إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:
﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾
Башлангъычсыз ве сонъсуз олгъан Екяне Яратыджыгъа хамд олсун. Аллаh бизге иман, акъикъий дин ве керчекни янълыштан айырмакъ ичюн акъыл берди.
Аллаh бизге Озь Рахметинен Къурейшитлерден Пейгъамбер Мухаммад ‘алейhиссалямны ёллады! О ‘Аднан къабиледен олып, сонъки Пейгъамбердир. Ве бутюн алемге Рахмет оларакъ берильди. Пейгъамбер Мухаммад `алейhиссалям яхшылыкъкъа ве хидаетке давет этти. О юксек эдеп ве гузель чизгинен орьнек олды. Мухаммад ‘алейhиссалям Бир Аллаhкъа инанмакъ ве Аллаhнынъ Шариатыны кутьмеге огрете эди. О Аллаhкъа ортакъ къошмамагъа, путларгъа ве башкъа яратылгъанларгъа ибадет этмемеге давет этти.
Юдже Аллаh Пейгъамбер Мухаммад ‘алейhиссалямгъа энъ буюк муджизе багъышлады, бу сонъки Семавий Китап – Къур`андыр. Ве бу Пейгъамберимизнинъ устюнлигини косьтере.
Аллаh эренлерге эбедий Дженнетте оладжакъларыны ваде этти. Эм де кяфирлер джеhэннемде шиддетли азап чекеджеклерини тенбиледи.
Шеhадет этем ки, Аллаhтан башкъа Иляh ёкъ ве шеhадет этем ки, Мухаммад Аллаhнынъ Ресулю. О эписи адамларгъа ве джинлерге йиберильди. Бизим Пейгъамберимизге ве башкъа эписи Пейгъамберлерге саллят ве селям олсун. Эм де Пейгъамбер Мухаммад ‘алейhиссалямнынъ сахабелерине де селям олсун.
Аллаhнынъ къуллары! Екяне Яратыджыгъа такъвалы ве итаатлы олмагъа эр кесни давет этем. Эр вакъыт Шари‘атны кутьмек ве Ахирет кунюне азырланмакъ керек. Шу куню акъикъий итикъады олмагъан инсанларгъа мал, пара ве балалары ярдым этип оламазлар.
Юдже Аллаh Къур`анда («Аль-Хиджр» Суреси, 99 Аети) буюра:
وَاعْبُدْ رَبَّكَ حَتَّى يَأْتِيَكَ الْيَقِينُ
Манасы: «Аллаhкъа итаатлы олунъыз, омюринъизнинъ сонъунадже Шари‘ат боюнджа яшанъыз».
Сайгъылы мусульманлар! Юдже Аллаh бизге омюринъизнинъ сонъунадже мусульман олмагъа ве Шари‘атны кутьмеге эмир этти, чюнки бу джеhэннемнинъ эбедий азаптан къуртулыштыр.
Юдже Аллаh Къур`анда («Аль-Ахзаб» Суреси, 64-65 Аетлери) деди:
إِنَّ اللهَ لَعَنَ الْكَافِرِينَ وَأَعَدَّ لَهُمْ سَعِيرًا {64} خَالِدِينَ فِيهَا أَبَدًا لا يَجِدُونَ وَلِيًّا وَلا نَصِيرًا
Манасы: «Аллаh кяфирлерни лянетледи, оларгъа атеш азырлады, олар анда эбедий азап чекеджеклер ве оларгъа ич ярдым олмайджакъ».
Догъру итикъат саиби олмакъ (Аhлюс-Суннаh уаль-Джама‘аh) – бу обир дюньядаки эбедий азаптан къуртулмакъ ичюн тек бир ёлдыр. Иман – бу эр шейнинъ эсасы, иман олмаса, хайыр амеллер къабул олмай. Иман – бу Аллаhнынъ барлыгъына ич шубе олмагъанына, Аллаhтан гъайры башкъа ич кимсе ибадетке ляйыкъ олмагъанына эм де Аллаh эр шейнинъ Яратыджысы олгъанына кучьлю итикъаттыр. Аллаh бизге омюр берди ве не къадар омюр девам этеджек тек Аллаh биле.
Аллаh Къур`анда («Фатыр» Суреси, 3 Аети) буюра:
هَلْ مِنْ خَالِقٍ غَيْرُ اللهِ
Манасы: «Аллаhтан гъайры башкъа Яратыджы ёкъ».
Иманнынъ эсасына, Юдже Аллаh яратылгъанларнынъ ич бирисине ве ич бир шейге ошамагъанына итикъат кире. Аллаh не адамгъа, не осюмликлерге, не Мелеклерге не де джиннлерге ошамай. Аллаh не авагъа, не рухкъа не де сезильген ве сезильмеген, джанлы ве джансыз олгъан шейлерге ошамагъанына инанмакъ керек.
Тек Аллаh бутюн яратылгъанлардан эвель эбедий бар эди. О кок, ер, кунеш, ай, йылдызлар, къаранлыкъ ве ышыкъ яратылмаздан эвель бар эди. Эр шейни тек Аллаh яратты. Эр кесте мутлакъа бойле итикъат олмалы.
Къур`анда («Аш-Шура» Суреси, 11 Аети) буюрыла:
لَيْسَ كَمِثْلِهِ شَىْءٌ وَهُوَ السَّمِيعُ البَصِيرُ
Манасы: «Аллаhкъа ич бир шей бенъземей».
Бу Юдже Аллаhкъа имандыр.
Пейгъамбер Мухаммад ‘алейhиссалям Аллаhнынъ къулу ве Эльчиси олгъанына эм де Пейгъамбер Аллаhтан не кетирген ве хабер эткен эр шейде догъру ве садыкъ олгъанына шубесиз инанмакъ керек. Ве онынъ сёзлеринде ялан ве залымлыкъ ёкъ. Ким Аллаhкъа ве Онынъ Пейгъамберине ольгендже инанса, олгъан гуняхларына тёвбе этмесе биле, джеhэннемде япкъан гуняхлары ичюн джезаланса да, мутлакъ Дженнетке киреджек.
Аллаh бизни догъру ёлдан шашырмасын ве бу дюньяны иман иле терк этмеге насип этсин.
هَذَا وَأَسْتَغْفِرُ اللَّهَ لِي وَلَكُمْ
----------------------------------------------------------------------------------------------------------
إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.
واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد
اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات