Хидаетте Къавий Турмакъ

Категория: Джума хутбеси Просмотров: 1627

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Юдже Аллаhкъа хамд олсун! Онъа тенъ ве ошагъан ич бир шей ёкъ. Аллаh кяинатны ич бирисининъ ярдымы олмайып яратты. Эбедий Яратыджыгъа хамд олсун, О къусурсыз, сынъырсыз, акъылнен тасавур этильмеген, тараф ве мекян яратылмаздан эвель бар эди. Аллаhкъа ич бир шей ошамай, О эр шейни эшите ве коре.

Ресуллерден ве Пейгъамберлерден энъ улу ве шерефли олгъан Мухаммад ‘аляйhиссалям ‘Абдуллаhнынъ огълуна салят ве селям олсун. Эписи онынъ несилине ве сахабелерине де селямлар олсун. Эм де башкъа бутюн Пейгъамберлерге салят ве селям олсун.

Екяне Яратыджыгъа такъвалы ве итаатлы олмагъа эр кесни давет этем. Эр вакъыт Шари‘атны кутьмек ве Ахирет кунюне азырланмакъ керек. Шу куню акъикъий итикъады олмагъан инсанларгъа мал, пара ве балалары ярдым этип оламазлар.

Къур`анда («Аз-Зарият» Суреси, 56 Аетте) буюрыла

﴿وَمَا خَلَقْتُ ٱلْجِنَّ وَٱلإِنسَ إِلاَّ لِيَعْبُدُونِ

Манасы: «Аллаh адамларны, джиннлерни яратты ве Онъа ибадет этмеге ве Шариʻатны кутьмеге буюрды».

Биз Аллаhнынъ къуллары бошуна яратылмадыкъ, Аллаhкъа ибадет этмеге керекмиз. Аллаhкъа ибадет этмесек, бизим омюримиз догъру олмайджакъ ве бошуна кечеджек. Юдже Аллаh Пейгъамберимизге омюрининъ сонъунадже Яратыджыгъа ибадет этмеге эмир этти. Бу акъкъында Мукъаддес Къур`анда («Аль-Хиджр» Суреси, 99 Аетте) айтыла:

﴿وَٱعْبُدْ رَبَّكَ حَتَّىٰ يَأْتِيَكَ ٱلْيَقِينُ

Манасы: «Роббине омюрнинъ сонъунадже ибадет эт».

Урьметли мусульманлар! Аллаhкъа итаатлы олунъыз ве ибадетлеринъизни чокъча къылынъыз! Пейгъамбер Мухаммад, ʻалейhиссалям энъ улу адам олып, Аллаhкъа эр кестен чокъ ве яхшы ибадет этти. О Аллаhкъа итаатлы олмагъа ич бир вакъыт болдурмай ве токътамай эди. Онынъ итааты къучьлю олып, ич бир вакъыт азлашмады.

Пейгъамбер Мухаммад, ʻалейhиссалям гедже намазларны чокъ къылды, шу себептен онынъ аякълары шише эди. Сахабелери онынъ гъайрети акъкъында сорагъанда, о бойле джевап берди: «Мен Аллаhкъа шукюр эткен къул дегильми?!»

Сайгъылы мусульманлар! Керчектен, догъру риает, гъайретли ве самимий ибадет яхшылыкъны япмагъа буюк ынтылувны косьтере. Бу къавий иманнынъ алямети ве хидаетке таби олувы. Бу садыкъ ве такъвалы инсанларнынъ ёлудыр. Бу акъкъында Юдже Аллаh бойле деди, манасы: «Аллаh Роббимиздир дегенлер, ондан сонъ хидаетте къавий туралар».

Урьметли дин къардашлар! Такъва ёлунен кетинъиз, шартларны япынъыз ве ондан зияде хайыр япынъыз; Къур`анны окъунъыз ве огренинъиз, садакъа беринъиз эм де бири-биринъизге яхшылыкъны япмагъа ярдым этинъиз. Къудсий Хадисте буюрыла:

((وَمَا تَقَرَّبَ إِلَيَّ عَبْدِي بِشَيْءٍ أَحَبَّ إِلَيَّ مِمَّا افْتَرَضْتُ عَلَيْهِ، وَمَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ))

Манасы: «Аллаh къабул эткен ве севген хайыр амеллерден энъ муими – бу шартларны япмакътыр. Шартлар япылгъан сонъ Аллаh разы олгъан ве буюк савап къазандыраджакъ нафиле риаеттир (соблюдение)».

Мухтерем аркъадашлар! Аллаhнынъ разылыгъыны ве Мераметини къазанмакъ ичюн шартларыны эм де нафиле ибадетлерини япмагъа тырышынъыз. Аллаhкъа итаатлы олунъыз ве сизинъ хайыр амеллеринъиз къабул оладжагъында умютте олунъыз. Керчектен де, яхшы амельнинъ къабул олгъаннынъ себеби ондан сонъ даа бир хайыр япмакътыр. Къур`анда («hуд» Суреси, 114 Аетте) буюрыла

﴿إِنَّ ٱلْحَسَنَـٰتِ يُذْهِبْنَ ٱلسَّـيّئَـٰتِ ذٰلِكَ ذِكْرَىٰ لِلذَّكِرِينَ

Манасы: «Керчектен де, хайыр амеллер ярамай амеллерни ёкъ эте».

Гуняхларны япмагъа сакъынынъыз. Пейгъамбер Мухаммад, ʻалейhиссалямнынъ Хадисинде бойле айтыла:

((اِتَّقِ اللهَ حَيْثُ مَا كُنْتَ وَأَتْبِعِ السَّيِّئةَ الْحَسَنَةَ تَمْحُهَا وَخَالِقِ النَّاسَ بِخُلُقٍ حَسَنٍ))

Манасы: «Не вакъыт ве не ерде яшасанъ, такъвалы ол! Эгер ярамайлыкъ япсанъ, шу ань онынъ артындан яхшылыкъны яп. Бу яхшылыкъ гуняхны ёкъ этсин. Адамларгъа мераметли ве незакетли мунасебетте ол».

Къыйметли дин къардашлар! Оразанынъ тюрлю чешитлери бар. Оларнынъ бирисини кутьмеге тырышынъыз ве Аллаhтан савапны эм де Рахметини къазанмагъа ашыкъынъыз.

Ондан гъайры гедже къылынгъан нафиле намазлары бар. Бизим Пейгъамберимиз, ʻалейhиссалям гедже турып, нафиле намазларыны къыла эди. Ве буюк севап ве хайырны къазанмакъ ичюн бойле гузель имкянны къачырмай эди.

Урьметли мусульманлар! Гедже турып, абдест алып, намазларны кучю еткени къадар япмагъа тырышынъыз. Мукъаддес Къур`анны окъунъыз, хайыр амеллерини япынъыз ве Аллаhнынъ разылыгъыны къазанмагъа гъайрет этинъиз.

Эр кес утанмайып, озюни пек акъыллы саймайып, самимий севгинен бизим динимизни огренмеге башласын. Бильмеген шейлерини утанмайып сорасын. Бойлеликнен, Ислям бильгилери чокълашыр ве динимиз къуветлешир.

Аллаh бизим хайыр амеллеримизни, ибадетлеримизни ве дуʻаларымызны къабул этсин. Бизни Аллаhкъа шукюр эткен къуллардан олмагъа насип этсин. Гуняхларымызны афу этип, Дженнетни багъышласын.

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات