Центральное духовное управление мусульман - Таврический муфтият - Фаний дюнья

Фаний дюнья

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه.

أَمَّا بَعدُ عِبَادَ اللهِ، أُوصِيكُمْ وَنَفْسِيَ بِتَقْوَى اللهِ الْعَلِيِّ الْعَظِيمِ

قال الله تعالى في القرآن الكريم ﴿قُل هُوَ الله أَحَد﴾

Бу дюньяны Озь Къудретинен яраткъан, бизлерге джан ве рызыкъ берген, сынъырсыз, мекянсыз, къусурсыз олгъан Аллаhу Таалягъа хамд-у сеналар олсун! Аллаhнынъ энъ севимли къулы, имамларнынъ имамы, Пейгъамберимиз Мухаммад Мустафа (солляллаhу 'аляйhи уасаллям) ге салят-у селямлар олсун! 
Эй Аллаhнынъ къуллары! Озюме ве сизге даима такъвалы олмагъа насиат этем. Ольюмденъ сонъра эпимиз тирильтеджекмизни ве бу хаятта япкъанларымыз ичюн эсабет береджегимизни унутмайыкъ!!! Ве керчектенде бу дюньяда ярамайлыкълардан къуртулыш, Ахиретте исе аманлыкъ такъвалкыкътадыр!

Сайгъылы мусульманлар! Аллаhу Тааля Къуран-и Керимде, «Аль-Имран» суресининъ 14-юнджи аетинде буюрды:

زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْمُقَنْطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالْأَنْعَامِ وَالْحَرْثِ ۗ ذَٰلِكَ مَتَاعُ الْحَيَاةِ الدُّنْيَا ۖ وَاللَّهُ عِنْدَهُ حُسْنُ الْمَآبِ

Аетнинъ манасы шойле:«Бу гузеллештирген тюрлю ниметлер ве байлыкълар бар: къадын ве балалар, алтын ве кумюшлер, топракъ дамартылары (надел). Аллаhу Тааля Ахиретте ойле бир ниметлерни ваад этти ки, олар бу дюньядаки ниметлеринен тенъештирильмез».

«Ат-Тауба» суресининъ 38-инджи аетинде де шойле айтыла:

يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انْفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ ۚ أَرَضِيتُمْ بِالْحَيَاةِ الدُّنْيَا مِنَ الْآخِرَةِ ۚ فَمَا مَتَاعُ الْحَيَاةِ الدُّنْيَا فِي الْآخِرَةِ إِلَّاقَلِيلٌ

Манасы:«Акъикъаттен бу дюньядаки ич бир зенгинлик Ахиретте оладжакъ олгъан ниметлерге тенъ дегильдир».

Аллаhу Тааля Къуран-и Керимде, «Аль-Имран» суресининъ 185-инджи аетинде буюрды:

كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ

Манасы:«Эр джан олюм леззетинъи тададжакъ ве Эсабет Кунюньде эр кес озь амеллери ичюн джевап береджек».

Сайгъылы мусульманлар! Ким Дженнетни къазанмагъа истесе ве озюни Джехеннем атешинден къорчаламагъа тырышса, о къуртулгъандыр. Керчектен де, бу дюньянынъ зевкълери ве ниметлери инсанны, Ахиретте файда кетиреджек шейлерден узакълаштыра.

Ибн Маджаh ве Аль-Хаким шойле бир вакъианы анълаттылар. Олю бир айваннынъ янындан кечкенде, Пейгъамбер Эфендимиз (солляллаhу аляйhи уасаллям) янында кетенлерден сорады: «Шу олю айван акъкъында не тюшюнесиз?», саиби ичюн бир къыймети бар мы? Онъа джевап бердилер: «Саиби ичюн артыкъ бир къыймети олмагъаны ичюн оны мында ташлагъан». Пейгъамберимиз деди: «Аллаhкъа емин этем, бу хаятнынъ къыймети, шу ольген айваннынъ къыйметинденбиле аздыр». Яни бу хайаткъа чокъ буюк емиет бермемемиз керек.

Сайгъылы джемаат! Аллаh бу дюньяны, эм де Дженнетни яратты. Пейгъамбер Эфендимиз (солляллаhу аляйhи уасаллям) шойле деди:

Манасы: «Бу дюньянынъ ич бир къыймети ёкътыр. Эгер бираз къыймети олса эди, Аллаhу Та'аля имансызларгъа бир тамла сув биле бермез эди».

Урьметли мусульманлар! Имам Муслим ривает эткенине коре, Пейгъамбер Эфендимиз (солляллаhу аляйhи уасаллям) бир Хадис-и Шерифинде шойле буюрды:

Манасы:«Бу дюнья имансызлар ичюн зевкъ еридир, мусульманлар ичюн исе — зиндандыр».

Башкъа бир Хадисинде Пейгъамберимиз шойле деди:

Манасы: «Бу дюньяны севген, Ахиретте озюне зарар кетиреджек; Ахиретни севгенлер исе, бу дюньянынъ къыйынлыкъларына сабыр этип даянсынлар. Сизге Ахиретте файда кетиреджек шейлерни япмагъа тырышынъыз ве вакътынъызны гъайып оладжакъ олгъан шейлерге (бу дюнья зевкълерине) сарф этменъиз».Бу Хадисни Аль-Хаким ривает этти.

Эр инсан зенгинликни ве саип олдугъы ниметлерни догъру масраф этмек керек. Пейгъамбер Эфендимиз (солляллаhу алейhи веселлем) шойле деген эди:

Манасы:«Чокъусы, энъ муим шейлерден узакълашып, серветлерини бюютмеге тырышалар, ве биринджиденъ озь паралары ичюн къасевет этелер. Инсан эеджаннен «Акъчам, акъчам!» деп айта. Пейгъамберимиз девам этти сёзюне: (Эй, инсан!) Ашагъан аштан ве кийген урбаларындан гъайры не алабильдинъ? Ашынъ битти, урбаларынъ йипранды, лякин садакъа оларакъ берген акъчаларынъ Ахиретте санъа файда кетиреджек».БуХадисни Имам Муслим ривает этти.

Сайгъылы мусульманлар!

Иса Пейгъамбер (алейhи селям) деген эди:

Манасы: «Бу хаят копюр кибидир. Онынъ устюнде ерлешмейин, там терси оны тездже кечмеге тырыш».

Нух Пейгъамбер (алейhи селям) 1780 йыл яшап Пейгъамберлер арасында энъ чокъ яшагъан инсан эди. Азраиль Мелеги онынъ джаныны алмаздан эвель, ондан сорады: «Бу хаятны насыл корьдинъ?» Яни: «Бу хаят насыл эди?» Нух Пейгъамбер (алейhисселям) деди: «Бу хаят эки къапысы олгъан бир эв кибидир, бир къапысынданъ кирип экинджисинден чыкъасынъ».

Ривает этильгенине коре, Абу Убейда ибн Джаррах Бахрейнден Мединеге. Пейгъамбер Эфендимизге балабан серветненъ къайтты. Буны эшиткен ансарлар, сабах намазыны Пейгъамберимизнен къылмагъа кельдилер. Намаздан сонъ Пейгъамберимиз, ансарлар Абу Обейданынъ янында топлангъаныны корьди ве тебессюмнен оларгъа айтты: «Мен беллесем, Абу Обейданынъ зенгинлиги акъкъында эшиттинъиз». Ансарлар: «Эбет, эшиттик», дедилер. Пейгъамбер Эфендимиз девам этти: «Динъленъиз ве яхшы этип тюшюнинъиз! Мен сизинъ фукъарелигинъиз ичюн дегиль де, зенгинлигиниз ичюн къасевет этем. Байлыкъ, эвельки умметлерде къавгъая ве анълашамамызлыкъкъа себеп олгъан. Тарихтен ёкъ олгъан ве силинген эввельки умметлер киби байлыкъларны бёлюштирмек ичюн вакътынъызны джойманъыз».

Сайгъылы мусульманлар! Келинъиз, бу дюнья зевкълеринден вазгечип, Ахиретимизге не аладжагъымызны тюшюнюп азырланайыкъ. Къабирге тюшмезден эвель, эсабетимизни ве Ахиретимизни ойляйыкъ. Бутюн мал-мулькимиз, машналар ве акъчалар бу дюньяда къаладжакъ, Ахиретке аладжагъымыз шей исе — бизим амеллеримиздир. Аллаhнынъ эмирлерине уйып арекет этсек, иншааллаh, Дженнетни къазанырмыз, амма Шериаткъа коре яшамасакъ, онынъ джезасыны да Ахиретте кореджекмиз.

Аллаh джумлемизни Къабир азабындан ве Джехеннем атешинден сакъласын, амеллеримизни тек Аллаh ризасы ичюн япмагъа ве Дженнетни къазанмагъа насип эйлесин! Амин!

هَذَا وَأَسْتَغْفِرُ اللَّهَ لِي وَلَكُمْ

______________________________________________________________

الْحَمْدُ للهِ رَبِّ الْعَالَمِينَ وَالصَّلاَةُ وَالسَّلاَمُ عَلَى نَبِيِّهِ الْكَرِيمِ وَعَلَى ءَالِهِ وَأَصْحَابِهِ الطَّيِّبِينَ الطَّاهِرِينَ، عِبَادَ اللهِ أُوصِيكُمْ وَنَفْسِيَ بِتَقْوَى اللهِ الْعَظِيمِ

قال الله تعالى ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات