Центральное духовное управление мусульман - Таврический муфтият - Генч юрек саиплери

Генч юрек саиплери

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد.أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Бу дюньяны Озь Къудретинен яраткъан, бизлерге джан ве рызкъ берген, сынъырсыз, мекянсыз, къусурсыз олгъан Аллаhу Та'алягъа хамд ве сеналар олсун! Аллаhнынъ энъ севимли къулу, имамларнынъ имамы, Пейгъамберимиз Мухаммад Мустафагъа салят ве селямлар олсун!

Озюме ве сизге насиат этем – Аллаhтан къоркъунъыз, Онынъ эмир эткенлерини япып, харамдан къачынынъыз!

Сайгъылы мусульманлар! Пейгъамбер Эфендимиз, шойле буюрды:

أَلا وَإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ وَإِذَا فَسَدَتْ فَسَدَ الْجَسَدُ كُلُّهُ أَلا وَهِيَ الْقَلْبُ

Манасы: ''Шубесиз, инсаннынъ беденинде ойле бир аза бар ки, эгер о аза сагълам олса, бутюн бедени сагъламдыр. Эгер о аза бозукъ олса, бутюн бедени де бозукътыр. Акъикъатен де, бу аза – инсаннынъ къальбидир!''

Аллаhу Та'аля ''Каф'' Суресининъ 36-джы Аетинде бойле буюрды:

وَكَمْ أَهْلَكْنَا قَبْلَهُم مِّن قَرْنٍ هُمْ أَشَدُّ مِنْهُم بَطْشًا فَنَقَّبُوا فِي الْبِلَادِ هَلْ مِن مَّحِيصٍ*إِنَّ فِي ذَٰلِكَ لَذِكْرَىٰ لِمَن كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ

Манасы: ''Эвель яшагъан ве даа кучьлю олып, даа буюк акимиетке саип олгъан бир чокъ несиль эляк олды. Олар, ер юзюнде чапкъалап, гъайретнен озюне сыгъынакъ къыдыргъанлар, амма джезадан ве гъайып олмакътан оларны къуртараджакъ бир ер ёкъ! Акъикъатен, огюнъиздеки миллетлернинъ башына кельген шейлер – акъикъатны идракъ эткен юрек саиплери ве динълеп, хидаетни анълагъанлар ичюн насиат ве хатырлатма бар.''

Сайгъылы дин къардашларым! Юреклеринъизни шехветтен ве алчакъ арзулардан темизленинъиз, анджакъ ондан сонъра о бир азаларынъыз де сагълам ве сагълыкълы оладжакъ. Къальбинъизден пислик ве къусурларны ёкъ этинъиз ве эр дайым Аллаhтан къоркъунъыз! Аллаhкъа олгъан иманымызнынъ пак ве сагълам олмасы кере эм де эр ань Аллаhкъа тевеккюль этмек керекмиз.

Яшынъыз не олса олсун, ве анги чагъынъызда олсанъыз олунъ давет ве Ислямгъа чагъырув ишини ташламанъыз! Яшынызгъа бакъып, акъикъатны даркъатмагъа быракъманъыз.

Сайгъылы джемаат! Улу Адем Пейгъамберимиз бинъ йыл яшагъан ве он асыр девамында, яни олюмине къадар озь балларына ве торунларына акъикъатны огретип, Ахирет Кунюне азырлагъан! Нух Пейгъамбернинъ не къадар яшагъанына бакъынъыз. Чюнки о 1780 йыл яшап, Пейгъамберлер арасында энъ чокъ яшагъан инсан эди. Азраиль Мелек онынъ джаныны алмаздан эвель, ондан сорады: «Бу хаятны насыл корьдинъ?» Яни: «Бу омюр насыл эди?» Нух Пейгъамбер (алейhисселям) деди: «Бу хаят эки къапысы олгъан бир эв кибидир, бир къапысындан кирип, экинджисинден чыкъасынъ». Иште, бойле орьнеклерни Пейгъамберлерде ве эвлияларда коремиз. Олар яшларына бакъмадан, омюр бою инсанларны акъикъаткъа давет этип, Ахиретте оларгъа зарар кетиреджек шейлерден тенбиелегенлер! Бу инсанлар гедже-куньдюз Ислям бильгилерини даркъаткъанлар ве араларындан ич бири: ''энди къартым, эвде отурсам, даа яхшы олур'' – деп, айтмагъанлар!

Амма, не языкъ ки, арамызда ойле даврангъан инсанлар бар, олар къартайгъан сонъ ''Бизим вакътымыз кечти энди, бугунь генчлернинъ сырасы''. Оларгъа айтынъыз Зуль-Къарнайн 2 бинъ йыл яшагъан ве омюр девамында Аллаh ризасы ичюн акъикъатны даркъаткъан ве къорчалагъан. Ве ич бир вакъыт шикяет этмеген ве ''меним вакътым кечти'' – деп айтмагъан! Пейгъамберимизнинъ мешхур сахабеси Сальман аль-Фарисий 300 йыл яшагъан ве О да бу йылларынъы акъикъатны къорчалув муджаделесинъде кечирди.

Сайгъылы мусульманлар! Озь яшынъызны ве я башкъа себеплерни маначыкъ этип акъикъатны ве яхшылыкъны даркъатмагъа чалышмагъан инсанларгъа айтынъыз ''Ислям давети сизге мухтаджтыр''.

Урьметли дин къардашларым! Акъикъатен, улу инсанларнынъ, керчек къараманларнынъ, яни эвлияларнынъ ве Пейгъамберлернинъ хаятлары ве фаалиетлернинъ узеринде тюшюнмек пек яхшы бир иштир, эм буны япмакъ эм де олардан орьнек алмакъ даа да гузель бир иштир. Аллаhу Та'аля гуняхлардан узакъ тургъан бир чокъ инсангъа къавий сагълыкъ берген. Меселя: Пейгъамберимизнинъ эмджеси Аль-Аббас вефат эткенде, ихтияр адам эди, факъат, бутюн тишлери сапа-сагълам эди! Ондан гъайры билине ки, Шафи'и мезhебининъ къадысы Абу Шуджа' 140 йыл яшагъан ве бутюн азалары сагълам эди. Инсанлар бу къадар надир корюнген сагълыгъы акъкъында соргъанда, о ''Генч олгъанда биз азаларымызны гуняхтан сакъладыкъ, къартлыкъта исе, Аллаh бизим съагълыгъымызны сакълады.''

Сайгъылы джемаат, юреклеринъиз эр даим генч къалсын, яни юрегинъиз сизни омюр бою Аллаhкъа итаат этмеге ве яхшылыкъ япмагъа ёнельсинъ. ''Генч юрек саиплери'' – бу илим огренмеге тырышкъан, огренген сонъ да башкъаларгъа даркъаткъан инсанлардыр! Озь балаларына ве торунларына яхшы орьнек косьтерген ве озь вакъытнынъ чокъусыны джамиде кечирген инсанлардыр!

Юреклери генч олгъан инсанлар ич бир вакъыт мусульман къардашларына не тиллеринен не де амеллеринен зарар кетирмезлер. Олар вакъытларыны телевизор огюнде отурып я да къавеханеде булунып, яшайышларыны бош кечирмейлер.

Аллаh бизге бу дюньянынъ имтианларындан такъвалы мусульманларгъа якъышыр бир шекильде кечмек ичюн кучь-къувет берсин ве гуняхларымызны афу этип, Дженнетке азапсыз кирмеге насип эйлесин! 

هَذَا وَأَسْتَغْفِرُ اللَّهَ لِي وَلَكُمْ

-------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات