Центральное духовное управление мусульман - Таврический муфтият - Къыямет Куннинъ буюк аляметлери

Къыямет Куннинъ буюк аляметлери

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Бютюн нокъсанлыкъларданъ мунеззех олгъан, озь яраттыкъларынъы денъиштирген, лякин, Озю денъишмеге огърамагъан, ич кимсеге ве ич бир шейге мухтадж олмагъан Юдже Аллаhкъа хамд-у сеналар олсун. Аллаh, бутюн ата ве бабаларнынъ, огъул ве эвлятларнынъ Роббиси олуп не бирисининъ бабасыдыр не де огълудыр. О, эши ве бенъзери олмагъан кяинатнынъ Екяне Яратыджысыдыр!

Биз, вуджют ве азаларданъ, мекян ве сынъырларданъ мунеззех олгъан Аллаhу Та'алягъа ибадет этемиз ве билемиз ки Аллаhнынъ Къудретине къаршы ич кимсе чыкъып оламаз, О эр шейге Къадырдыр.

Аллаhнынъ энъ севимли къулу, имамларнынъ имамы, Пейгъамберимиз Мухаммад Мустафагъа салят ве селямлар олсун! Аллаhкъа ду'а этемиз ки, Раббимиз Пейгъамберимизнинъ умметинъи ёкъ олмакътан ве далялете тюшмектенъ сакъласынъ.

Мухтерем джемат! Озюме ве сизге насиат этем – Аллаhтан къоркъунъыз, Онынъ эмир эткенлерини япып, харамдан къачынынъыз! Унутмайыкъ ки - тирилюв хакътыр, ве бютюн япкъан амеллеримиз ичюн эсабетке чекиледжекмиз.

Пейгъамбер Эфендимиз, шойле буюрды:

"بُعِثْتُ أَنَا وَالسَّاعَةَ كَهَاتَيْن"ِ وَقَرَنَ بَيْنَ السَّبَّابَةِ وَالْوُسْطَى

Манасы: «Меним келювимнен дюньянынъ сонъу бу эки пармакъ кибидир», ве бу эснада ишарет в орта пармакъларны косьтерди. Бойлеликнен Пейгъамберимиз бу дюньянынъ сонъу чокъ якълашкъаныны иза этти.

Бу дюньянынъ сонъуна аз бир вакъыт къалгъанына башкъа бир делиль исе,

Аль-Къамар суресининъ биринджи Аетинде коремиз, Аллаhу Та'аля буюрды ки:

﴿ اِقْتَرَبَتِ السَّاعَةُ وَانشَقَّ الْقَمَرُ ﴾

Манасы: «О саат (яни Къыямет куню) якълаша ве ай ярылгъан».

Билемиз ки ай парчаларгъа ярылмасы бу Пейгъамбер Эфендимизнинъ буюк муджизелеринъден бириси эди, ве бу адисенин керчеклешмеси Ахирет Кунюнинъ якълашкъаннынъ аляметидир.

Азиз ве мухтерем динъ къардашларым! Билинъиз ки Пейгъамберимиз, 'аляйhиссалям, Къыямет кунюнинъ якълашкъанына даир он буюк аляметинъден бахис этип, бизлерге бу аляметлерни огреткен, ве тариф этти ки бу аляметлер пейда олмагъанджес Эсабет Куню башламаз. Бу аляметлернинъ базылары шунлар: даджджальнинъ инсанларгъа чыкъмасы, 'Иса пейгъамбернинъ коклерденъ энъмеси, я'джудж ве ма'джудж къабилелернинъ мейдангъа кельмеси, даббатуль-'ард адлы хайваннынъ чыкъмасы, ады духан олгъан айры бир думаннынъ чыкъмасы, ерюзюнде муаззам буюклюкте чатлакъларнынъ пейда олмасы, Йемен больгесинъде шиддетли алевнинъ чыкъмасы ве кунешнинъ магърип тарафынданъ догъмасы.

Дадджаль- имансыз бир инсан олуп инсанларын арасына кельгенде дюньяда пек къыйын вакъыт оладжакъ, чюнки узун бир мюддеттен берли ягъмур ягъмаяджакъ ве ерюзюнде шиддетли бир къуракълыкъ бунынъ аркъасындан да ачлыкъ башланаджакъ. Дадджаль, ерьюзюню долашаджакъ ве озюни иляh илян этип инстанларны далялятке чекеджектыр. Бир къысым инсанлар онъа инаныр ве динимизденъ чыкъарлар, бу инсанлар байлыкъ ве раатлыкъта олурлар, лякин бу раатлыкълары анджакъ бу фаний омюрлери ичюн оладжакъ. Аллаhнынъ динине сыкъы сарылгъан ве дадджальнинъ яланларыны къабуль этмейип онынъ изинъденъ китмеген мусульманлар исе ачлыкъ ве чешитли зорлукълар чекеджеклер. Аллаhу Та'аля оларгъа ойле бир ниймет берир ки: олар Зикир окъуп токълукъ исседеджеклер ве ачлыкънынъ зарарларынданъ къорчаланаджакълар. Дюнья узеринъде дедджальнинъ кирип оламаяджагъы тек ерлер Мекка ве Медина шеэрлери оладжакъ. Пейгъамбер эфендимиз дедджальнинъ фитнеси хакъкъында умметинъи уяргъан ве инсанлар онъы танысынлар деп тыш корюнишины шу шекильде тариф эткен: дадджальнинъ бир козю юзюнденъ силинген киби, обюри исе сёнюк ве йюзюмге бенъзий. Аллаhу Та'аля эпимизни дадджальнинъ фитнесинденъ сакъласынъ!

Дадджальнинъ дюньямызда олмакънынъ сонъ куньлеринъде коклерденъ 'Иса Пейгъамбер энеджек, О дадджальнен Филистин топракъларында юзлешеджек ве онъы йокъ этеджек.

Марьямнынъ огълу олгъан 'Иса Пейгъамбер Мухаммад Пейгъамберимизнинъ Шари'атыны кутеджек ве Онынъ заманында, я'джюдж ве ма'джюдж къабилелернинъ хелякъ олмаларынданъ сонъ бутюн дюньяда бахт ве саадет

вакъты келеджек. Ойлеки: ер тюбюнде сакълы олгъан бютюн мюджевхерлер ортая чыкъаджакъ ве эр кес о къадар зенгин оладжакъ ки инсанлар садакъа бермек ичюн факъыр ве фукъараларыны тапып оламаяджакълар.

Къыйметли дин къардашларым! Я'джудж ве ма'джудж – Адам огъулларынданъ олгъан къабилелердир ве араларында ич бир тане иман саиби ёкъ, яни эписи динсиздир. Бизимле айны дюньяда яшайлар, лякин башкъа инсанлардан гизлидирлер. Узун асырлар эввель буюк эвлиялардан олгъан Зуль-Къарнайн, инсанларны бу эки къабиленинъ зулумынданъ къуртармакъ ичюн арамызда муаззам буюклюкте бир дивар къургъан. Бойлеликнен не олар бизим тарафымызгъа не де бизлер оларнынъ тарафларына кечип оламаймыз. Ве о вакъыттан берли олар бу диварны къзып кечмеге тырышалар, эр кюнь къазы ишлерини ташлагъанда: ''Ярын девам этерик'' деп эвлерине къайталар, факъат, саба диварын янына гельгенлеринъде диварнынъ янъыдан сапа-сагълам бир шекильде тургъаныны корелер. Бу чалышмалары бу шекильде девам этеджек, та ки бир кунь ишлерини бракъкъанда: ''Ярын девам этерик ин ша Аллаh'' айтмагъанджес. Бу сёзлерни айткъан сонъ, саба диварын янына кельгенлеринъде ону бракътыкълары киби тапарлар ве къазмагъа девам этип тышары чыкъарлар. О арада бутюн дуньяда ачлыкъ оладжагъы ичюн инсанлар зайыф тюшер ве бу эки вахший къабилеге къаршылыкъ берип оламаджакълар. Бунынъ ичюн 'Иса Пейгъамбер мусульманларнен берабер Тур дагъына чыкъып: бу эки къабилени элякъ этип оларны бу фелякеттен азад этсин Аллаhу Та'алягъа ду'а этерлер, ве Аллаh бу ду'аларынъы къабул этер.

Урьметли мусульманлар! Даббатуль-ʼард-бу айры бир хайван олуп инсанларнен оларнынъ тиллеринен лаф этип иман саиплерини динсизлерденъ айыраджакъ ве ич бир инсан бу хайвандан сакъланып оламайджакъ.

Бутюн бу аляметлерденъ сонъ духан адлы бир думан пейда оладжакъ, бу думан бутюн ерюзюни сараджакъ ве иман саиби олмагъан инсанлар бу думанны нефес алдыкъларынъда шиддетли азап чекеджеклер, мусульманлар исе бунынъ дайын азаплардан къорчаланаджакъ.

Бунданъ сонъ ерюзюнде муаззам буюклюкте чатлакълар пейда оладжакъ ве устлеринъде олгъан эр шей о чатлакъларын ичине тюшеджек. Чатлакъларын бириси мешрикъ обюри магъриб учюнджиси исе арап ярымадасынъда пейда оладжакъ бу адисе дадджальнинъ ве 'Иса Пейгъамбернинъ келювлеринъден сонъ оладжакъ.

Йемен больгесинъде шиддетли алевнинъ чыкъмасы – 'Адн адлы вадиде башланаджакъ ве инсанларны магъриб тарафына къуваджакъ.

Сонъ алямет исе кунешнинъ магъриб тарафынданъ догъмасыдыр. Бу вакъыт кельген сонъ инсанларнынъ япаджакъ товбелери ве кетиреджек келиме-и-шеhаделери къабуль олунмаяджакътыр, чюнки о сааттен сонъ товбе къапылары къапанаджакътыр.

Ве бутюн бу аляметлерденъ сонъ Аллаhнынъ Такъдиринен Исрафиль мелек, 'аляйhиссалям, Сургъа уфрер ве дюньянынъ сонъу келир.

Аллаhнынъ къуллары! Керчектенде Аллаhнын берген ниметлерини акъикъат йолунда къуллангъанлар эм бу дюньяда эм Ахиретте аманлыкъта оладжакълар. Акъыллы инсан фани дюньяда озюни эбедий олгъан хаятына азырлай, ве Ахирет Кунюньде онъа файда кетиреджек олгъан шейлерни япып харамдан узакълаша. Аллаhтан къавий иман, бол берекет ве бизлерге севап кетиреджек амеллер япмакъны насип эйлесинъ деп дуа этемиз.