Центральное духовное управление мусульман - Таврический муфтият - Эр джанлы оледжек

Эр джанлы оледжек

 إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Екяне Яратыджыгъа, Къудретли, эр шейни яраткъан Аллаhкъа хамд олсун. О Озь Рахметинен мусульманлардан кимге истесе, гуняхларыны афу этиджидир. Ортагъы олмагъан, шекильге, ич кимсеге, ич бир шейге ошамагъан ве мухтадж олмагъан Аллаhкъа хамд олсун. Тек бир, башлангъычсыз, сонъсуз ве къусурсыз олгъан Аллаhкъа хамд олсун. Озь Ирадесинен не истесе оны ярата ве япа. Бизге берген берекети ичюн Аллаhкъа шукюрлер олсун.

Шеhадет этем ки, Аллаhтан башкъа Иляh ёкъ ве шеhадет этем ки, Мухаммад Аллаhнынъ Ресули. Бизим Пейгъамберимизге ве башкъа эписи Пейгъамберлерге саллят ве селям олсун. Мухтерем мусульманлар! Эр вакъыт ве эр ерде такъвалы олунъыз, чюнки Шари‘атны кутьмек – бу Ахиретте къуртулыштыр.

Мухтерем мусульманлар! Мукъаддес Къур`анда буюрыла:

﴿كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ القِيَامَةِ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إلَّا مَتَاعُ الغُرورِ

Манасы: «Эр джанлы мутлакъа оледжек. Керчектен де, Къыямет куню сиз хайыр япкъанынъыз ичюн къазангъан савабыны толусынен алырсынъыз. Ве шу куню Дженнетке кирген эм де джеhэннемден къуртулгъан акъикъий мувафакъиет ве бахыт къазаныр. Бу фаний дюнья исе тек яланджы къуванч эм де алданувдыр ве о чокъ девам этмей».

Сайгъылы мусульманлар! Тюшюнинъиз ки, обир дюньяда мутлакъа тирильтюв ве топлашув оладжакъ. Хатырланъыз ки, обир дюньяда гуняхкярны беля, агъырув ве азап беклей. Керчектен де, топлашув вакъытында олар къычыраджакълар, окюреджеклер ве инъильдеджеклер. Сырат копюри янында олар сюрюнип йыкъыладжакълар ве теразе янында чокъ агълайджакълар, чюнки олар бу дюньяда ярамай шейлер яптылар ве шу куню оларны пек чекиштиреджеклер. Шу вакъытта оларгъа амель китаплары бериледжек ве керчектен де, япылгъан гуняхлары ичюн чокъ пешман этеджеклер. Амма хайыр япгъанлары ичюн къуванч ве бахыт оладжакъ эм де топлангъанларнынъ базылары Дженнетте итибарлыкъта тюрлю дереджелерини алып, ниметте булунаджакълар. Башкъалары исе джеhэннемдеки дереджелерге тюшип, алевде янаджакълар. Бу ве обир дюньянынъ арасында олгъан сынъыр – олюмдир.

Урьметли мусульманлар! «О ольди» деген сёзлерни чокъ адамлар айта ве эшите, амма бу сёзлер устюнде биринъиз тюшинип озюне ибрет алдымы? О озь ичюн эсабат яптымы? Ве озюнинъ янълышларыны догъурттымы? Эм де о ичюн «о ольген» сёзлерни айткъанда озь ичюн не азырлагъаныны тюшюндими?

Сайгъылы мусульманлар! Юдже Аллаh Къур`анда буюрды:

﴿قُلْ يَتَوَفَّاكُمْ مَلَكُ الْمَوْتِ الَّذِى وُكِّلَ بِكُمْ ثُمَّ إِلَى رَبِّكُمْ تُرْجَعُون

Манасы: «Айт оларгъа (я Мухаммад!): «Сизинъ джанынъызны алмагъа вазифелендирильген олюм Мелеги сизни ольдюрер, сонъра обир дюньяда сиз эсабат бермек ичюн тириледжексинъиз».

Олюм Мелекнинъ ады – ʻАзра`иль. Ве мусульман алимлери бунда бир фикирделер. Буны Къады ʻИяд ривает этти. ʻАзра`иль улу ве итибарлы Мелек. Оны Аллаh башкъа Мелеклерни киби юксельтти. О тири яраткъанларнынъ джанларыны ала. ʻАзра`иль мусульманнынъ джаныны алгъан сонъ, оны Рахмет Мелеклерине бере. Бу Мелеклер мусульмангъа саваплары олгъаны акъкъында къуванчлы хаберни ве Аллаh бу мусульманнен разы олгъаныны бильдирелер. Мусульман олмагъаннынъ джаныны алгъан сонъ, азап Мелеклерине бу джаныны берелер. Олар бу джангъа азап ве джеза чекеджегини эм де Аллаh ондан разы олмагъаныны яман хаберни бильдирелер.

Олюм Мелеги джанны алгъан сонъ башкъа Мелеклер олюм Мелегинден бу джаныны шу ань алалар. Эгер бу джан такъвалы мусульманнынъ олса, Мелеклер бу джаннен берабер коклерге котерилелер. Амма эгер бу джан имансыздан алынса, олар единджи ерге оны тюшюрелер. Олюни табуткъа къойгъан сонъ инсанлар оны мезарлыкъкъа алып кетелер. Мелеклер бу инсаннынъ джанынен къайталар ве джаныны джесетнен берабер алып кетелер. Эгер ольген инсан такъвалы мусульман олса, онынъ джаны бойле айта: «Мени тездже алып кетинъиз». Амма эгер ольген инсан имансыз олса, онынъ джаны бойле айта: «Амма да яныкъ манъа, къайда сиз мени алып кетесинъиз?» Инсанлар исе бу сёзлерни эшитмейлер, амма эшитселер, шашарлар ве бунъа даянамазлар.

Олюни къабирге къойгъан сонъ оны балалар, апайы, сой-соп ве танышлары къалдыралар. Онынъ малы исе бу дюньяда къала. Ве онынъ янында тек япылгъан амеллери къала. Пейгъамбер Мухаммад ʻалейhиссалям айтты

"يَتْبَعُ الْمَيِّتَ ثَلَاثَةٌ، فَيَرْجِعُ اثْنَانِ وَيَبْقَى مَعَهُ وَاحِدٌ يَتْبَعُهُ أَهْلُهُ وَمَالُهُ وَعَمَلُهُ، فَيَرْجِعُ أَهْلُهُ وَمَالُهُ وَيَبْقَى عَمَلُهُ"

Манасы: «Олю артындан учь шей кете, эки шей къайта ве онен берабер тек бир шей къала. Онынъ артындан якъынлары, зенгинлиги ве амеллери кете. Якъынлары ве зенгинлиги арткъа къайта, тек амеллери онен къала.»

Сайгъылы мусульманлар! Эр мукялляф къабирде Мункяр ве Накир Мелеклернинъ соравы олгъаныны инанмакъ ве къабул этмек борджлудыр. Къабирде Мункяр ве Накир Мелеклернинъ соравы олгъаны тек Пейгъамбер Мухаммад ʻалейhиссалям йиберген умметте оладжакъ. Яни Пейгъамбер заманында олгъан ве ондан сонъ яшагъан халкълар. Мелеклер эм мусульманлардан эм де мусульман олмагъанлардан соргъу сорайлар. Къабирде Пейгъамберлерден гъайры эписи соруладжакълар. Мукялляф олмайып олген балалар сорулмайджакълар.

Урьметли мусульманлар! Пейгъамбер Мухаммад ʻалейhиссалям сахабелерине къабирде Мелеклернинъ соравы акъкъында анълаткъанда ʻУмар ибн Аль-Хаттаб Пейгъамберге бойле суаль берди: «Эй, Аллаhнынъ Ресули! Къабирде бизге акъылымыз къайтамы?» Пейгъамбер Мухаммад ‘алейhиссалям бойле джевап берди:

"نَعَمْ كَهَيْئَتِكُمُ الْيَوْمَ"

Манасы: «Эбет, шимдики олгъаны кибидир.»

Джаны беденге къайткъан сонъ къабирде инсаннынъ алы бу дюньядаки кибидир. О джаннен ве беденнен эр шейни дуя эм де онынъ эси ериндедир. О анда олгъан ниметлерини ве джезаны джан ве беден иле дуя. Амма бойле шей бизден гизлидир.

Урьметли дин къардашлар! Хатырланъыз ки, бу дюнья сонъуна ете ве биз сонъки еримизге якъынлашамыз. Эр кес къазангъаныны аладжакъ. Эр кес бу дюньяда озюне не азырлады оны кореджек ве къабирде инсаннен берабер онынъ амеллерден гъайры ич бир шей олмайджакъ. Акъыллы адам олюмни хатырлай ве обир дюньягъа азырлана. Бойле инсан бу дюньяда Ахиретте онъа файда кетирген шейлерни япмагъа керектир, чюнки тек буны озюнен берабер обир дюнягъа аладжакъ. Файда кетирген шейлер бу, эльбетте, иман иле самимий ниетнен япылгъан хайыр амеллер ве динимизнен багълы олгъан бильги. Хатырланъыз ки, къабир бу амеллернинъ сандыгъыдыр. Ве бу сандыкъ хайыр амеллернен толу олсун деп, тырышмакъ керекмиз.

Аллаhым, бизни къабир азабындан, Къыямет куню джезасындан ве джеhэннем атешинден къорчала! Амин!

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات