Къур`ан

Категория: Джума хутбеси Просмотров: 2264

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Бу дюньяны Озь Къудретинен яраткъан, бизлерге джан ве рызыкъ берген, сынъырсыз, мекянсыз, къусурсыз олгъан Аллаhка хамд-у сеналар олсун!

Аллаhнынъ энъ севимли къулы, имамларнынъ имамы, Пейгъамберимиз Мухаммад Мустафа ﷺ cалят-у селямлар олсун!

Сайгъылы мусульманлар!

Аллаhу Та`аля Къур`ан-и Керимде буюрды:

إنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ

Бу Аетнинъ манасы шойле:

«Керчектен, Аллаh Къур`ан-и Керимни эндирди ве оны (денъишмелерден) къорчалады».

Бильгенимиз киби, эвельки семавий китаплар инсанлар тарафындан асырлар девамында денъиштирильди, амма Къур`ан-и Керимни Аллаhу Та'аля денъишмектен къорчалады.

Аллаh Къур`ан-и Керимни Пейгъамбер Эфенидимизге эндирген эди. Амма Мукъаддес Китабымыз бирден эндирильмеди. О толусынен башта биринджи кокке, «Бейтуль ‘Изза» адлы ерге эндирильди, сонъ Аллаhнынъ Истегинен, 23 йыл девамында чешит вакъиаларгъа коре ает-ает я да сурелернен эндирильди.

Сайгъылы мусульманлар!

Пейгъамбер Эфендимиз ﷺ буюргъан эди, манасы: «Эгер мусульманлар Къур`ан-и Керимни огренмек ве окъумакъ ичюн джамиде топлансалар, олар Аллаhнынъ рахметинде олып, тынчлыкъ ве раатлыкъ ичинде оладжакълар, оларны Мелеклер сарып алалар. Аллаh шу мусульманлардан разы олгъаныны салих инсанларгъа ве мелеклерге бильдире». Бу Хадисни Имам Муслим ривает этти.

Къур`ан-и Керим Пейгъамбер Эфендимизнинъ энъ буюк муджизесидир. Арап тилини мукеммель бильген араплар биле Къур`ангъа къаршы турып оламадылар, яни олар энъ кучюк суреге ошагъан бир къач сатыр биле язып оламадылар.

Къур`ан-и Керим башкъа семавий китапларгъа бакъкъанда пек къолай окъула ве эзберлене. Аллаh бир чокъ инсанларгъа Мукъаддес Китабымызны эзберден бильмеге къысмет этти. Башкъа Пейгъамберлернинъ умметлеринден инсанлар озь семавий китапларыны эзберлеп оламай эдилер, тек Муса ‘алейhи селямнынъ умметинден Узайр адлы бир киши Тевратны эзберден биле эди. Къур`ан-и Керимни исе эм буюклер, эм де балалар эзберлей билелер. Анълатылгъанына коре, 400 йыл эвель 5 яшында бир бала Къур`анны эзберден биле эди.

Къур`ан-и Керимнинъ хусусиетлерден бири шунда ки, Къур`ан окъумакъ — бу бир ибадеттир, ве эр окъулгъан арифи ичюн эм окъугъангъа, эм динълегенге савап языла. Бу акъкъында Имам ‘Алий (радыяллаhу ‘анh) бойле деген эди, манасы:

«Ким намаз къылгъанда аякъ устюнде турып, Къур`ан-и Керимни окъуса, окъугъан эр бир арифи ичюн 100 савап къазана, отургъан алда окъугъаны ичюн 50 савап къазана. Ким намаздан башкъа вакъытта Къур`ан окъуса, эр бир арифи ичюн 10 савап къазана, Къур`анны динълеген киши исе эр бир ариф ичюн бир савап къазана».

Сайгъылы мусульманлар! Аллаhу Та`аля «Аль-Исра`» Суресининъ 82 Аетинде буюрды,

وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِّلْمُؤْمِنِينَ

Манасы: «Къур`ан муминлер ичюн шифа ве рахмет оларакъ эндирильди».

Яни берекетленмек я да шифа булмалары ичюн хасталарны Къур`ан аетлеринен окъумакъ динимизде мумкюндир.

Пейгъамбер Эфендимиз бир Хадис-и Шерифинде буюрды:

عَلَيْكُمْ بِالشِفَاءَيْنِ الْقُرْءَان وَالعَسَل

Манасы: «Хасталыкъладан тедавийленмек ичюн балны къулланынъыз ве Къур`ан-и Керимден файдаланынъыз». Шуны бильмек керекмиз ки, Къур`анда сиир ёкътыр, аксине, Къур`ан аетлеринен этнеден шифаланмакъ мумкюн.

Сайгъылы мусульманлар!

Бизим мусульман халкымызнынъ гузель адетлеринден бири — олюлеримизге Къур`ан окъуп, савапларны кечмишлеримизге багъышламакътыр.

Пейгъамбер Эфендимиз буюрды:

اِقْرَؤُوا يس عَلَى مَوْتَاكُمْ

Манасы: «Олюлеринъизге «Ясин» Cуресини окъунъыз».

Ат-Табараний «Аль-Му‘джам Аль-Кабир» китабында ривает эткенине коре, Пейгъамбери Эфендимиз даа бир Хадисинде буюрды, манасы:

«Аранъыздан бир кимсе ольсе, оны чокъкъа узатмайып джыймагъаашыкъынъыз ве къабирнинъ башында «Аль-Фатихаh», ве аякъ тарафында «Аль-Бакъараh» Cуресининъ сонъки Аетлерини окъунъыз».

Аллаh бизлерге Къур`ан-и Керимни догъру окъуп эзберлемеге насип эйлесин ве кечмишлеримизге Аллаh рахмет эйлесин.

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات