Аллаh берген джезадан сакъындырув

Категория: Джума хутбеси Просмотров: 2793

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Юдже Аллаhкъа хамд олсун! Онъа тенъ ве ошагъан ич бир шей ёкъ. Аллаh кяинатны ич бирисининъ ярдымынен яратты. Эбедий Яратыджыгъа хамд олсун, О къусурсыз, сынъырсыз, акъылнен тасавур этильмеген, тараф ве мекян яратылмаздан эвель бар эди. Аллаhкъа ич бир шей ошамай, О эр шейни эшите ве коре.

Ресуллерден ве Пейгъамберлерден энъ улу олгъан Мухаммад ‘алейhиссалям ‘Абдуллаhнынъ огълуна салят ве селям олсун. Ве эписи онынъ несилине ве сахабелерине де селямлар олсун.

Екяне Яратыджыгъа такъвалы ве итаатлы олмагъа эр кесни давет этемиз. Эр вакъыт Шари‘атны кутьмек ве Ахирет кунюне азырланмакъ керек. Шу куню акъикъий итикъады олмагъан инсанларгъа мал, пара ве балалары ярдым этип оламазлар. Эр биримиз озюни ве сойларымызны джеhэннем атешинден къорчаламакъ ичюн, Аллаh эмир эткенлерини бильмек керекмиз.

Сайгъылы мусульманлар! Сизге, акъыллы ве зекий инсанларгъа хитап этем. Мезарлыкъкъа тюшмезден эвель, къабирлерге бакъкъанларгъа, къабир азабыны дуймаздан эвель о акъкъында бильгенлерге, олюм якъынларынъызны алып кеткен вакъытта дженазеге къошулгъанларгъа, эвельде мушкюль джезагъа огърагъанларгъа ве эренлер акъкъында адиселерни эшиткенлерге хитап этем.

Урьметли муминлер! Юдже Аллаh адалетсизликни ве зулумлыкъны эткен халкъларгъа буюк джеза берди. Меселя, Шуʻайб Пейгъамбер бир халкъкъа йиберильген эди ве бу адамлар онынъ даветини ред этип, Шуʻайб Пейгъамберге чокъ зарар кетирдилер. Аллаh исе бу ичюн оларны джезалады ве ёкъ этти. Бу акъкъында Къура`нда айтыла, (Сура «Аш-Шуʻараʼ», Аят 189):

﴾فَكَذَّبُوهُ فَأَخَذَهُمْ عَذَابُ يَوْمِ الظُّلَّةِ إِنَّهُ كَانَ عَذَابَ يَوْمٍ عَظِيمٍ ﴿

манасы: «Олар инатланып, онынъ даветини ред эттилер, оны яланджы деп адландырдылар. Бойле япкъанлары ичюн Аллаh оларгъа джиддий джеза ёллады, яни сыджакълыкъны ве тынчыкъны.

Мухтерем мусульманлар! Юдже Аллаh «ʻад» къавимнинъ инсанларына узун бойлу олувыны ве кучьлю къуветни багъышлады. Олар юксек ве аджайип сарайларны къура эдилер. Амма олар Екяне Аллаhкъа дегиль де путларгъа тапына эдилер. Аллаh ʻадитлерге hуд Пейгъамберни ёллады. Амма олар кибирленип, Аллаhнынъ Пейгъамберни ред эттилер. Ве даа бетерге огърадылар. hуд Пейгъамбер оларны буюк джеза оладжагъы акъкъында тенбелледи, яни Аллаh оларны ягъмурсыз къалдырды. Ондан сонъ кучьлю ве сувукъ буран ёллады. Бу буран инсанларны тёпеге котерип, ашагъы ата эди.

Сайгъылы мусульманлар! Аллаh буюрды:

﴾إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءًا فَلاَ مَرَدَّ لَهُ وَمَا لَهُم مِّن دُونِهِ مِن وَالٍ ﴿

Манасы: «Керчектен де, инсанлар озьлери денъишмесе, Аллаh оларнынъ алларыны денъиштирмей. Яни олар Аллаhкъа итаатлы олгъанда – аллары яхшы, чокъ гунях япкъан заман – аллары ярамай. Эгер Аллаh бир халкъны джезаламагъа истесе, ич кимсе Онъа мания оламаз. Ве Аллаhтан гъайры ич кимсе оларгъа имаеджи олмаз.»

Юдже Аллаh бизге яшыннынъ кучюни косьтере ве юрегимизге ондан къоркъув дуйгъусыны киргизе. Эм де чокъча ягъмур ве берекет олсун деп, Аллаh юреклеримизге ойле истек ашлай.

Пейгъамберимиз деди:

إِنَّ النَّاسَ إِذَا رَأَوِا الْمُنْكَرَ فَـلَمْ يُـنْكِرُوهُ أَوْشَكَ أَنْ يَـعُمَّهُمُ اللهُ بِعِقَابٍ

Манасы: «Эгер инсанлар яманлыкъны корип, оны догъуртмасалар, Аллаh оларгъа беля йиберер.» Бу Хадиснинъ ачыкъламасы шойледир: яманлыкъны ясакъ этмегенлерни Аллаh джезалай, яни бу дюньяда оларгъа беля ве зорлукъ йибере. Шубесиз, мусульманларнынъ башларына тюшкен белялар бу себептен ола. Билинъиз ки, энъ буюк яманлыкъ ве гунях бу имансызлыкътыр. Оны мытлакъа тюзетмек эм де ясакъламакъ керек.

Имансызлыкъ итикъатта, амеллерде ве сёзлерде ола. Итикъатта этильген имансызлыкъ: Аллаhкъа шекиль, тараф, мекян, муче къошмакъ. Амеллерде этильген имансызлыкъ: аселет Къур`аннынъ Аетлерини неджас олгъан шейлерден язмакъ, я да Къур`аннынъ устюне аякънен басмакъ я да оны пис чёплюкке атмакъ. Сёзлерде этильген имансызлыкъ: Аллаh, Пейгъамберлер ве Мелеклер акъкъында ярамай сёзлерни айтмакъ эм де Ислямны мыскъылламакъ.

Аллаh бизим иманымызны къорчаласын ве къавийлештирсин эм де Аллаh бизге хайыр багъышласын деп, Дуа этемиз.

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات