Центральное духовное управление мусульман - Таврический муфтият - Алкоголь – яманлыкъ ве писликнинъ «тамыры»

Алкоголь – яманлыкъ ве писликнинъ «тамыры»

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه.

أَمَّا بَعدُ عِبَادَ اللهِ، أُوصِيكُمْ وَنَفْسِيَ بِتَقْوَى اللهِ الْعَلِيِّ الْعَظِيمِ

قال الله تعالى في القرآن الكريم ﴿قُل هُوَ الله أَحَد﴾

Юдже Аллаhкъа хамд олсун! Онъа тенъ ве ошагъан ич бир шей ве ич кимсе екъ. О къусурсыз, сынъырсыз, акъылнен тасаввур этильмеген, тараф ве мекян яратылмаздан эвель бар эди.   Аллаhкъа ич бир шей ошамай, О эр шейни эшите ве коре.

Ресуллерден ве Пейгъамберлерден энъ улу, энъ шерефли олгъан Мухаммад Пейгъамберимизге, онданъ эввель олгъан бутюн Пейгъамберлерге, Пейгъамберимизнинъ несилине ве сахабелерине салят ве селямлар олсун.

Екяне Яратыджыгъа такъвалы ве итаатлы олмагъа эр кесни давет этем. Сайгъылы джемаат эр вакъыт Шари‘атны кутьмек ве Ахирет кунюне азырланмакъ керекмиз. Чункю  О кунь акъикъий итикъады олмагъан инсанларгъа бу дюньяда саип олгъанлары : мал, пара ве я балалары артыкъ ярдым этип оламазлар.

Билинъиз, керчектен де, Юдже Аллаh бизге Таухид елуна сарылмагъа, Шари‘атны кутьмеге ве Екяне Аллаhкъа инанмагъа эмиретти.

Юдже Аллаh Къур'ан-и керимде шойле буюрды:

يا أيُّها الَّذينَ ءَامنُوا اتَّقُوا اللهَ حَقَّ تُقَاتِهِ وَلا تَمُوتُنَّ إلا وَأنتمْ مُسْلِمُونَ

Манасы: «Эй, иман эткенлер, Аллаh'нынъ буюргъаны киби такъвалы олунъыз ве иманынъызны ольгендже къорчаланъыз».

Бу Аетте Аллаh бизге фарзларны эда етмеге ве ясакълардан къачынмагъа эмир этти, чюнки анджакъ бу ёлунен обир дюньяда озюмюни къорчалармыз ве анджакъ бу ёл Дженнетке азапсыз кирмемизге себеп олур.

Аллаh ясакъ эткен шейлерден бириси – ичкидир. Урметли дин къарашларым, ички ве ичкиджилик инсанларны боза, къоранталарны виран (разрушает) эте, топлумны айырув ве бербатлыкъкъа кетире. Пейгъамберимиз Мухаммад, ‘алейhиссалям, ичкиджиликнинъ бутюн яманлыгъын ве писликнинъ тамыры олгъаныны айтты.

Аллаh инсанны гузель шекильде яратты ве энъ яхшы чизгилерни берди. Яхшы чизгилерденъ бириси - акъылдыр.

Къур`анда («Ат-Тин» Суресининъ, 4 Аетинде) айтыла,

لَقَدْ خَلَقْنَا الإِنسَانَ فِي أَحْسَنِ تَقْوِيمٍ

Манасы: «Керчектен де, Аллаh инсанны энъ гузель шекильде яратты».

Аллаhу Та’аля инсанларгъа берген энъ буюк вазифелерден бири – озь сагълыгъыны ве джаныны къорчаламакътыр. Ве эр инсан бунынъ ичюн Ахиретте эсабет береджектир. Чюнки инсаннынъ сагълыкъына зарар кетирген шейлер – харамдыр.

Бугунь топлумумыз (общество), бильхасса (особенно, в особенности) яшларымыз - ичкиджилик, уюштуруджу (наркотик) ве дигер ярамай алышкъанлыкъларгъа (привычка) огърагъан. Бу ве бунынъ даин мадделерни (вещество) къулланмакъ динимизде ясакъ, ве харам саиля. Бунынъ харам олгъаныны ред этмек исе Ислям динимизге къаршыдыр.

Юдже Аллаh «Аль-Ма`идаh» Суресининъ, 90 Аетинъде бойле буюра:

يَا أَيُّهَا الَّذِينَ ءامَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ

Mанасы: «Эй, иман эткенлер! Ички, кумар, путлар ве фалджылыкъ шейтандандыр. Булардан узакълашынъыз ве къуртулырсынъыз, бу эписини кесенликле япманъыз».

Мусульмангъа бу Аллаhнынъ эмири етерлидир.

Юдже Аллаh Къур`анда «Аль-Ма`идаh» Суресининъ девамында, яни 91-джи Аетинъде буюрды:

إِنَّمَا يُرِيدُ الشَّيْطَانُ أَن يُوقِعَ بَيْنَكُمُ الْعَدَاوَةَ وَالْبَغْضَاء فِي الْخَمْرِ وَالْمَيْسِرِ وَيَصُدَّكُمْ عَن ذِكْرِ اللهِ وَعَنِ الصَّلاَةِ فَهَلْ أَنتُم مُّنتَهُونَ 

Манасы: «Шейтан ички ве кумар оюнларынен сизинъ аранъызда душманлыкъ ве нефрет даркъата, шейтан Аллаh Адыны унутманъызны ве Намаз къылмакътан вазгечменинъизни истей».

Алкоголь ичкен инсанлар хастаханелерге, апсханелерге тюшелер ве эскерий алларда, бу оларнынъ олюм себеби ола. Ичкиджи инсаннынъ аиле хаяты беля иле хайырсызлыкънен толу. Бойле къоранталарда къавий севги ве фикирдешлик олмай, чюнки ички ичкен адам яшайышна масраф этмеси керек олгъан акъчаларны харамгъа масраф эте. Ичкиджи инсан рухани, юрек, къара джигер, акъджигер, ашкъазан, бюйрек ве дигер хасталыкъларгъа огърай.

Бойлеликнен, ички ве уюштуруджулар - инсан ичюн зеэрдыр, олар инсаннынъ чокъусы органларнынъ табий (обычный, природный) чалышмасына кедер этелер. Ичкен адам намусыны, урьметини, акъыл-фикирини джоя. Ичкиджи инсан озь сагълыгъыны ве озь мулькюни гъайып эте ве топлумгъа зарар кетире.

Керчектен де, бу, яманлыкъ ве писликнинъ тамырыдыр.

Пейгъамберимиз Мухаммад ﷺ, бир хадис-и шерефинъде шойле буюрды:

مَا أَسْكَرَ الْفَرَقَ مِنْهُ فَالْقَلِيلِ مِنْهُ حَرَامٌ

Манасы: «Чокъ микъдарда сархошлаткъан шей, аз микъдарда да харамдыр».

Ракъы, ром, виски, коньяк, вино, ликер, шампанское, пиво, ве уюштуруджы шейлер, яни гашиш, афьен (опиум), героин, морфий, кокаин ве дигеруюштуруджы мадделер – эписи шейтаннынъ пислигидир.

Бойлеликнен сайгъылы мусульманлар: ички ичмек ве уюштуруджы къулланмакъ, бу мадделерни сатмакъ вея сатын алмакъ, оларны япмакъ ве юк оларакъ ташымакъ - харамдрыр, эм де бу мадделерни сатып къазанылгъан акъча да харам ола.

Ондан гъайры харам олгъан шейлерни ашагъан вея ичкен инсанларнынъ янында булунмакъ, озюнъ ичмесенъ биле - ясакътыр. Пейгъамберимиз Мухаммад ‘алейhиссалям бойле япкъанларны лянетледи. Ички иле уюштуруджининъ арасында харам дережеси бакъымынданъ бир фаркъы ёктыр. Уюштуруджы, меселя героинны бир кере биле къуллангъан инсангъа бу уюштуруджуданъ вазгечмек пек къыйын ола. Бойле инсан уюштуруджы багълысы (зависимый) ола.  Уюштуруджи багълысы олгъан сонъ исе инсан бу мадденинъ бир граммы ичун озь къорантасыны да, балларыны да, бабаны да ташлап кетер. Бу инсан уюштуруджы алмакъ ичюн  къырсызлыкъ да япар, адамны да ольдюрер ве башкъа эр анги ярамалыкъны япмагъа азыр ола.

Сайгъылы мусульманлар! Юдже Аллаh инсанларгъа чокъ нимет багъышлады, онынъ ичюн эпимиз Аллаh'къа миннеттар (благодарный) къул олмагъа ве бу ниметлерни энъ яхшы шекильде къулланмамыз керекмиз. 

Аллаhу Та’аля эпимизге омюримизни кереги киби яшамагъа ве ибадетлеримизни кутьмеге насип этсин. Ве тёвбемизни къабул этип гуняхларымызны багъышласын. Юдже Аллаh бизни, балаларымызны ве къоранталарымызны бутюн яманлыкълардан, шер ве гуняхлардан муафаза этсин деп Онъа ду’а` этемиз.

هَذَا وَأَسْتَغْفِرُ اللَّهَ لِي وَلَكُمْ

______________________________________________________________

الْحَمْدُ للهِ رَبِّ الْعَالَمِينَ وَالصَّلاَةُ وَالسَّلاَمُ عَلَى نَبِيِّهِ الْكَرِيمِ وَعَلَى ءَالِهِ وَأَصْحَابِهِ الطَّيِّبِينَ الطَّاهِرِينَ، عِبَادَ اللهِ أُوصِيكُمْ وَنَفْسِيَ بِتَقْوَى اللهِ الْعَظِيمِ

قال الله تعالى ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات