшыдыр. Лякин бизим Пейгъамберимиз, ‘алейhиссалям, сонъки Пейгъамбердир ве Аллаhу Та'аля онъа башкъа Ресуллерге коре, даа чокъ устюнлик ве улулыкъ багъышлады.

Мухтерем мусульманлар! Билинъиз, Пейгъамбер Мухаммад, ‘алейhиссалям, сагъ олгъанда онъа итибар косьтерильгени киби, вефатындан сонъ да онъа айны шекильде итибар косьтерьмек керекмиз! Пейгъамберимизни, ‘алейhиссалям, хатырлагъанда, онынъ Хадислерини айткъанда ве онынъ огреткенлерини анълаткъанда, оны юксельтмек, итибар ве урьмет этмек керек. Пейгъамбермизнинъ къорантасына, онынъ такъвалы сахабелерине ве несилине де итибар косьтермели. Пейгъамберимиз, ‘алейhиссалям акъкъында лаф эткеткенде ве оны хатырлагъанда озь табиятымызда яхшы денъишмелер ола, яни дасаакин да эйи мизаджлы инсан оламыз.

Мусульманларнынъ реиси Абу Джа‘фар Аль-Мансур Пейгъамберимизнинъ джамисинде имам Маликнен субет эткенде, имам Малик онъа бойле деди:   

«Эй Мусульманларнынъ реиси! Бу джамиде сесини юксельтме, керчектен де, Аллаh инсанларгъа бойле бильдирди:

يَا أَيُّهَا الَّذِينَ آمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلَا تَجْهَرُوا لَهُ بِالْقَوْلِ كَجَهْرِ بَعْضِكُمْ لِبَعْضٍ أَنْ تَحْبَطَ أَعْمَالُكُمْ وَأَنْتُمْ لَا تَشْعُرُونَ

Манасы: «Эй, иман эткенлер, сеслеринъизни Пейгъамберимизнинъ сесинден юксельтменъиз ве онъа бирбиринъизге хитап эткенинъиз сеснен хитап этменъиз, сизинъ амеллеринъиз бош олмасынъ, сиз исе оны ич дуймайджакъсынъыз». («Аль-Худжурат» Суреси, 2 Аети).

Юдже Аллаh инсанларны макътап, бойле буюрды:

إِنَّ الَّذِينَ يَغُضُّونَ أَصْوَاتَهُمْ عِنْدَ رَسُولِ اللَّهِ أُولَٰئِكَ الَّذِينَ امْتَحَنَ اللَّهُ قُلُوبَهُمْ لِلتَّقْوَىٰۚ لَهُمْ مَغْفِرَةٌ وَأَجْرٌ عَظِيمٌ

Манасы: «Керчектен де, Аллаhнынъ Ресули янында озь сеслерини эксильткенлернинъ юреклерини Аллаh пак этип, такъвалыкънен толдурды. Оларгъа 'аф ве буюк бахшыш азырланды». («Аль-Худжурат» Суреси, 3 Аети).

Керчектен де, Пейгъамберимизге о сагъ олгъанда япылгъан урьмет, онынъ вефатындан сонъ да айны шекильде девам этмелидир! Абу Джа‘фарнынъ юрегине бу сёзлер пек тесир этти ве о тынчланып, бойле деди: «Эй, Абу ‘Абдуллаh! Мен Ду‘а` окъугъанда, Къыблагъа я да Аллаhнынъ Ресулине ёнелейим?» Имам Малик бойле джевап берди: «Пейгъамберимизден юзь чевирме, чюнки о Ахиретте санъа ве Адем ‘алейhиссалямгъа шефаат береджек. Онынъ ичюн юзюни Пейгъамберимизнинъ тарафына ёнелип, онынъ шефаатыны исте. Аллаh Пейгъамберимизнинъ шефаатыны санъа багъышлар!

Юдже Аллаh бойле буюрды:

وَمَا أَرْسَلْنَا مِنْ رَسُولٍ إِلَّا لِيُطَاعَ بِإِذْنِ اللَّهِۚ وَلَوْ أَنَّهُمْ إِذْ ظَلَمُوا أَنْفُسَهُمْ جَاءُوكَ فَاسْتَغْفَرُوا اللَّهَ وَاسْتَغْفَرَ لَهُمُ الرَّسُولُ لَوَجَدُوا اللَّهَ تَوَّابًا رَحِيمًا

Манасы: «Эгер олар озлерине къаршы адалетсизлик япкъан сонъ, санъа келип, Аллаhтан магъфирет истеселер ве Пейгъамбер олар ичюн Аллаhтан магъфирет истесе, олар Аллаhнынъ магъфиретини ве мерхаметини алырлар, чюнки Аллаh мусульманларнынъ тёвбелерини къабул этиджи ве рахмет багъышлайджыдыр» («Ан-Ниса`» Суреси, 64 Аети).

Буюк имам Аййюб Ас-Сахтияний Пейгъамберимизнинъ сёзлерини эшиткенде агълай эди. Имам Маликнинъ янында Пейгъамберимизнинъ акъкъында лаф кеткенде чырайы ве нефес алувы денъише эди. Къур`ан окъуйджиларнинъ башы олгъан Мухаммад ибн Аль-Мункядирденъ ондан бирде-бир Хадисни сорагъанда о агъламагъа башлай эди.

Джа‘фар ибн Мухаммаднынъ янында Пейгъамберимиз акъкъында лаф кеткенде онынъ чырайы денъише эди. Ве о Пейгъамберимиз акъкъында Таhарет алмдан анлатмагъа башламай эди.

Урьметли мусульманлар! Сахабелер Пейгъамберимизнен озьлерини алчакъ гонюлли ве итаатлы алып бара эдилер. Эм де оны юксельтип ве юджельтип, огъа урьмет эткенлер. Олар Пейгъамберимизни о къадар чокъ севгенлер ки, онынъ айткъанларыны бири-биринден тез япмагъа тырыша эдилер. Пейгъамберимизнинъ сачларыны ве абдест алгъан сувуны берекетленмек ичюн къуллангъанлар. О, айткъанда, олар дикъкъатнен динълей эдилер. Пейгъамберимизни пек урьмет эткенлери ичюн онынъ козьлерине бакъмаып оламай эдилер.

Мухтерем мусульманлар! Пейгъамберимиз Мухаммад, ‘алейhиссалям сахабелери ондан ве онынъ мукъаддесаттан (реликвия) берекетлене эдилер. Бу, о яшагъанда ве онынъ вефатындан сонъ япыла эди. Бизим заманымызда да бу девам этиле ве бунъа табаррук дениле. Бунынъ акъкъында имамлар Аль-Бухарий ве Муслим ривает эттилер. Пейгъамберимиз Мухаммад, ‘алейhиссалям веда Хаджылыкъны япкъанда сачларыны тыраш этип, сахабелерине даркъатты. Олар бу сачларыны берекетленмек ичюн къуллана эдилер. Ве бу оларгъа Пейгъамбер Мухаммадны, ‘алейhиссалям хатырлата.

Сайгъылы мусульманлар! Сахабелер Пейгъамберимизге буюк итибар косьтерип, онынъ айткъан сёзлерине итаатлы олдылар. Оны озюнден даа чокъ севип, ондан берекетлене эдилер. Бизим динимизде Пейгъамберимизнинъ мукъаддесатлардан берекетленмек ясакъ дегиль, аксине, бу яхшы бир амельдир.

Аллаh бизге хайыр багъышласын ве Пейгъамберимизнинъ мукъаддесатлардан берекетленмек имкян берсин деп, Ду‘а` этемиз.