Аллаhа къаршы сёгюнмек тенбиси

Категория: Джума хутбеси Просмотров: 57

إِنَّ الْحَمْدَ لِلَّهِ نَحْمَدُهُ وَنَسْتَعِينُهُ وَنَسْتَهْدِيهِ وَنَشْكُرُهُ وَنَسْتَغْفِرُهُ وَنَتُوبُ إِلَيْهِ، وَنَعُوذُ بِاللَّهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِ اللَّهُ فَلَا مُضِلِّ لَهُ وَمَنْ يُضْلِلْ فَلَا هَادِيَ لَهُ. الْحَمْدُ لِلَّهِ الَّذِي عَلَّمَ الْإِنْسَانَ مَالَمْ يَعْلَمْ وَشَرَعَ لِلْخَلْقِ الدِّينَ وَقَيَّضَ لِهَذَا الدِّينِ فُقَهَاءَ وَجَعَلَهُمْ وَرَثَةَ الْأَنْبِيَاءِ، فَنَفَعَ بِهِمْ خَلْقًا وَحَرَمَ ءَاخَرِينَ.

وَأَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ وَلَا مَثِيلَ لَهُ وَلَا ضِدَّ وَلَا نِدَّا لَهُ، وَلَا شَكْلَ وَلَا صُورَةَ وَلَا أَعْضَاءَ لَهُ، وَلَا حَيِّزَ وَلَا جِهَةَ وَلَا مَكَانَ لَهُ، جَلَّ رَبِّي لَا يُشْبِهُ شَيْئًا وَلَا يُشْبِهُهُ شَىْءٌ وَلَا يَحُلُّ فِي شَىْءٍ وَلَا يَنْحَلُّ مِنْهُ شَىْءٌ، لَيْسَ كَمِثْلِهِ شَىْءٌ وَهُوَ السَّمِيعُ الْبَصِيرُ،

وَأَشْهَدُ أَنَّ سَيِّدَنَا وَحَبِيبَنَا وَعَظِيمَنَا وَقَائِدَنَا وَقُرَّةَ أَعْيُنِنَا مُحَمَّدًا عَبْدُ اللَّهِ وَرَسُولُهُ وَصَفِيُّهُ وَحَبِيبُهُ، بَلَّغَ الرِّسَالَةَ وَأَدَّى الْأَمَانَةَ وَنَصَحَ الْأُمَّةَ فَجَزَاهُ اللَّهُ عَنَّا خَيْرَ مَا جَزَى نَبِيًّا مِنْ أَنْبِيَائِهِ، اللَّهُمَّ صَلِّ وَسَلِّمْ وَبَارِكْ وَأَكْرِمْ وَأَنْعِمْ عَلَى سَيِّدِنَا مُحَمَّدٍ مُعَلِّمِ الْخَيْرِ وَعَلَى ءَالِهِ وَأَصْحَابِهِ الطَّاهِرِينَ وَمَنْ تَبِعَهُمْ بِإِحْسَانٍ إِلَى يَوْمِ الدِّينِ.

أَمَّا بَعْدُ عِبَادَ اللَّهِ فَإِنِّي أُوصِيكُمْ وَنَفْسِيَ بِتَقْوَى اللَّهِ الْعَلِيِّ الْعَظِيمِ.

Акъикъатен, бутюн макътавлар Аллаhа аиттир! Биз Оны юджельтемиз, Ондан ярдым ве магъфирет сораймыз, Онъа шукюр этемиз ве Ондан бизни эр вакъыт догъру ёлгъа къоймасыны истеймиз ве гунахларымыздан  Аллаhа тёвбе этемиз. Гунахкяр тюшкюнликлеримизден ве ярамай амеллеримизнинъ шерринден Аллаhтан бизни къорумасыны истеймиз.

Аллаh бирисини Догъру Ёлгъа къойгъан олса, оны ич бир заман адаштырмаз, кимге Догъру Ёлнен кетмеге имкян бермеген олса, о инсанны ич кимсе тюзетмез ве догъру ёлнен алып кетемез.

Аллаhа хамд олсун ки, О, инсанны ич бильмеген шейлерге огретти ве Озь яратыкъларына бу Динге коре яшамакъ эмир этти. Аллаh диний бильгилерни акътармакъ ичюн алимлерни бельгиледи ве оларны Пейгъамберлернинъ мирасчылары оларакъ танытты. Олар белли бир инсанларнен бильгилерни пайлаштылар ве о инсанлар бундан файдаландылар, башкъалары исе джеалетте къалдылар.

Мен шаатлыкъ этем ки, Аллаhтан гъайры Яратыджы ёкъ, О Бирдир, Болюнмездир, Онъа бенъзеген ёкъ ве Онынъ ортагъы ёкътыр. О – эбедийдир ве Онынъ ич кимсеге, ич бир шейге ихтияджы ёкътыр, Онынъ къадыны ве баллары ёкътыр. Аллаh бутюн къусурлардан устюндир, Онъа бенъзеген ёкътыр ве О ич бир шейге бенъземей.

Бу дюньяда яшамагъан, ич кимседе яшамагъан ве Ондан ич бир шей айры олмагъан Юдже Яратыджыгъа хамд олсун. Бутюн къусурлардан устюн олгъан, фезада ер алмагъан, сурети, чешити, къурулышы, шекили, ольчюси, сынъыры, ёнелиши, ери олмагъан Аллаha хамд этемиз. Онъа бенъзеген ич бир шей ёкъ, О – эр шейни Эшиткен ве эр шейни Корьгендир.

Мен шаатлыкъ этем ки, бизим эфендимиз Мухаммaд ﷺ – Яратыджынынъ энъ севильгени ве энъ чокъ урьмет этильгенидир, о, энъ къыйметли ве энъ сайгъылы, яратылгъанларнынъ энъ буюги – Аллаhнынъ къулу ве Пейгъамберидир. О, Пейгъамберлер ве Эльчилер арасында энъ гузели ве сечильгенидир. О, Аллаhтан бизге яхшылыкъ, бахт ве къуртулыш ёлуны косьтермек ичюн ёлланылгъан шахыстыр. О, илим ве медениетнинъ ышыгъына алып кеткен ёлгъа рехберлик этти. О, онъа берильген Пейгъамберлик вазифесини энъ яхшы шекильде эда этти.

Биз Рахим олгъан Яратыджыдан Пейгъамберимиз Мухаммадгъа ﷺ даа зияде буюк олмасыны, шереф ве такъдир этильмесини нияз этемиз. Онынъ буюклиги о, окъумагъа, язмагъа бильмейип, инсанларны яхшылыкъкъа, къуртулышкъа, гузель ахлякъкъа, акъикъий мумин олмагъа, яни инсанлыкъ ичюн эм бу дюньяда, эм о бир дюньяда файдалы олгъан шейлерге огреткениндедир. Айны вакъытта биз онынъ асыл аилесине, адиль сахабелерине ве салих мюридлерине сайгъымызны бильдирип, салямларымызны ёллаймыз.

Азиз мусульманлар! Сизге айры давет иле хитап этем – эр вакъыт ве эр ерде Аллаhтан къоркъунъыз!

Мукъаддес Къур`анда «Аль-Баляд» бойле айтылгъан (Сураh «Аль-Баляд» Аятлар 8-9):

أَلَمْ نَجْعَلْ لَهُ عَيْنَيْنِ وَلِسَانًا وَشَفَتَيْنِ

Манасы: «Аллаh инсангъа козь, тиль ве дудакълар яратмадымы?».

Бу суаль ве тасдыкъ джумлесидир. Яни Аллаh Къур`анда инсангъа берильген бахшышларны анъа: козьлерни – оларнынъ ярдымынен инсан коре; тильни – онынъ ярдымынен инсан озь фикирлерни ифаде эте; ве дудакъларны – олар агъыз бошлугъыны къапаталар ве дудакълар ярдымынен сёзлерни айта, аш ашай ве сув иче.

 Къур`аннынъ девамында бойле айтылгъан (Сураh «Аль-Баляд» 10 Аят):

وَهَدَيْنَاهُ النَّجْدَيْنِ

Манасы: «Аллаh инсангъа эки ёлны косьтерди: яхшылыкъ ёлу – о Дженнетке алып кете ве яманлыкъ ёлу – о джеhэннемге алып кете».

Бир къач алимлернинъ фикрине коре, бу Аетлер асылзаде къурайшитлернинъ бирисине нисбетен ёлланылгъан эди. Онынъ ады Аль-Уалид ибн Аль-Мугираh эди ве о, Аллаhнынъ эмирлерини ве ёлланылгъан Бахшышларыны ихмаль эте эди, Аллаhа олар ичюн шукюр этмей эди ве онъа бу бахшышларны Ёллагъангъа инанмагъан эди.

Къыйметли Дин къардашларымыз! Акъикъатен, тиль – бу буюк ниметтир ве онынъ ичюн биз эр шейге къудрети еткен Яратыджымызгъа шукюр этмек керекмиз. Аллаhа къаршы шукюр этмек – О ясакъ эткен эр шейден тилимизни къорчаламакътыр. Бу нимет ичюн Аллаhа шукюр этмеген инсанлар бар, олар озь тиллерини ясакъ этильген шейлер ичюн ишлетелер. Не языкъ ки, бойле аллар пек чокъ.

Къыйметли Дин къардашларымыз! Тильнинъ энъ буюк гунахларындан: мусульманны акъкъы олмайып сёгмек, гъибаh (ифтира), намимаh, мусульманлар арасында фитнени туташтырмакъ ве яймакъ, мусульманларгъа нутукъ иле зарар бермек ве иляхре.

Къыйметли мусульманлар! Тильнинъ гунахларындан къоркъунч зулумгъа, яни имансызлыкъкъа кетирген гунахлар бар. Аллаh бизни къорчаласын! Мисаль оларакъ ойле инсанлар бар ки, олар Аллаhнынъ ниметлерине шукюр этип, Оны бунынъ ичюн юксельтмек ерине, аксине Яратыджыны акъаретлейлер, сёгелер. Аллаhны офькели алда сёггенлер бар, башкъалар Аллаhны эм офькели, эм къуванчлы алларында сёгелер ве айны вакъытта озьлерини мусульман олгъанларыны тюшюнелер. Олмаз! Аллаhны сёгген бириси мусульман оламаз, чюнки мусульман – Аллаhтан гъайры ич кимсеге ибадет этильмегенине, энъ юксек итаат ве бойсунмагъа тек Аллаhа аит олгъанына инаныр, ве бунда эмин олур, ве Мухаммад – Аллаhнынъ Рaсули деп тасдыкълар; ве озюни Ислямны бозгъан эр шейден къорчалады. Мусульман олгъан инсан озюнинъ сонъ куньлерине къадар юрегини Тек Бир олгъан ве ич болюнмеген Яратыджысынынъ юксельтмесине багълагъан бирисидир. Аллаhны сёгген бириси исе Ислямдан узакълаша ве кяфирлерден ола. О озюни акъламагъа тырышкъан ве «Мен офькели эдим ве Ислямдан узакълашмагъа истемедим» сёзлери къабул этильмейлер. Чюнки, акъикъатен, Ислям алимлери инсаннынъ офькели, ачувлы алында айтылгъан сёзлери шуурлы олса, яни хата оларакъ айтылмагъан олса, демек ки бойле вазиет оны инанчсызлыкъкъа кирмемектен къорчаламай. Аль-Хафиз Ан-Науауий ханафий алимлерден бойле сёзлерни айтып, исбат этти – эгер инсан озь огълу я да къулуна ачувланып, оны пек ургъан олса ве бириси «Сен мусульман дегильсинъми?», яни «Насыл этип сен ойле серт шекильде огълунъы я да къулунъны урасынъ, бу – гуняхтыр!» десе ве джевап берген инсан: «Ёкъ!» (мусульман дегилим) десе, демек ки о, Иманындан узакълашты, чюнки имансызлыкъ сёзлерини озь ирадесинен айтты.

Къыйметли диндашлар, дикъкъатлы олунъыз! Аллаhны сёгмек – бу садедже инсанлар арасында белли олгъан ярамай сëзлерини къулланмакъ дегильдир, мисаль оларакъ айтмакъ «Аллаh ойледир, Аллаh бойледир» ве иляхре. Яратыджыгъа къаршы тек ярамай сёзлерни къулланмакъ дегильдир. Аллаhкъа сёгюнмек Аллаhа чешит къусурлар я да Онъа ляйыкъ олмагъан шейлерни аит олгъаныны айтмакъ та сёгюнмек оларакъ къабул этиле. Яни мисаль оларакъ, огълу, апайы, сынъырлар, вуджут, органлар, сурьат, ер, ренк, болдурма, джансызлыкъ, джаhиллик ве яратыджыларнынъ чешит башкъа хусусиетлери къошмакъ.

Къыйметли Дин къардашларымыз! Тильнен сёгюнген инсанлар эгер онынъ Имандан чыкъмагъан ниети олмаса Имандан узакълашмагъаныны айткъан инсанларгъа инанманъыз. Айны Аллаhны шакъа оларакъ сёгмек джевапсыз къаладжагъына инанманъыз. Акъикъатен бойле фикирде олмакъ янълыш, янълыш ве даа бир кере янълыштыр! Чюнки бойле фикир Мукъаддес Къур`ангъа, Хадислерге ве иля hиятчыларнынъ умумий фикир ве нетиджелерине къаршыдыр.

Къур`анда бойле айтылгъан  (Сураh «Ат-Таубаh» Аят 74):

يَحْلِفُونَ بِاللَّهِ مَا قَالُوا وَلَقَدْ قَالُوا كَلِمَةَ الْكُفْرِ وَكَفَرُوا بَعْدَ إِسْلَامِهِمْ

Манасы: «Олар ич бир шей айтмадылар деп, Аллаh иле эмин этелер. Акъикъатен исе, олар куфюр сёзлерини айттылар ве инангъан сонъ, имансызлыкъны косьтердилер.

Къур`анда бойле айтылгъан (Сураh «Ат-Таубаh» Аяты 65-66):

وَلَئِنْ سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ ۚ قُلْ أَبِاللَّهِ وَآيَاتِهِ وَرَسُولِهِ كُنْتُمْ تَسْتَهْزِؤونَ

لَا تَعْتَذِرُوا قَدْ كَفَرْتُمْ بَعْدَ إِيمَانِكُمْ ۚ

Манасы: «Эгер сен (эй, Мухаммад) олардан [мунафыкълардан] сорасанъ, олар, эльбетте, бойле джевап берирлер: «Биз тек (субетлерге) дала эдик ве шакъалаша эдик (бу тек сёзлер эди ве фикиримизде ич бир ярамай шей ёкъ эди)». Айт ки: «Сиз Аллаh, Онынъ аляметлери ве Онынъ Пейгъамбери устюнде шакъалаша эдинъизми?». Озюнъизни акъламанъыз (эй, мунафыкълар) (чюнки сизинъ акъламаларынъыз файдасыздыр)! Акъикъатен, сиз инангъан сонъ, имансызлыкъны косьтердинъиз.

Пейгъамберимиз Мухаммад, бойле айткъан эди:

إِنَّ العَبْدَ لَيَتَكَلَّمُ بِالْكَلِمَةِ لاَ يَرَى بِهَا بَأساً يَهْوي بِهَا في النَّارِ سَبْعِينَ خَرِيفًا

Манасы: «Акъикъатен, ким [куфюр] сёзюни айткъан олса, бунда ич бир янълышлыкъ корьмесе де [бу вазиет онъа зарар кетирмез деп тюшюнсе, яни буны гунах деп танымаса], бундан джehэннемге етмиш йыл тюшеджек».

Диний менбалар ишарет эткенлери киби бу тек инанмагъанлар ичюн айырылгъан джеhэннемнинъ тюбюдир. Бу Хадисни имам Ат-Тирмизий еткизди.

 Къады ʻИйяд Маликий мезхебининъ алими, озюнинъ «Аш-Шифа би-таʻриф хукук Аль-Мустафа» китабында бутюн Ислям иляhиятчыларынен берабер Аллаhны сёгмек куфюр оларакъ сайылгъан умумий нетиджеси акъкъында бойле язды:

لَا خِلَافَ أَنَّ سَابَّ اللهِ تعالى كَافِرٌ

Манасы: «Мусульман олып, Юдже Аллаhны сёгген бириси кяфир олмасындан анълашылмамазлыкъ ёкътыр».

Азиз дин къардашым! Сёзлерге тюшюнмейип, дикъкъатсыз давранма, озь нуткъуны о сенинъ агъыз ве дудакъларындан чыкъмаздан эвель Шариʻат теразесинен ольче, чюнки сен шуурлы айткъан эр шейни эки Мелек яза.

Мукъаддес Къур`анда бойле айтылгъан (Сураh «Къаф» Аят 18):

مَا يَلْفِظُ مِنْ قَوْلٍ إِلاَّ لَدَيْهِ رَقِيبٌ عَتِيدٌ

Манасы: «Аллаhнынъ къулу айткъан эр шей китапта Ракыб ве ‘Атид Мелеклеринен языла».

Бир Мелек яхшы шейлерни, экинджи – ярамай шейлерни яза. Юдже Аллаh биз озь тилимизни куфюр сёзлерден ве ярамай шейлерден къорчаламамызны эвельден хабер этти, чюнки Аетте айтылгъаны киби, Мелеклер бизим нутукъымызны ве япкъан арекетлеримизни язалар. Эсап Куню кельгенде эр бир инсан бутюн буларны кореджектир.

Юдже Аллаhтан Иманымызны ве бизим органларымызнынъ гуняхкъа тюшмесинден къорчаламасыны нияз этем! Акъикъатен, мувафакъиетимизни тек Аллаh ярата!

هَذَا وَأَسْتَغْفِرُ اللَّهَ لِي وَلَكُمْ.

الخطبة الثانية:

الْحَمْدُ لِلَّهِ رَبِّ الْعَالَمِينَ لَهُ النِّعْمَةُ وَلَهُ الْحَمْدُ وَلَهُ الثَّنَاءُ الْحَسَن.

وَالصَّلَاةُ وَالسَّلَامُ عَلَى سَيِّدِنَا مُحَمَّدٍ الصَّادِقِ الْوَعْدِ الْأَمِينِ، وَعَلَى إِخْوَانِهِ النَّبِيِّينَ وَالْمُرْسَلِينَ. وَرَضِيَ اللَّهُ عَنْ أُمَّهَاتِ الْمُؤْمِنِينَ، وَءَالِ الْبَيْتِ الطَّاهِرِينَ، وَعَنِ الْخُلَفَاءِ الرَّاشِدِينَ أَبِي بَكْرٍ وَعُمَرَ وَعُثْمَانَ وَعَلِيٍّ، وَعَنِ الْأَئِمَّةِ الْمُهْتَدِينَ أَبِي حَنِيفَةَ وَمَالِكٍ وَالشَّافِعِيِّ وَأَحْمَدَ، وَعَنِ الْأَوْلِيَاءِ وَالصَّالِحِينَ،

وَأَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ، وَأَشْهَدُ أَنَّ سَيِّدَنَا محَمَّدًا عَبْدُهُ وَرَسُولُهُ وَحَبِيبُهُ، أَمَّا بَعْد..

عِبَادَ اللَّهِ، فَإِنيِّ أُوْصِيكُمْ وَنَفْسِيَ بِتَقْوَى اللَّهِ الْعَلِيِّ الْعَظِيمِ،

وَبِالتَّمَسُّكِ بِهَدْيِ رَسُولِهِ مُحَمَّدٍ الْأَمِينِ ﷺ وَبِالثَّبَاتِ عَلَى نَهْجِ وَدَرْبِ الْأَوْلِيَاءِ وَالصَّالِحِينَ.

فَلْيَتَّقِ اللَّهَ كُلُّ وَاحِدٍ مِنَّا وَلْيُؤْثِرِ الْآخِرَةَ وَلْيُؤْثِرْ مَا يَبْقَى عَلَى مَا يَفْنىَ.

يَقُولُ اللَّهُ تَعَالَى: ﴿يَا أَيُّهَا النَّاسُ اتَّقُوا رَبَّكُمْ إِنَّ زَلْزَلَةَ السَّاعَةِ شَيْءٌ عَظِيمٌ (1) يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُم بِسُكَارَى وَلَكِنَّ عَذَابَ اللَّهِ شَدِيدٌ﴾.

وَاعْلَمُواْ أَنَّ اللَّهَ أَمَرَنَا بِأَمْرٍ عَظِيمٍ أَمَرَنَا بِالصَّلَاةِ وَالسَّلَامِ عَلَى نَبِيِّهِ الْكَرِيمِ فَقَالَ:

﴿إنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ ءَامَنُواْ صَلُّواْ عَلَيْهِ وَسَلِّمُواْ تَسْلِيمًا

اللَّـهُمَّ صَلِّ عَلَى مُحَمَّدٍ وَعَلَى ءَالِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى ءَالِ إِبْرَاهِيمَ إِنَّكَ حَمِيدٌ مَجِيدٌ،

اللَّـهُمَّ بَارِكْ عَلَى مُحَمَّدٍ وَعَلَى ءَالِ مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى ءَالِ إِبْرَاهِيمَ إِنَّكَ حَمِيدٌ مَجِيدٌ،

اللَّـهُمَّ إِنَّا دَعَوْنَاكَ فَاسْتَجِبْ لَنَا دُعَاءَنَا فَاغْفِرِ اللَّـهُمَّ لَنَا ذُنُوبَنَا وَإِسْرَافَنَا في أَمْرِنَا،

اللَّـهُمَّ اغْفِرْ لِلْمُؤْمِنِينَ وَالْمُؤْمِنَاتِ وَالْمُسْلِمِينَ وَالْمُسْلِمَاتِ الْأَحْيَاءِ مِنْهُمْ وَالْأَمْوَاتِ،

رَبَّنَا ءَاتِنَا في الدُّنْيَا حَسَنَةً وَفي الْآخِرَةِ حَسَنَةً وَقِنَا عَذَابَ النَّارِ،

اللَّـهُمَّ اجْعَلْنَا هَادِينَ مُهْتَدِينَ غَيْرَ ضَالِّينَ وَلَا مُضِلِّينَ،

اللَّـهُمَّ اسْتُرْ عَوْرَاتِنَا وَءَامِنْ رَوْعَاتِنَا وَاكْفِنَا مَا أَهَمَّنَا وَقِنَا شَرَّ مَا نَتَخَوَّفُ.

عِبَادَ اللَّهِ إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبىَ وَيَنْهَى عَنِ الْفَحْشَاءِ وَالْمُنْكَرِ وَالْبَغِي، يَعِظُكُمْ لَعَلَّكُمْ تَذَكَّرُونَ.

اذْكُرُواْ اللَّهَ الْعَظِيمَ يَذْكُرْكُمْ وَاشْكُرُوهُ يَزِدْكُمْ، وَاسْتَغْفِرُوهُ يَغْفِرْ لَكُمْ وَاتَّقُوهُ يَجْعَلْ لَكُمْ مِنْ أَمْرِكُمْ مَخْرَجًا، وَأَقِمِ الصَّلَاةَ.