إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:
﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾
Аллаhкъа хамд олсун, О бизге ярдым ве бизни афу этсин деп, Ду’а` япамыз. Бизни шерден ве яманлыкътан къорчаласын деп, Онъа ялварамыз. Кимге Аллаh Акъикъий ёлуны берди, ич кимсе оны бу ёлдан айырмаз. Амма кимге Аллаh Акъикъий ёлуны бермеди, ич кимсе оны къорчаламаз. Аллаh къусурсыз, ич бир шейге ве ич бир кимсеге мухтадж дегиль эм де Онъа бенъзеген ёкъ.
Шеhадет этем, Аллаhтан башкъа Иляh ёкъ, Онынъ ортагъы ёкъ ве шеhадет этем Мухаммад Аллаhнынъ къулу ве Пейгъамбери.
Аллаhнынъ къуллары! Такъвалы олмагъа эпинъизни давет этем. Такъвалыкъ – бу фарзларны япмакъ ве гуняхлардан къачынмакътыр. Аллаh Пейгъамбер Мухаммад ﷺ шереф ве хайыр багъышласын деп, ялварамыз. Бизим Пейгъамберимизге ве башкъа эписи Пейгъамберлерге ве оларнынъ девамджыларына салят ве селям олсун.
Юдже Аллаh Къур`анда («Аль-Ма`идаh» Суреси, 90 Аети) бойле буюра
يَا أَيُّهَا الَّذِينَ ءامَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلامُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ
Манасы: «Эй, иман эткенлер! Ичкилик, кумар, путлар ве фалджылыкъ шейтандандыр. Булардан узакълашынъыз ве къуртулырсынъыз». Эм де Къур`анда бойле айтыла:
وَلاَ تَقْتُلُواْ أَنفُسَكُمْ
Мнасы: «Озьлеринъизни ольдюрменъиз.»
Биринджи Аетте ичкилик ве башыны айландыргъан башкъа шейлер ясакъ олгъаны акъкъында айтыла. Экинджи Аетте, инсанны ольдюрген эр бир арекет ясакъ олгъаны акъкъында айтыла, бу харамдыр.
Абу Дауд ривает эткен Хадисте бойле дениле: «Керчектен де, Аллаhнынъ Ресули, сархошландыргъан ве башыны айландыргъан шейлерни ясакъ этти».
Башыны айландыргъан шейлерге наркотик де кире, бу инсангъа чокъ зарар кетире.
Сайгъылы мусульманлар! Бизим заманымызда джемиетте, хусусан, яшлар арасында ярамай ве игренч телюке пейда олды. Бу алкоголь ве наркотикни къулланмасы.
Эгер бу белягъа дикъкъат айырмасакъ, о бизим айлеримизге ве якъынларымызгъа тесир эте биле. Онынъ ичюн эр кес къолундан кельгени къадар бу фелякетке къаршы чыкъсын.
Сайгъылы ана-бабалар, балаларынъызгъа дикъкъат этинъиз. Олар кимнен достлаша, сиз бильмек керексинъиз. Оларнынъ достлары яхшы адам олмакъ керек. Сизинъ балаларынъыз эвге кеч кельмесинлер ве кельгенде оларнынъ къыяфетини тешкеринъиз. Олар озьлерини насыл алып барувларына дикъкъатлы олунъыз. Балаларынъыз бош вакъытларында яхшы шейлернен огърашсынлар (бильги алмакъ, спортнен огърашмакъ).
Сайгъылы яшлар! Наркотик ве алкоголь – бу харам олгъан, игренч ве ярамай шейлер. Бу шейлерге якълашманъыз. Олар сизинъ сагълыгъынызны, достлукъ ве къардашлыкъ мунасебетлерини бозар, эм де бу беля сизнинъ якъынларынъызгъа да тесир этер. Онынъ ичюн, эгер сиз бири-биринъизге яхшылыкъны истесенъиз, бу телюкеден бири-биринъизни тенбиленъиз ве бунъа огърамамагъа ярдым этинъиз. Достлар инсанны Дженнетке я да джеhэннемге алып бара.
Урьметли мусульманлар! Инсан наркоманджы ве ичкиджи олгъанына дуймай къала. Эр шей яваш ве аздан башлана, ондан сонъ бу эписи чокълаша ве инсан онсуз яшап оламай. Сакъын бунен огърашманъыз. Бирде-бир проблеманъыз олса, я да кейфинъиз ярамай, наркотик я да ичкинен буны чезип оламаджакъсынъыз. Бизни Аллаh яратты ве Аллаh бойле шейлерни ясакълады. Амма эгер инсан наркотик ве ичкиликке огърады, онъа эр вакъыт буны этмек ичюн пара керек ола. Лякин бойле адамларны ич кимсе ишке алмагъа истемез.
Демек, оларгъа наркотик ве ичкиликни даа къулланмакъ ичюн пара керек ола. Амма чалышмаса, оны къайдан аладжакъ? Бойле адам акъчаны алмакъ ичюн хырсызламагъа меджбур ола ве о бакъмайджакъ хырсызлангъан шейлер якъынларнынъ шейлери я да ябанджы адамларнынъ шейлери. Бойлеликнен, о башкъа харамгъа огърар. Якъынларгъа ве оны севген адамларгъа зарар эм де беля кетирер. Бойле алда инсан адамны да ольдюре биле. Чокъ инсанлар наркотик ве ичкилик алда олгъанда машинаны айдап, къазагъа огърайлар ве инсанларнынъ олюмине себепчи олалар. Бу демек, инсан ольдюрмек буюк харамгъа оларны кетире. Эм де бойле ал озюни ольдюрмекке де кетире биле.
Урьметли джемаат! Озюнъизни, къорантанъызны, тата ве къардашларынъызны эм де танышларынъызны бу белядан къорчаланъыз. Оларгъа бу телюке акъкъында бильги беринъиз, анълатмагъа тырышынъыз эм де оларгъа Ислям ёлундан кетмеге ве зарурий бильгилерни огренмеге ёл косьтеринъиз. Айледе, джемиетте, окъув юртларында берген тербиеге эмиет бермели.
Пейгъамбер Мухаммад ﷺ Хадисте бойле деди: «Къардашынъ залымджы я да залымгъа огъраса биле, онъа къол тут ве ярдым эт». Сонъра ондан сорадылар: «Аллаhнынъ Ресули! Эльбет, мен залымгъа огърагъангъа ярдым этерим. Амма залымджыгъа мен насыл ярдым этейим? Пейгъамбер бойле джевап берди: «О ярамайлыкъны япкъанда, онъа ясакъ этерсинъ я да буны токътатырсынъ – бу онынъ ичюн ярдымдыр!»
Сайгъылы мусульманлар! Насыл гузель ки, инсан омюрини керек олгъаны киби, хайыр амеллерини япып, илим огренип, Аллаhнынъ эмирлерини этип, ибадетлерини къылып, сыкъ-сыкъ джамиге къатнап кечирсе. Насыл чиркин ки, инсан аксине, хайырны япмайып, ибадетлерден вазгечип, гуняхкъа батып, дивар тюбюне йыкъылып ве башкъа пис шейлерини этип омюрини кечирсе. Аллаh инсанны яратты ве Онъа ибадет япмагъа буюрды. Ондан гъайры Аллаh инсанны энъ гузель шекильде яратты ве беденимизни эманет оларакъ багъышлады. Онынъ ичюн адам омюрини Аллаhнынъ эмирлерини япмакънен кечирмели ве такъвалыкъ ёлунен кетмели. Озюни, фикирлерини, итикъатыны ве амеллерини эр вакъыт контроль япмалы. Шейтан исе бизни яхшы ёлдан четлештирмеге тырыша ве олмайджакъ пис шейлерни бизге яхшы деп, инандырмагъа арекет эте. Биз исе юреклеримизни иманен толдурып, ибадетлеримизни чокълаштырып, шейтангъа бизни хайыр ёлдан четлештирмеге ич бир имкян бермейик.
Аллаh бизни наркотик, ичкилик ве башкъа телюкеден сакъласын. Бунъа огърагъан инсанларгъа Аллаh бу белядан къуртулмагъа кучь-къувет берсин. Аллаh азизлернинъ дереджесине етмеге ве гуняхларымызны афу этип, Дженнетке кирмеге насип этсин.
هَذَا وَأَسْتَغْفِرُ اللَّهَ لِي وَلَكُمْ
----------------------------------------------------------------------------------------------------------
إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.
واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد
اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات