Центральное духовное управление мусульман - Таврический муфтият - Пейгъамбер Мухаммад ‘алейhиссалямны тюшюнде корюв

Пейгъамбер Мухаммад ‘алейhиссалямны тюшюнде корюв

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Юдже Аллаhкъа хамд олсун! Онъа тенъ ве ошагъан ич бир шей ёкъ. Аллаh кяинатны ич бирисининъ ярдымы олмадан яратты. Эбедий Яратыджыгъа хамд олсун, О къусурсыз, сынъырсыз, акъылнен тасавур этильмеген, тараф ве мекян яратылмаздан эвель бар эди. Аллаhкъа ич бир шей ошамай, О эр шейни эшите ве коре.

Ресуллерден ве Пейгъамберлерден энъ улу ве шерефли олгъан Мухаммад ‘алейhиссалям ‘Абдуллаhнынъ огълуна салят ве селям олсун. Ве эписи онынъ несилине ве сахабелерине де селямлар олсун.

Екяне Яратыджыгъа такъвалы ве итаатлы олмагъа эр кесни давет этемиз. Эр вакъыт Шари‘атны кутьмек ве Ахирет кунюне азырланмакъ керек. Шу куню акъикъий итикъады олмагъан инсанларгъа мал, пара ве балалары ярдым этип оламазлар. Эр биримиз озюни ве сойларымызны джеhэннем атешинден къорчаламакъ ичюн, Аллаh эмир эткенлерини бильмек ве япмакъ керекмиз.

Бу дюнья кечиджи ве яланджыдыр. Бу дюньяда биз эбедий къалмайджакъмыз, эп бир оны терк этеджекмиз. Бу дюнья тарла киби не сачарсынъ, Ахиретте оны джыярсынъ. Такъвалы олгъанлар, яхшылыкъ япкъанлар ве иман иле ольгенлер эйиликтелер.

Хайырлы тюш – бу мусульманлар ичюн къуванч ве айры бир алямет. Хайырлы тюшлер, мисаля бойледир: мусульман Дженнетте оладжагъы акъкъында хабер кетирген Мелеклерни, Кябени эм Пейгъамберлерини корьмек ве иляхри.

Бугуньки хутбенинъ мевзусы Пейгъамбер Мухаммад ‘алейhиссалямны тюшюнде корьмектир.

Сайгъылы мусульманлар! Пейгъамбер Мухаммад ‘алейhиссалямны акъикъий къыяфетте тюшюнде корьмек, бу мумкюн ве гузельдир. Бойле тюш керчектир ве хайыргъа аляметтир. Имам Аль-Бухарий Хадисте бойле ривает этти: Пейгъамбер Мухаммад ‘алейhиссалям бойле буюрды:

منْ رَءَانِي في المنَامِ فقد رَءاني حقًا فإنَّ الشَّيطانَ لا يتَمَثَّلُ بي

Манасы: «Ким мени тюшюнде корьди, керчектен мени корьди демектир, чюнки шейтан меним къыяфетимни оламай».

Бундан анълашыла ки, Юдже Аллаh Пейгъамбер Мухаммад ‘алейhиссалямнынъ къыяфетини шейтангъа алмагъа имкян бермеди.

Базы алимлер бойле дедилер: «Пейгъамбер Мухаммад ‘алейhиссалямны акъикъатен тюшюнде корьмек, бу оны керчек къыяфетте корьмеге шарт къойдылар». Пейгъамбер Мухаммад ‘алейhиссалямнынъ къыяфети бойледир: Онынъ тени беяз, сачлары къара, орта бойлу, манълайы кенъ. Амма башкъа алимлер бойле демедилер, оларнынъ сёзлерине коре, ким Пейгъамбер Мухаммад ‘алейhиссалямны тюшюнде бала я да бильген бирде-бир инсаннынъ къыяфетинде корьсе, амма юрек онъа бу Пейгъамбер Мухаммад ‘алейhиссалямны тюшюнде корьгенини тасдикъласа, демек о, керчектен де, Пейгъамбер Мухаммад ‘алейhиссалямны тюшюнде корьди. Ве бу фикир чокъусы алимлер тарафындан тасдикъланды.

Пейгъамбер Мухаммад ‘алейhиссалямны тюшюнде корьмек – бу дюньяны иман иле терк этювнинъ эйи хаберидир ве бунъа ич шубе ёкъ.

Имам Аль-Бухарий Хадисте бойле ривает этти: Пейгъамбер Мухаммад ‘алейhиссалям бойле буюрды:

مَنْ رَءَانِي فِي الْمَنَامِ فَسَيَرَانِي فِي الْيَقَظَةِ رواه البخارى عن أبي هريرة

Манасы: «Ким мени тюшюнде корьсе, айыныкъта кореджек демектир».

Эгер Пейгъамбер Мухаммад ‘алейhиссалямны тюшюнде корьгенде инсан мусульман дегиль эди, демек, о мусульман оладжакъ ве иман иле оледжек эм де Пейгъамберни айыныкъта кореджек.

Эгер бир инсан Пейгъамбер Мухаммад ‘алейhиссалямны тюшюнде корьгенини айта ве санки, Пейгъамбер динимизге къаршы олгъан шейлерини айта ве япа, бу янълыштыр. Чюнки Пейгъамберимиз Шари‘аткъа къаршы олгъан шейлерини япмаз ве айтмаз. Эгер бу инсан айтса, санки Пейгъамбер Мухаммад ‘алейhиссалям тюшюнде динимизге къаршы олгъан шейлерини этмеге рухсет бере, бу инсан ялан айта я да бирде-бир шейни анъламады. Бойле киби инсангъа инанмагъа керекмей.

Динимизде белли олгъан шейлер акъкъында тюшке эсасланмагъа олмай. Меселя, бириси айта ки, мен Пейгъамбер Мухаммад ‘алейhиссалямны тюшюнде корьдим ве о манъа ярын Рамадан башланаджакъ деди. Амма биз билемиз ки, Рамаданнынъ башланувы янъы ай догъувынен тайин этиле, онынъ ичюн бойле киби тюшлер олса, оларгъа эсасланылмаз.

Тюшни уйдурмакъ ясакътыр. Эгер инсан озюне бир файда кетирмек ичюн Пейгъамбер Мухаммад ‘алейhиссалямны тюшюнде корьгенини айтса, бу пек ярамай ялан. Меселя, бойле айта: «Мен Пегъамберимизни тюшюнде корьдим ве О, манъа сенинъ къызына эвленмеге эмир берди» ве башкъа бу киби тюшлер. Ким Пейгъамбер Мухаммад ‘алейhиссалямгъа эсасланып, ялан айтса, бу инсанны буюк джеза ве азап беклей. Буны тасдикълагъан Хадисте айтыла:

إِنَّ كَذِبًا عَلَيَّ لَيْسَ كَكَذِبٍ عَلَى أَحَدٍ

Манасы: «Пейгъамбер буюрды, ким манъа эсасланып ялан айтса, башкъа инсангъа эсасланып, ялан айтмакътан гунахы даа буюктир».

Пейгъамбер Мухаммад ‘алейhиссалямны тюшюнде корьмек – бу инсаннынъ омюринде хайырлы ве къуванчлы аньдир. Бойле инсан бахытлыдыр.

Ким хайырлы ве къуванчлы тюшни корьмеге истесе, юкъламаздан эвель абдест алсын, сагъ тарафына ятсын, «Аль-Кяфирун», «Аль-Ихляс», «Аль-Фалякъ», «Ан-Нас» Сурелерини окъусын ве ондан сонъ Зикирни окъуп юкъласын. Эгер бойле япсанъыз, сизинъ джанынъыз беденини терк этмейип, Аль-‘Аршнынъ янында оладжакъ ве сабагъадже янынъызда Мелек оладжакъ.

Пейгъамбер Мухаммад ‘алейhиссалямны тюшюмизде корьмеге Аллаhкъа ду’а` этемиз. Аллаh Рахман ве Рахимдир.

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات