Центральное духовное управление мусульман - Таврический муфтият - Ибадет

Ибадет

 إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Бу дюньяны яраткъан, бизлерге джан ве рызкъ берген, мекянсыз ве къусурсыз олгъан Аллаhкъа хамд ве  сеналар олсун!

Аллаhнынъ энъ севимли къулу, имамларнынъ имамы, Пейгъамберимизге, Мухаммад Мустафагъа салят ве селямлар олсун!

Сайгъылы мусульманлар!

Аллаhу Та`аля бизлерге бир чокъ нимет берген. Ве бу ниметлернинъ энъ фазилетлиси — имандыр, яни Альхамдулилляh, биз мусульманмыз. Аллаhкъа ве Мухаммад Пейгъамберине иман этмектен сонъ энъ хайырлы амеллер – бу бизге фарз къылынгъан ибадетлерни эда этмектир, яни куньде беш вакъыт намаз къылмакъ, Рамадан айында Ораза тутмакъ, чаремиз олса, Хаджылыкъкъа бармакъ ве Зекят бермек.

Аллаhу Та`алянынъ эпимизге багъышлагъан бир буюк нимет даа – вакъыттыр. Бильгенимиз киби, вакъыт пек къыйметли шейдир ве эр мусульман озь вакътыны Ахиретте файда кетиреджек шейлерге сарф этмелидир. Яни мусульман киши куннинъ эр дакъкъасыны ибадетле кечирмеге тырышса, бунда эм берекет, эм савап бардыр. Яшагъан омюри бош кечмез ве япкъан хайырлы амеллери инсангъа иншаллаh Ахиретте енгиллик кетиреджеклер.

Сайгъылы мусульманлар!

Мусульманнынъ яшы – бу онынъ байлыгъыдыр. Инсан не алгъан нефесини, не де яшагъан дакъкъасыны къайтарып оламаз. Онынъ ичюн фарз олгъан ибадетлерден гъайры инсан башкъа хайырлы амеллерни де девамлы япмагъа тырышмакъ керек. Бунъа динимизде «вирд» дейлер, яни инсан нафиле ибадетлерден бирини я да башкъа хайырлы амелини девамлы япмакъ ичюн озюне сёз бере ве шу сёзюнде турмагъа тырыша. Бойле къошма ибадетлерни девамлы япкъан инсаннынъ юреги нурнен, хаяты исе айры бир аэнк иле тола.

Пейгъамбер Эфендимиз, аляйhиссалям, бир Хадисте шойле буюргъан эди:

Манасы: "Аллаh севген энъ хайырлы амеллер – бу салих къулларынынъ омюр бою, даима япкъан хайырлы ишлеридир".

Мисаль оларакъ шойле ибадетлерни ве хайырлы амеллерни вирд оларакъ япмакъ мумкюн:

1.Фарз намазларындан гъайры нафиле ве суннет намазларыны къылмакъ.

2. Къураннынъ белли бир Сурелерини окъумакъ.

3. Ислям динини огренмек, яни диний дерслерге къатнамакъ.

4. Белли Зикрлерни текрарламакъ.

5. Эр вакъыт хайыр ишлернинъ япмасыны фикиринде тутмакъ.

Урьметли дин къардашларым! Инсан япкъан ибадетнинъ догъру олмасыны истесе, оны белли эдебине коре япмакъ керек, чюнки эр бир ибадетнинъ усулы бардыр. Мисаль ичюн, намаз къылгъанда сакин турмагъа, сурелерни ашыкъмайып окъумагъа ве оларнынъ манасыны анъламагъа тырышмакъ керек.

«Аль-хамду лилляhи роббиль-‘алямин»  айткъанда, намаз къылгъан киши берген ниметлери ве акъикъат ёлунда олгъаны ичюн къальбинен Раббимизге шукюр эте, эм де бу сёзлерни айтып, озюни гуняхлардан къорчалай.

«Ар-Рахманир-рахим»  дегенде, мусульман инсан анълай ки, Аллаhу Та`аля бу дюньяда эм иман саиплерине, эм де имансызларгъа мерхаметлидир, Ахиретте исе Аллаhу Та`аля тек иман эткенлер ичюн мерхаметли оладжакъ.

«Малики йаумид-дин»  аетини окъугъанда, мусульман, Аллаh – Эсабат кунюнинъ Малики, Укюмдары олгъаныны анълай.

«Иййака на`буду»  дегенде, Аллаhтан гъайры Иляh олмагъаныны ве ибадетке тек Аллаhу Та`аля ляйыкъ олгъаныны къабул эте.

«Уа иййака наста`ин»  дегенде, инсан Аллаhкъа дуа этип, Ондан айры бир ярдым истей ве бу ярдымны Аллаhтан гъайры ич кимсе берип оламаз.

«Иhдинас-сираталь-мустакъим»  дегенде, догъру ёлдан шашырмамакъ ичюн инсан Аллаhкъа ялвара.

«Сиратал-лязина ан`амта `аляйhим»  дегенде, инсан дуа этип, Аллаhтан озюне салих мусульманларнынъ ёлундан кетмеге насип этмекни риджа эте.

«Гайриль-магдуби `аляйhим уа ляд-даллин»  айткъанда исе, Аллаhу Та'аля оны янълыш тюшюнджелерден, янълыш ёллардан сакъласын ве Аллаhнынъ севмеген къулларнынъ арасында олмамагъа деп дуа эте.

Мухтерем мусульманлар!

Пейгъамбер Эфендимиз (солляллаhу аляйhи уасаллям) буюрды:

Манасы: «Эр бир хайырлы амель – бу садакъадыр».

Мисаль ичюн, башкъа мусульмангъа намаз къылмакъны хатырлаткъанда, я да бирисини гунях ишлемемеси ичюн тенбие эткенде, я да инсанларгъа зарар кетиребиледжек шейни ёлдан алып, четке аткъанда – инсан хайырлы бир амель япмыш ола ве япкъан бу хайыр ичюн Аллаhтан мукяфатланаджакъ. Факъат. шуны хатырлатмагъа истейим, эр анги ибадетни я да хайыр ишини япкъанда, оны, тек Аллаh ризасы ичюн ниетинен япмамыз керек. Чюнки япылгъан бир иш – хайырлы бир амель олса биле, оны Аллаh ризасы ичюн япмагъан инсан савап казанмай.

Ибадетлеримизни ве хайыр ишлеримизни япмакъ ичюн Аллаhу Та`аля эпимизге кучь-къувет, сабыр ве самимиетлик берсин! Амин!

 هَذَا وَأَسْتَغْفِرُ اللَّهَ لِي وَلَكُمْ

--------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات