إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:
﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ
Башлангъычсыз, сонъсуз ве Екяне Яратыджыгъа хамд олсун. Аллаh бизге иман, акъикъий дин багъышлады ве керчекни янълыштан айырмакъ ичюн акъыл берди. Аллаh бизге Озь Рахметинен Къурейшитлерден Пейгъамбер Мухаммад, ‘алейhиссалямны ёллады! О ‘Аднан къабиледен олып, сонъки Пейгъамбердир. Ве бутюн алемге Рахмет оларакъ берильди. Пейгъамбер Мухаммад, ‘алейhиссалям яхшылыкъкъа ве хидаетке давет этти. Мухаммад, ‘алейhиссалям Бир Аллаhкъа инанмакъ ве Аллаhнынъ Шари‘атыны кутьмеге огретти. О Аллаhкъа ортакъ къошмамагъа, путларгъа ве башкъа яратылгъанларгъа ибадет этмемеге давет этти.
Шеhадет этем, Аллаhтан башкъа Иляh ёкъ ве шеhадет этем, Мухаммад Аллаhнынъ Ресули. О эписи адамларгъа ве джиннлерге йиберильди. Бизим Пейгъамберимизге ве башкъа эписи Пейгъамберлерге саллят ве селям олсун. Эм де Пейгъамбер Мухаммад, ‘алейhиссалямнынъ сахабелерине де селям олсун.
Сайгъылы мусульманлар! Такъвалы олунъыз. Аллаhнынъ эмирлерини япынъыз ве гунахлардан сакъынынъыз.
Урьметли мусульманлар! Мубарек Зуль-Хиджжаh айына якъынлаштыкъ. Ким Аль-Харам ве Пейгъамбер Мухаммад ‘алейhиссалямнынъ джамисине бармагъа истесе, Хаджж, ʻУмрени насыл япмагъа керек олгъаныны дерслерге къатнап огренсин.
Сайгъылы мусульманлар! Сербест ве чареси олгъан мусульманин-мукялляф ичюн Хаджжгъа бармакъ фарздыр. Хаджжны догъру ве тамамынен япкъаннынъ кучюк ве буюк гунахлары багъышлана. Амма бу магъфиретке улашмакъ ичюн бойле шартлар мытлакъ япылмалы:
– савабы тек Аллаhтан аладжагъына самимий ниети олмалы;
– имансызлыкънынъ эписи чешитлеринден къорчаланмакъ;
– буюк гунахлардан къорчаланмакъ;
– Аль-Ихрам алында олгъанда джинсий мунасебеттен къачынмакъ;
– Хаджжгъа айырылгъан пара халял ёлнен, яни Шариʻат боюнджа къазанылгъан олмалы.
Урьметли мусульманлар! Энди Хаджжнынъ рукюнлери акъкъында айтайыкъ, чюнки олар япылмаса, Хаджж къабул олунмаз (бу рукюнлер Шафий месhебине коре):
- Аль-Ихрам, яни ниет. Юрекнен айтыладжакъ сёзлер,
دَخَلْتُ فِي عَمَلِ الحَجِّ
манасы: «Мен Хаджны япмагъа ниетлендим».
- Аль-Укуф биль-ʻАрафаh, яни ʻАрафат деген ерде бир ань биле булунмакъ.
- Ат-Тауаф – Кяʻбени еди кере айланмакъ. Буны япкъанда аврет ерлер орьтюнмели, наджастан темизленмели, гусуль ве абдест олмалы.
- Ас-Саʻий – Сафа ве Маруаh байырлар арасында еди кере тез юрьмек. Ас-Саʻий Пейгъамберимиз Мухаммад косьтерген ерде япылмалы. Чюнки шимдики заманда адамлар буны янълыш япалар.
- Аль-Халькъ ауАт-Таксъыр – эркеклер ичюн сачларыны тыраш этмек я да къыркъмакъ, къадынлар ичюн – къыркъмакъ.
- Ат-Тартиб – Хаджнынъ рукюнлерини чокъусыны тертипнен япылмалы.
Дин къардашларым! Хаджны япкъанда рукюнлерден гъайры даа уаджиблер де бар. Меселя: Аль-Микъат деген ерде Ихрамны киймек (бу ерни кечмеден Ихрамны киймек, бу ерни Пейгъамбер Мухаммад тайин этти). Бундан гъайры «Ар-Рамий» – ʻакъабаh къуюгъа таш атмакъ эм де Ат-Ташрикънынъ учь куньлеринде ташчыкълар атмакъ. Ташчыкъларны бирер-бирер атмакъ керек, олар къуюгъа тюшсинлер деп. Юкъарыда айтылгъан уаджиблерни япмагъан инсаннынъ Хаджжы къабул олуна, амма о гунах къазана, онынъ ичюн фидья бермек керек.
Сайгъылы мусульманлар! Бильмек керек ки, Мукъаддес шеэрлерде Мекке ве Мединеде авджылыкъ япылмаз ве осюмликлерни йыртмагъа ясакътыр. Меккеде бойле япылса, фидья бермек керек, Мединеде исе берильмей.
Билинъиз, урьметли дин къардашлар, Хаджнынъ бутюн къаиделерини бильмек ичюн бу хутбе етерли дегильдир. Онынъ ичюн Хаджжгъа бараджакълар оджалардан дерс алмалы. Чюнки Къыямет куню Хаджжы къабул олмагъан инсан къасеветте булунаджакъ.
Бизге ве якъынларымызгъа Хаджны ерине кетирмеге Аллаh бизге насип этсин. Озюм ве сиз ичюн Аллаhтан афу сорайым.
هَذَا وَأَسْتَغْفِرُ اللَّهَ لِي وَلَكُمْ
----------------------------------------------------------------------------------------------------------
إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.
واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد
اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات