Центральное духовное управление мусульман - Таврический муфтият - Пейгъамберлерни имае этюви

Пейгъамберлерни имае этюви

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Къудретли, Екяне Яратыджыгъа хамд олсун. Аллаh бутюн нокъсанлыкълардан пактыр, О Бир ве болюнмей. Аллаh догъмады ве догъурмады, О ич бир шейге ве ич кимсеге бенъземей. Аллаh мекянгъа ве вакъыткъа мухтадж дегиль, О Эбедий ве Сонъсуздыр.

Юдже Аллаh Пейгъамбер Мухаммад ‘алейhиссалямгъа даа чокъ шереф ве улулыкъ багъышласын. Бизим Пейгъамберге ве башкъа бутюн Пейгъамберлерге салят ве селям олсун! Эм де Пейгъамбер Мухаммад ‘алейhиссалямнынъ апайларына, онынъ мусульман сойларына ве несилине де селям олсун! Аллаh эренлерге ве такъвалы Пейгъамбернинъ девамджыларына рахмет багъышласын деп, Ду‘а этемиз.

Эр кесни такъвалы олмагъа давет этем! Шари‘атны кутюнъиз ве гуняхларны япманъыз. Бири-биринъизге яхшылыкъны япмагъа ярдым этинъиз.

Къурʼанда («Аль ʻИмран» Суресинде, 102-Аетте) буюрыла:

﴿ يَا أَيُّهَا الَّذِينَ آَمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ ﴾

Манасы: «Эй, мусульманлар! Аллаhтан керчек, самимий, такъвалыкъ иле къоркъун ве анджакъ мусульман оларакъ джан беринъиз».

Такъвалы олмакъ – бу Яратыджынынъ эмирлерини япмакъ ве гуняхларны япмамакъ.

Аллаhкъа инанмаса ве Аллаh акъкъында бильгиси олмаса, эм де Пейгъамберге инанмаса ве Пейгъамбер акъкъында бильги олмаса инсан такъвалы олмаз.

Ве Аллаh харам ве элял эткенини тек Пейгъамберлернинъ вастасынен огренмек мумкюн, онынъ ичюн инсанлар Пейгъамберлернинъ огретювине меджбурлар. Яхшылыкъны яманлыкътан, керчекни янълыштан Ахиретте къорчалагъан ве перишан эткен ёлларыны бильмек ичюн тек Пейгъамберлернинъ огреткенинден бильмек мумкюн. Акъикъатны огретмек – бу Пейгъамберлернинъ вазифеси эди, оларны Аллаh инсанлардан энъ мукеммель оларакъ яратты.

Аллаh озь Пейгъамберлерни беден къусурларындан, игренч хасталыкълардан ве даветине мания олгъан бутюн шейлерден къорчалады. Онынъ ичюн Пейгъамбер Айюб ‘алейhиссалямнынъ акъкъында базы инсанларнынъ айткъанлары яландыр. Олар дейлер, санки Пейгъамбер Айюб ‘алейhиссалямда игренч хасталыгъы бар эди ве онынъ беденинден къуртлар чыкъа эди. Бу ифтира.

Пейгъамбер Мухаммад, ‘алейhиссалям буюрды:

مَا بَعَثَ اللهُ نَبِيَّا إِلَّا حَسَنَ الْوَجْهِ حَسَنَ الصَّوْتِ رواه الترمذي

Манасы: «Аллаh бутюн Пейгъамберге дюльбер юзь ве гузель сес багъышлады». Иммам Ат-Тирмизий ривает этти.

Сайгъылы мусульманлар! Юдже Аллаh эписи Пейгъамберлерни имансызлыкътан, кучюк ве буюк гунахлардан эм де дереджесини тюшюреджек ве игренч амеллерден къорчалангъан эди.

Бутюн Пейгъамберлерге бойле чизгилер аит дегиль: яланджылыкъ, ахмакълыкъ, тюшюнджесизлик, алчакълыкъ, къоркъакълыкъ, игренчликни догъургъан неджис ве пис хасталыкълар.

Ким Пейгъамберлерге ве Ресуллерге яланджылыкъ, ахмакълыкъ, тюшюнджесизлик, алчакълыкъ ве къоркъакълыкъ киби чизгилерни къошса я да мыскъыласа, о имансызлыкъ япа. Ич бир Пейгъамбер ички ичмегенине, зинагъа ниет этмегенине ве зина япмагъанына, къадынларгъа тюшкюнлиги олмагъанына ве бир къадын ичюн ич кимсени ольдюртмегенине инанмакъ керек. Даỳд ‘аляйhиссаля́мнынъ къадынларгъа тюшкюнлиги ёкъ эди ве бир къадын ичюн ич кимсени ольдюртмеди. Бойле айткъанлар яланджылардыр.

Аллаh Къурʼанда («Аль-Анʻам» Суресинде, 86-Аетте) бойле буюрды:

﴿ وَكُلاًّ فَضَّلْنَا عَلَى الْعَالَمِينَ ﴾

Манасы: «Аллаh бутюн Пейгъамберни яраткъанларындан энъ устюн этти».

Эм де Лют ‘аляйhиссаля́мнынъ акъкъында айталар, санки о шарап ичип сарошланды ве озь къызларынен зина этти. Бу да буюк яландыр ве бойле ич олмады. Чунки бу арам щейлер щейтандан!

Къурʼанда («Сад» Суресинде, 82-83-Аетлерде) бойле айтыла:

﴿ إِلَّا عِبَادَكَ مِنْهُمُ الْمُخْلِصِينَ ﴾ ﴿ قَالَ فَبِعِزَّتِكَ لَأُغْوِيَنَّهُمْ أَجْمَعِينَ ﴾

Манасы: «Пейгъамберлерден гъайры, къалгъан эписини инсанларны мытлакъа ёлдан саптыраджагъына иблис ваде этти».

Юсуф ‘аляйhиссаля́м зинагъа ниет этмеди ве зина япмады.

Мукъаддес Къурʼанда («Юсуф» Суресинде, 51-Аетинде) дениле:

﴿ َقَالَتِ امْرَأَةُ الْعَزِيزِ الآنَ حَصْحَصَ الْحَقُّ أَنَاْ رَاوَدتُّهُ عَن نَّفْسِهِ وَإِنَّهُ لَمِنَ الصَّادِقِين ﴾

Манасы: «Тёренинъ апайы деди ки, шимди акъикъат ортагъа чыкъты, мен онынъ нефсинден файдаланмагъа истеген эдим. Керчектен де, о сыдыкъ олгъанлардандыр».

Бутюн Пейгъамберлерге бойле мукеммель чизгилер аиттир: сыдыкъ олмакъ, зекий акъыл, иффет, фетанет, керчеклик, акъылане, джесарет.

Ич бир Пейгъамбер ич бир вакъыт ялан айтмады. Базы инсанлар айталар санки, Пейгъамбер Ибраhим ‘аляйhиссаля́м учь кере ялан айтты. Пейгъайбер акъкъында бойле айтмагъа ве тюшюнмеге ифтирадыр.

Пейгъамбер Эфендимиз Мухаммад салляллаhу ’алейhи уа саллям Меккеден Мединеге Аллаhнынъ эмиринен hиджрет этти. Кесин оларакъ мушриклерден къачмады. Чюнки Аллаhнынъ Ресули бу киби аллардан узакътыр.

Амма Пейгъамберлерде табиий къоркъу олмасы мумкюн. Муса ‘аляйhиссаля́мгъа онынъ таягъы буюк йылангъа чевирильгени вакъытта бойле айтылды, («Таhа» Суресинде, 21-Аетинде):

﴿ خُذْهَا وَ لَا تَخَفْ ﴾

Манасы: «Къоркъма, ал оны (йыланны)».

Ич бир Пейгъамбер йылдызгъа, айгъа я да кунешке табынмады. Ибраhим ‘аляйhиссаля́м йылдызгъа, айгъа ве кунешке табынмады, догъгъанындан берли мусульман эди, Раббини таный эди ве мушриклерден

дегиль эди. Онынъ ичюн Пейгъамбер Ибраhим ‘аляйhиссаля́м Иляhни къыдырды базы инсанларнынъ айткъаны буюк янълыш ве ифтирадыр. Чюнки Аллаh ёкъ олмай, О эбедийдир.

Мукъаддес Къурʼанда («Аль-Анбияʼ» Суресинде, 51-Аетинде) буюрыла:

﴿ وَلَقَدْ آتَيْنَا إِبْرَاهِيمَ رُشْدَهُ مِن قَبْلُ ﴾

Манасы: «Аллаh Пейгъамбер Ибраhим ‘аляйhиссаля́мгъа акъикъатны вахийликтен даа эвель багъышлагъан эди».

Пейгъамберлер кучюк, амма дереджесини тюшюрмейджек гуняхларыны япа билелер ве олар Аллаhтан тёвбе этмеге деръал хабер алалар. Меселя, Адам ‘аляйhиссаля́м Дженнеттеки ясакъ олгъан мейваны ашады ве кучюк, амма дереджесини тюшюрмейджек гуняхыны япты.

Къурʼанда («Аль-Бакъараh» Суресинде, 38-Аетинде) буюрыла:

﴿ فَتَلَقَّى آدَمُ مِن رَّبِّهِ كَلِمَاتٍ فَتَابَ عَلَيْهِ ﴾

Манасы: «Адам онъа Аллаh бильдирген сёзлеринен тёвбе этти ве Аллаh оны багъышлады». Амма кесинликле бу амель ичюн Аллаh Адамны ве онынъ рефикъасыны Дженнеттен къувгъаныны тюшюнмеге мумкюн дегиль.

Билинъиз ки, ич бир Пейгъамберге тюшюнмейип айтылув, тутукъланув, сакъвланмасы ве дигер агъыз хасталыгъы аит дегиллер. Бутюн Пейгъамберлернинъ сеслери дюльбер, келямы гузель ве оларнынъ айткъан эр сёзю инсанларгъа анълайышлы эди.

Юдже Аллаh Мухаммад Пейгъамбер, ‘алейhиссалямгъа улулыкъ ве шереф багъышласын эм де бутюн Пейгъамберге салят ве селям олсун. Аллаh бизим иманымызны къуветлештирсин ве бу дюньяны мусульман олып, терк этмеге насип этсин.