Центральное духовное управление мусульман - Таврический муфтият - Бу дюнья имтианындан сабырнен кечмек

Бу дюнья имтианындан сабырнен кечмек

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد.أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Башлангъычсыз ве сонъсуз олгъан, эр шейни Озь Къудрети иле яраткъан Екяне Яратыджымызгъа хамд олсун! Ортагъы олмагъан, ич кимсеге ве ич бир шейге мухтадж олмайып, бизлерге рызкъ ве берекет багъышлагъан Аллаhу Та'алягъа хамд ве сеналар олсун.

Бизим Пейгъамберимизге ве ондан эвель кельген бутюн Пейгъамберлерге Cалят ве селямлар олсун!

Шеhадет этем ки, Аллаhтан башкъа иляh ёкъ, ве кене шеhадет этем, Мухаммад Аллаhнынъ къулу ве Ресулидир.

Мухтерем мусульманлар! Эр вакъыт ве эр ерде такъвалы олунъыз, чюнки Шариʻатны кутьмек – бу Ахиретте къуртулыш ёлудыр.

Къурʼанда («Аз-Зарият» Суресининъ, 58-56. Аетлерде) бойле айтыла:

﴿وَمَا خَلَقْتُ الجِنَّ والإِنْسَ إِلاَّ لِيَعبُدُونِ، مَا أُرِيدُ مِنْهُمْ مِنْ رِزْقٍ وَمَا أُرِيدُ أَنْ يُطْعِمُونِ، إِنَّ اللهَ هُوَ الرَّزَّاقُ ذُو القُوَّةِ الْمَتِين﴾

Манасы: «Юдже Аллаh  инсанларны ве джиннлерни Онъа ибадет этмелерни эмир этмек ичюн яратты. Аллаh  олардан не ашав, не мал, не де рызкъны сорай. Керчектен де, рызкъны, малны багъышлагъан ве асыл Къудрет саиби - Аллаhтыр».

Эгер сени «Аллаh бизни не ичюн яратты?» – деп  сорасалар, джевабынъ Къурʻандаки бу Аетине мунасип олсун, яни айт: ''Юдже Аллаh инсанларны Онъа итаатлы олмагъа ве бир тек Онъа ибадет этмеге эмир этмек ичюн яратты. Эпимиз япкъан амеллеримиз ичюн джевап береджекмиз, чюнки Шари‘атны кутьмек ве гунях ишлемемек боюн борджумыз.''

«Не ичюн бутюн инсанлар иман этмейлер?» – деп, суаль берселер, джевабыны Къурʻан-и Керимден ал ве бойле айт: ''Эгер Аллаh истеген олса, бутюн инсанларгъа акъикъий иман багъышлар эди. Амма, керчектен де, Аллаhнынъ ваде эткени оладжакъ ве Онынъ Ирадеси иле джеhэннем джиннлер ве инсанларнен толаджакъ.''

«Не ичюн Аллаh динини кутькен мусульманларгъа Дженнетте эбедий зевкъ-сефаларны багъышлай? имансызларгъа исе джеhэннемде эбедий азапларны бере» – деп, берильген суальге, биринджиден, бу Аетнен джевап бер («Фуссылят» Суреси 46 Аети):

﴿وَمَا رَبُّكَ بِظَلَّامٍ لِلْعَبِيدِ﴾

Манасы: «Аллаh  ич бир шекильде зулум этмей ве Онынъ къулларына къаршы ич бир адалетсизлик япылмай».

Экинджиден, шу Аетни айтып бер («Аль – Бурудж» Суреси 16 Аети)

﴿فَعَّالٌ لِمَا يُريدُ﴾

манасы: «Аллаh  не Истесе оны япа».

Ахиретте Аллаhнынъ Мерхаметинден махрум къалгъан инсанлардан олманъыз, чюнки Къур`анда бойле айтыла («Аль – Анбия`» Суреси 23 Аети)

﴿لاَ يُسْأَلُ عَمَّا يَفْعَلُ وَهُمْ يُسْأَلُونَ﴾

Манасы: «Аллаhны О не ичюн бойле япкъан деп сорамайлар, биз исе, Аллаh бизге берген ниметлерини насыл къулландыкъ, джевап береджекмиз».

Юдже Аллаh буюрды («Аль – Бакъараh» Суреси, 34 Аети):

﴿وَإِذْ قُلْنَا لِلْمَلائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ أَبَى وَاسْتَكْبَرَ وَكَانَ مِنَ الْكَافِرينَ﴾

Манасы: «Аллаh Мелеклерге Адам Пейгъамберни селямламакъ манасында седжде япмагъа эмир эткен (бу седжде, бир тек Аллаhкъа япылмасы ляйыкъ олгъан седжде дегиль). Ве бутюн Мелеклер Адамни селямлап, онъа седжде яптылар. Тек иблис кибирленип, буны япмагъа ред этти ве имансызлардан бириси олды».

Сайгъылы мусульманлар! Шубесиз, ким Аллаhнынъ буюргъанына чорланса ве Аллаhнынъ эмирлеринден мемнюн олмаса, динден чыкъа, яни имансыз ола. Ве бу инсан гъайып бир инсан, онынъ алы пек фенадыр. Бойле асыл да этменъиз! Ич бир вакъыт Аллаhнынъ буюргъанына чорланманъыз, хусусан агъыр алда, яни башынызгъа бир беля я да хасталыкъ кельген вакъыт.

Урьметли мусульманлар! Эгер бу дюнья сонъки сыгъынагъымыз, яни мында япкъан хайыр амеллеримиз ичюн бутюн мукяфатны деръал мында алгъанымыз бир ер олса эди, Пейгъамберлерден ич бириси бу дюньяда чекишмез эди. Амма Пейгъамберлер бу дюньяда эр кестен даа чокъ хорлангъанлар.

Унутманъыз ки, бу фаний дюньядаки яшайышымыз бизим ичюн бир сынав бир имтиандыр, мындаки гъайретлеримиз Ахиретке азырланувдыр. Oмюримиз къыйынлыкъларнен, проблемаларнен ве чешит джазибелернен толу. Бу омюр не бир оюн не де бир эгленджедир, бу омюр, аслында, энъ муим ве энъ джиддий имтиандыр.  Башынызгъа бир ярамайлыкъ кельсе, шу сёзлерни айтынъыз:

إِنَّا ِللهِ وَإِنَّا إِلَيْهِ رَاجِعُونَ

яни: «Керчектен де, эр шейнинъ саиби Аллаhтыр ве керчектен де, биз бу фаний дюньяны терк этип, Къыямет Кунюнде эсабат ичюн топланаджакъмыз». Омюринъизде не къадар сыкъынты я да хорлукъ олса да, ич бир вакъыт Аллаhкъа къаршы чыкъмайып, сабыр этинъиз.

Билинъиз ки, къадерге чорлангъан ве Аллаhнынъ такъдир эткен шейлерге къаршы чыкъкъан инсан ич бир вакъыт озюни тюшкен белядан къорчаламаз, аксине, озь алыны даа бетер этер ве нетиджеде озюни джеhэннемде эбедий джезагъа кетирер.

Амма эгер бир мусульман онъа тюшкен имтианларгъа Аллаh ризасы ичюн сабыр этип даянса ве бу сёзлерини айтса, буюк савап къазана:

الْحَمْدُ ِللهِ عَلَى كُلِّ حَالٍ ِللهِ مَا أَعْطَى وَللهِ مَا أَخَذَ إِنَّا ِللهِ وَإِنَّا إِلَيْهِ رَاجِعُونَ لاَ حَوْلَ وَلاَ قُوَّةَ إِلاَّ بِاللهِ اللَّهُمَّ لاَ تَجْعَلْ مُصِيبَتِي في دِينِي

Манасы: «Эр вакъыт ве эр алда бизге багъышлагъан ниметлер ве берген имтианлар ичюн Аллаhкъа хамд олсун.  Аллаh, эр шейнинъ Хакимдарыдыр. О бизге берген, бизде олгъан ве биз гъайып эткен эр шей Аллаhкъа аиттир. Керчектен де, эр шейнинъ асыл саиби Аллаhтыр ве керчектен де, бу дюньяны терк этип, Къыямет Кунюнде эсабат бермек ичюн топланаджакъмыз. Гуняхтан имае ве Шари`атны кутьмек ичюн къувет  Аллаhтандыр! Диний меселелерде бизни белядан ве янълыштан къорчалай».

Билинъиз ки, сайгъылы мусульманлар, бизим энъ буюк вазифемиз иманымызны сакълап, обир дюньягъа мусульман оларакъ кечмектир. Мытлакъа, Аллаhкъа инанмакъ ве къаршымызгъа чыкъкъан къыйынлыкъ ве беляларны сабырнен къаршыламакъ керекмиз. Керчектен де, Аллаh ясакъ эте ве буюра, факъат, ич кимсе Аллаhкъа эмир этмей ве ясакъ этип оламай! Озюни бильгили ве чокъ шей анълагъан деп сайгъан, амма айны заманда Аллаhнынъ къанунларыны ред эткен инсанлар, озьлернинъ яшайыш маиетини бильмейлер ве не ичюн яратылгъанларыны анъламадылар.

Имам ‘Алий, Аллаh ондан разы олсун, бунынъ акъкъында бойле деди:

مَا لابْنِ ءَادَمَ وَالْفَخْرَ أَوَّلُهُ نُطْفَةٌ وَءَاخِرُهُ جِيفَةٌ

 манасы: «Инсаннынъ кибирленмеси ичюн ич бир себеп ёкъ. Чюнки онынъ башлангъычы бир дамладыр, сонъу исе джансыз бир джесеттир».

Демек ки, инсан ич бир вакъыт озюни юксек тутмасын. Чюнки Аллаhу Та'аля оны тюкюрюкке ошагъан бир дамладан яратты ве эр инсаннынъ сонъу топракътадыр.

Джемаат, эр кесни тенбиллейим! Алынъыз агъыр я да башынъызгъа беля тюшсе биле, ич бир вакъыт ве ич бир алда Аллаhкъа чорланманъыз ве ачувланманъыз. Чюнки бу сизни даа да буюк дертке кетирер, яни имансызлыкъкъа. Эр вакъыт сабырлы олунъыз ве Аллаhкъа умют этинъиз, ин шаАллаh Аллаhу Та'аля къыйынлыкълардан илля бир чыкъыш ёлуны берир.

Аллаh бизге бу дюньянынъ имтианларындан такъвалы мусульманларгъа якъышыр бир шекильде кечмек ичюн кучь-къувет берсин ве гуняхларымызны афу этип, Дженнетке азапсыз кирмеге насип эйлесин.

هَذَا وَأَسْتَغْفِرُ اللَّهَ لِي وَلَكُمْ

-------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات