إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:
﴾يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴿
Юдже Аллаhкъа хамд олсун! Онъа тенъ ве ошагъан ич бир шей ёкъ. Аллаh кяинатны ич бирисининъ ярдымы олмадан яратты. Эбедий Яратыджыгъа хамд олсун, О къусурсыз, сынъырсыз, акъылнен тасавур этильмеген, тараф ве мекян яратылмаздан эвель бар эди. Аллаhкъа ич бир шей ошамай, О эр шейни эшите ве коре.
Ресуллерден ве Пейгъамберлерден энъ улу ве шерефли олгъан Мухаммад ‘алейhиссалям ‘Абдуллаhнынъ огълуна салят ве селям олсун. Ве эписи онынъ несилине ве сахабелерине де селямлар олсун.
Екяне Яратыджыгъа такъвалы ве итаатлы олмагъа эр кесни давет этемиз. Эр вакъыт Шари‘атны кутьмек ве Ахирет кунюне азырланмакъ керек.
Мукъаддес Къур`анда («Ан-Ниса`» Суреси, 69 Аетте) буюрыла:
الرَّسُولَ فَأُولَٰئِكَ مَعَ الَّذِينَ أَنْعَمَ اللَّهُ عَلَيْهِم مِّنَ النَّبِيِّينَ وَالصِّدِّيقِينَ وَالشُّهَدَاءِ وَمَن يُطِعِ اللَّهَ وَوَالصَّالِحِينَ ۚ وَحَسُنَ أُولَٰئِكَ رَفِيقًا
Манасы: «Аллаh ве Пейгъамбернинъ эмирлерини япкъан мусульманларгъа, Аллаh айры бир Рахметини багъышлайджакъ, яни олар Пейгъамберлернен, шаhитлернен, самимий, софу инсанларнен, берабер оладжакълар. Бойле ёлдашлар не де яхшылар!»
Аллаhны севген мусульманларгъа хайыр бар! Урьметли мусульманлар! Хатырлатамыз, бирисине, «Аллаh севе» дегенде, бу инсаннынъ юксек дереджесини косьтере, амма дуйгъу манасында дегиль, чюнки Аллаh яратылгъанларгъа ошамай.
Софунынъ янында чокъ олмагъа истегенге хайыр бар! Мукъаддес Къур`анда («Юнус» Суреси, 62-64 Аетлерде) буюрыла:
أَلا إِنَّ أَوْلِيَاء اللَّهِ لاَ خَوْفٌ عَلَيْهِمْ وَلاَ هُمْ يَحْزَنُونَ الَّذِينَ آمَنُواْ وَكَانُواْ يَتَّقُونَ لَهُمُ الْبُشْرَى فِي الْحَيَاةِ الدُّنْيَا وَفِي الآخِرَةِ لاَ تَبْدِيلَ لِكَلِمَاتِ اللَّهِ ذَلِكَ هُوَ الْفَوْزُ الْعَظِيم
Манасы: «Керчектен де, эвлиялар такъвалы ве Аллаhны севелер. Аллаh да оларны севе. Эвлиялар башкъалары киби къоркъу дуймайлар ве кедерленмейлер, чюнки олар Ахиретте джеза чекмейджеклер.
Эвлиялар озьлерини имансызлыкътан ве гуняхтан къорчалайлар. Олар ичюн Ахиретте хайырлы хабер бар. Эвлиялар бу дюньяда къуванчлы хаберлерден, Къур`анда ве Хадислерде олгъан ваделерден гъайры, гузель тюшлерни де корелер. Эм де ольмезден эвель, олар Дженетте булунаджакъ ерлерини корелер. Олар Дженнетке азапсыз киреджеклер. Аллаh такъдир эткен шейлер ич денъишмей ве О, ваде эткен эр шей олур. Эвлияларгъа эки дюньяда бахытлы оладжакъларына ваде этильди. Ве бу олар ичюн буюк гъалебедир.»
Къудсий Хадисте ким акъкъында айтылса, демек, о бахытлыдыр:
يَقُولُ اللَّهُ تَعَالَى : أَعْدَدْتُ لِعِبَادِي الصَّالِحِينَ مَا لَا عَيْنٌ رَأَتْ وَلَا أُذُنٌ سَمِعَتْ وَلَا خَطَرَ عَلَى قَلْبِ بَشَرٍ
Манасы: «Юдже Аллаh такъвалы къуллары ичюн даа ич бириси корьмеген, эшитмеген ве тасавур этип оламагъан шейлерни азырлады». Бу акъкъында Мукъаддес Къур`анда да («Ас-Садждаh» Суреси, 17 Аетте) айтыла:
مِّن قُرَّةِ أَعْيُنٍ جَزَاءً بِمَا كَانُوا يَعْمَلُونَفَلَا تَعْلَمُ نَفْسٌ مَّا أُخْفِيَ لَهُم
Манасы: «Оларгъа япкъан хайыр амеллери ичюн нелер азырлангъан, буны бириси бильмей, амма бу оларны пек къувандыраджакъ».
Пейгъамберлер Адам, Мусa, ʻИсa, Даууд, Айюб, Сулейман ве башкъа Пейгъамберлернинъ артындан кеткенлер бахытлылар. Эм де Пейгъамбер Мухаммад ‘алейhиссалямнынъ ёлундан кеткенлер бахытлылар.
Озь итикъады ве хайыр амеллери ичюн инсан намусыны къазана. Юксек дереджели итибарны адий адам озь корюнишинен къазанмай. Бу дюньяда олып, чокъ яхшы ишлер япкъан, Ахиретке азырлангъанларгъа хайыр бар. Адамларгъа зарар кетирмейип, файда кетиргенлер бахытлылар.
Керчектен, Аллаh ризасы ичюн япылгъан иш – бу дегер ве ильвандыр. Бу иш мусульманны юксельте. Затен, бу инсанны джемиетте инкишаф эттире ве о, бунен озь имкяныны тамамен ача.
Акъикъий эвлия – бу Шари‘атны джиддий кутькен! Яни Аллаhнынъ эмирлерини япкъан ве ясакълардан къачынгъандыр. Бойле адам ольгенден сонъ не къабирде, не де обир дюньяда азап чекмейджек.
Пейгъамберлер – бу айры бир инсанлар. Олар адамлар арасында ве Аллаh яратылгъанлардан энъ гузеллер. Яратылгъанларнынъ сырасында оларнынъ дереджелери энъ юксектир. Пейгъамберлернинъ дереджелерине не де Мелеклер, не де эвлиялар, не къадар тырышсалар, не къадар ибадет япсалар биле, эп бир етип оламазлар.
Абу Бакр, Умар ибн Аль-Хаттаб, ‘Усман ве ‘Алий биле, Пейгъамбер ‘Иса я да Мусанынъ ве башкъа Пейгъамберлернинъ дереджесине иришмез.
Эвлиялар ич бир вакъыт Пейгъамберлерге аит олмагъан шейлерни къошмадылар. Эвлиялар ич бир вакъыт Аллаhкъа аит олмагъан шейлерни айтмадылар. ʻАбдуль-Къадир Аль-Джиляний رضي الله عنه озь бильгисинен шайтанны енди. Азиз адамлар Къур`аннынъ метинини бозмайлар.
Гузель корюниши, дюльбер юзьлю, джеплери толу пара, къурсагъы токъ олгъан, тек бу чизгилеринен итибарны къазанмаз. Аллаhнынъ разылыгъыны тек Шари‘атны кутькен, Къур`ан боюнджа яшагъан, мусульманларгъа ярдым эткен къазана.
Имам Муслим ривает эткен Хадисте, Пейгъамбер Я‘къубнынъ несилинден олгъан бир мусульман къадын буюк гунях япкъан, яни зина. Бир кере о къую янында чапкъалагъан, пек сув ичмеге истеген копекни корьди. О вакъыт о, аякъкъабыны чыкъарып, онъа сув толдырды ве шу копекке берди. Бу яхшы ишни япкъаны ичюн Юдже Аллаh онынъ гуняхларыны багъышлады.
Аллаh ичюн эписи адамлар бир дегиль. Онъа ибадет япкъан ве Оны ред эткен бир дегиллер. Аллаhнынъ Ресуллерине инангъанлар ве оларны акъаретлеген бир дегиллер. Яхшы ишлерини япкъан ве гунях эткен бир дегиллер. Эр кесни такъвалы олмагъа давет этем, чюнки бу азизлик ёлудыр. Ве Аллаhтан озюме ве сизлер ичюн хайыр истейим.