Центральное духовное управление мусульман - Таврический муфтият - Къыямет Куннинъ дехшетлери

Къыямет Куннинъ дехшетлери

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾ 

Бу дюньяны Озь Къудретинен яраткъан, бизлерге джан ве рызыкъ берген, сынъырсыз, мекянсыз, къусурсыз олгъан Аллаhу Таˈалягъа хамд ве сеналар олсун! Шаhадет этем ки Аллаhтан башкъа иляh ёкъ ве Мухаммад, ˈалейhиссалям,  Онынъ къулу ве ресулидир!

Аллаhнынъ энъ севимли къулу, имамларнынъ имамы, Пейгъамберимиз Мухаммад Мустафагъа салят ве селямлар олсун!

Аллаhнынъ къуллары, озюме ве сизге насиат этем – Аллаhтан къоркъунъыз, Онынъ эмир эткенлерини япып, харамдан къачынынъыз! Билинъиз ки бу дюньянынъ сонъу келеджектир, ве эпимиз япкъан амеллеримиз ичюн Ахирет Кунюньде эсабет береджекмиз. Бютюн бу кяинатны яраткъан - Аллаhу Та'алядыр, ольген сонъ бизге кене джан берип тирильтмек эр шейге Къутрети еткен Яратыджымызгъа ич зор дегильдир.

Имам Аль-Хакимнинъ ривает эткен Хадис-и шерифинъде, Пейгъамбер, ˈалейhиссалям, эфендимизнинъ шойле буюра:

﴾مَنْ أَحَبَّ أَنْ يَنْظُرَ إِلَى يَـوْمِ الْقِيَامَةِ فَـلْيَـقْرَأْ قَـوْلَهُ تَـعَالَى: ﴿ إِذَا الشَّمْسُ كُوِّرَتْ 

Манасы: «Къиямет кунюню насыл кечеджегини ве инсанларнынъ алы насыл оладжагъыны бильмек истеген кишилер ''Ат-Такуир'' суресини окъусынълар»».

Бу сурете Къыямет куню шу шекильде иза этиле:

 ﴾إِذَا الشَّمْسُ كُوِّرَتْ﴿

Манасы: «Эсабет кюню кельгенде кунеш ышыгъы сёнер, чюнки кунеш томарланып атыладжакътыр ве онданъ сонъ къаранлыкъ чёкер»;

وَإِذَا النُّجُومُ انكَدَرَتْ﴿

Манасы: «Ве коктеки йылдызлар тюшюп харап оладжакъ, олар да тюшкен сонъ йылдыз ышыгъы да къалмайджакъ»;

وَإِذَا الْجِبَالُ سُيِّرَتْ﴿

Манасы: «Ве дагълар йыкъылып тоз алына келеджек», эр ер тегиз тюзлюк алына келеджек –не дагъ къалыр не дере не вадий;

وَإِذَا الْعِشَارُ عُطِّلَتْ﴿ 

Манасы : «Ве инсанлар О куннинъ дешетинъден долайы озь девелерни(энъ къыйметли мульклерини) бакъымсыз бракъыр (яни о кунь инсан не малыны не мулькуны тюшюнеджек, чюнки эр кес озь вазиетиненъ мешгъуль олур)».

وَإِذَا الْوُحُوشُ حُشِرَتْ﴿ 

Манасы: «Ве бютюн хайванлар бир ерде джыйыладжакъ» О Кунь хайванлар арасында къоркъу олмайджакъ, адалет ерини тападжакъ ве эр хайван хакъкъыны аладжакъ. Эгер бу дюньяда бир хайван башкъа хайванны бойнузлап ольдюрген исе, Эсабет кунюньде там терсиси оладжакъ: ольдюрюльген хайван бойнузлы ве кучьлю оладажакъ ве дюньяда оны инджиткъан хайванны ольдюрип хакъкъыны онданъ аладжакъ. Бютюн хайванлар бу шекильде эсаплашкъан сонъ эписи тозгъа чевириледжеклер.

 ﴾وَإِذَا الْبِحَارُ سُجِّرَتْ﴿

Манасы: «Нээрлер ве денъизлер алевленип янаджакълар, ве онданъ сонъ ичинде бир дамла сув къалмайджакъ»;

 ﴾وَإِذَا النُّفُوسُ زُوِّجَتْ﴿ 

Манасы: «Бу дюньяда япкъан амеллерине коре: такъвалы мусульман башкъа такъва саиплериненъ Дженнетте оладжакъ, гюнахкяр исе башкъа фасикълериненъ джеhеннемде оладжакъ»;

 ﴾وَإِذَا الْمَوْؤُودَةُ سُئِلَتْ ﴾﴿ بِأَيِّ ذَنبٍ قُتِلَتْ﴿ 

Манасы: «Ве янъы догъгъан къызчыкъларгъа (бу къызчыкълар путперестлик заманында джанлы джанлы комюлип ольдюрильгенлер): «Анги гюнах ичюн ольдюргенлер сени суаль сорагъанда? (яни не яптын де сени ольдюргенлер)?», (о къыз, шу джевабыны берир: «Ич бир къабаатым ёкъ эди!» ве бу сёзлери оны ольдюрген кишининъ алейхине агъыр бир делиль оладжакътыр)»;

﴾وَإِذَا الصُّحُفُ نُشِرَتْ ﴿

Манасы: «Ве амель дефтерлери ачылып эр инсангъа омюр бою нелер ишлегенини костерильгенде, инсан шашырып шуны айтар», о меальде айтаджагъы сёзлери хакъкъында «Аль-Кяhф», суресининъ 49-джы яетинъде ачыкълана:

﴾مَالِ هَذَا الْكِتَابِ لا يُغَادِرُ صَغِيرَةً وَلا كَبِيرَةً إِلاَّ أَحْصَاهَا﴿ 

Манасы: «Бу не аджайып бир дефтер?! Не буюк не де кичик амелим унутылмагъан, япкъан эр амелим ичинде къайд этильген!?»».

О Кюнь иман саибининъ дуяджагъы бахт ве къуванджы хакъкъында Аллаhу Та'аля шойле буюра («Аль-Хакъкъаh» Суреси, 19 Ает):

﴾فَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمُ اقْرَؤُوا كِتَابِيَهْ ﴿

Манасы: «Амель дефтеринъи сагъ элинен алгъанлар къуванчнен айтарлар ки: «бакъынъыз ве окъунъыз меним амель дефтеримни»».

Бу дюньяда залим олгъан кишининъ дуяджагъы гъам ве элем хакъкъында «Аль- Хакъкъаh» Суресининъ, 25-29 Аетлеринъде шу шекильде иза этиле:

 ﴾وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيَهْ﴿

هَلَكَ عَنِّي سُلْطَانِيَهْ ﴾ ﴿ مَا أَغْنَى عَنِّي مَالِيَهْ ﴾ ﴿ وَلَمْ أَدْرِ مَا حِسَابِيَهْ ﴾﴿ يَا لَيْتَهَا كَانَتِ الْقَاضِيَةَ﴿

Манасы: «Амель дефтеринъи сол элинен алгъанлар пешманлыкънен шуны айтар: «Кешке амель дефтеримни манъа бермесейдилер ве мен оны алмаса эдим, япкъанларымнынъ эсасабетинъи ве джезасынъы бильмесе эдим.Кешке олюм меним ичюн сонъ олса эди ве Аллаh мени титильтмесейди! Дюньядаки байлыгъым ве малларым манъа ич ярдым этмеди ве файда кетирмеди. Дюньяда къуллангъан хакимиет ве къудредим мында ёкъ олды ве шимди эсабетке ич бир шей къаршы япып оламайым». Имансызларны бу шекильде джезаландыргъан сонъ, мелеклерге шунлар эмир этилир («Аль- Хакъкъаh» Суреси, 30-32-джи Аетлер):

ثُمَّ فِي سِلْسِلَةٍ ذَرْعُهَا سَبْعُونَ ذِرَاعًا فَاسْلُكُوهُ ﴾ ﴿ ثُمَّ الْجَحِيمَ صَلُّوهُ ﴾ ﴿ خُذُوهُ فَغُلُّوهُ﴿

Мансы: «Тутунъыз оны, къолларыны боюна зинджилеп джеhеннем атешине атынъыз ве сонъра узунлыгъы 70 тирсек олгъан сильсиленен багълайынъыз».

Урьметли дин къардашларым! Имансыз оларакъ ольген инсанлар эбедиен джеhеннем азапларыны чекеджеклер, ич кимсе ве ич бир шей бу вазиетлеринденъ къуртулмаларына ярдым этип оламайджакъ. Ахиретте олар ичюн не бир енгиллешме не де бир къуванч оладжакъ. Бутюн бу джеза ве азапларынъы хакъкъ эткенлер, чюнки Яратыджынынъ берген сонъсуз ни'метлернинъ къаршылыгъына миннетдарлыкъ косьтермейип бу дуньяда эписи залим эдилер ве Аллаhнынъ эмирлерине бой сунмагъанлар.

Аллаhкъа ду'а этемиз ки, джеhеннемден ве бизлерни джеhеннемге сюйреклеген эр шейден къорчаласынъ! Ду'а этемиз ки Аллаhу Та'аля билип те бильмейип япкъан гюнахларымызны багъышласынъ ве дженнетке баргъан ёлданъ бизлерни шашыртмасынъ, даима эм бу дюньяда эм Ахиретте бизлерни муваффакъ къыладжакъ амеллерини япмагъа насип эйлесинъ! Амин!

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات