Центральное духовное управление мусульман - Таврический муфтият - Такъвалыларгъа Аллаh къыйын алларда ярдым эте

Такъвалыларгъа Аллаh къыйын алларда ярдым эте

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه.

أَمَّا بَعدُ عِبَادَ اللهِ، أُوصِيكُمْ وَنَفْسِيَ بِتَقْوَى اللهِ الْعَلِيِّ الْعَظِيمِ

قال الله تعالى في القرآن الكريم ﴿قُل هُوَ الله أَحَد﴾

Аллаhкъа хамд олсун, О бизге ярдым ве бизни афу этсин деп, ду’а` япамыз. Бизни шерден ве яманлыкътан къорчаласын деп, Онъа ялварамыз. Кимге Аллаh Акъикъий елуны берди, ич кимсе оны бу ёелдан айырмаз. Амма кимге Аллаh Акъикъий елуны бермеди, ич кимсе оны къорчаламаз. Аллаh къусурсыз, ич бир шейге ве ич бир кимсеге мухтадж дегиль эм де Онъа бенъзеген екъ.

Шеhадет этем, Аллаhтан башкъа Иляh екъ, Онынъ ортагъы екъ ве Мухаммад Аллаhнынъ къулу ве Пейгъамбери.

Аллаhнынъ къуллары! Такъвалы олмагъа эпинъизни давет этем. Такъвалыкъ – бу фарзларны япмакъ ве гуняхлардан къачынмакътыр.

Къур`анда («Ат-Талякъ» Суреси, 2-3 Аятлери) буюрыла, манасы: «Ким Аллаhтан къоркъса, Аллаh онъа къыйын аллардан бир чыкъыш ёлуны ихсан этер ве онъа бекленильмеген ерден рызыкъ берир. Ким Аллаhкъа ишанса, бу онъа етерлидир. Шубесиз, Аллаh эмирини ерине кетириджидир. Аллаh эр шей ичюн бир ольчю къойгъандыр».

Такъвалыкъ – бу эписи борджуларыны япмакъ ве гуняхтан четлешмек. Ибн ‘Аббас, Аллаh ондан разы олсун, деди: «Такъвалы олгъанларны Аллаh эм бу дюньяда эм де Ахиретте къуртарыр».

Пейгъамбер Мухаммад ‘алейhиссалям бу Аятлерини бир къач кере окъуды.

Къур`анда («Ат-Талякъ» Суреси, 3 Аяти) буюрыла, манасы: «Аллаh такъвалы мусульманларгъа бекленильмеген ерден рызкъ берир». Яни беклемеген ве бильмеген ерден.

Такъвалыкъ эм бу дюньяда, эм Ахиретте къыйын алларда енгилликке себепчи ола. Эм де такъвалыкъ берекет ве мераметке себепчидир. Такъвалыкъ инкишафкъа, котерилювге ве юксек дереджелерге етмеге себепчи ола. Амма гуняхлар эм бу дюньяда, эм Ахиретте къыйынлыкъларнынъ ве берекетсизликнинъ пейда олувына себепчидир.

Базы Ислям алимлери гуняхлар бу дюньяда чокъ къыйынлыкъларнынъ себеби олгъаныны дедилер. Меселя, хасталыкъ, малыны джоюв, берекетсиз ве хайырсыз олалар. Эм де гуняхкярлар инсанларнынъ итибарыны джоя ве онен мунасебетлер токътала. Чокъусы оны корьмеге биле истемейлер ве бойле инсан диний бильгилерини унута.

Сайгъылы мусульманлар! Ич бир заман фарзыны ве уаджибни япмагъа къалдырманъыз эм де гуняхларыны буюк я да кучюк олса биле япманъыз. Ич бир тюрлю денъишмелерден къоркъманъыз ве Аллаhкъа умют этинъиз. Бу акъкъында Къур`анда («Ат-Талякъ» Суреси, 3 Аети) буюрыла, манасы: «Ким Аллаhкъа ишанса, бу онъа етерлидир».

Аллаhкъа теввекюль этмек – бу юрек иле тек Аллаhкъа умют этмектир. Чюнки Аллаh эр шейнинъ Яратыджысы ве О файданы ве зарарыны яратты. Аллаhтан башкъа Яратыджы ёкъ ве тек Аллаh файданы багъышлай ве зарарны ярата.

Имам Ахмад ве дигерлери ‘Умар ибн Аль-Хаттабдан Пейгъамберимизнинъ бойле сезлерини ривает эттилер, манасы: «Эгер сиз керчектен Аллаhкъа тевеккюль этсе эдинъиз, Аллаh сизге къушларгъа багъышлагъан киби рызкъ берир эди. Чюнки къушлар ювадан ач учып чыкъалар ве токъ къайталар. Бу исе къушларгъа кучь дегиль».

Урьметли мусульманлар! Аллаhкъа тевеккюль ве умют этмек – бу рызкъыны къазанмамакъ ичюн тырышмакъ дегильдир. Ибн Хиббан бойле олайны ривает этти: «Бир кере бир инсан Пейгъамбер Мухаммад ‘алейhиссалямгъа бойле деди: «Аллаhкъа тевеккюль этип, девени байламайып, къалдыра билиримми?» Пейгъамбер Мухаммад ‘алейhиссалям бойле джевап берди: «Девени байля ве Аллаhкъа тевеккюль эт».

Тевеккюльнинъ манасы – бу бутюнлей Аллаhкъа умют этюв. Бу эписи Аллаhнынъ къулунен багълы олгъан шей, къулгъа бу эписи мукъаддер этильген.

Имам Аль-Байhакъый базы алимлернинъ бойле сёзлерини ривает этти, манасы: «Къазанмакъ ичюн арекет эт, амма ичинде Аллаhкъа тевеккюль яп. Аллаhнынъ къулу рызкъыны къазангъанда тек озюне умют этсесинъ, эр шейде тек Аллаhкъа умют этсин».

Къур`анда («Ат-Талякъ» Суреси, 3 Аети) буюрыла, манасы: «Ким Аллаhкъа ишанса, бу онъа етерлидир. Шубесиз, Аллаh эмирини ерине кетириджидир. Аллаh эр шей ичюн бир ольчю къойгъандыр».

Аллаh бу дюньяда эр шейни бир ольчю иле яратты ве оларнынъ битмеси бар. Эр шей ичюн бир вакъыт бар, эр шей Аллаhнынъ Ирадеси иле ола. Ич бир шей Аллаh мукъаддер эткен вакъыттан эвель ве сонъ олмай.

Базыларыны ольдюрелер, базылары белягъа огърап олелер, башкъалары къартлыкътан. Эр кес озь вакъытында оле. Эписи Аллаhнынъ Ирадесинен олелер, чюнки Аллаh эр шейнинъ къадерини мукъаддер этти. Кимсе вакъыттан эвель ольмей. Къур`анда («Аль-А‘раф» Суреси, 34 Аяти) айтыла, манасы: «Оларнынъ вакъыты кельген сонъ олар вакъытыны не де узакълаштырып, не де якълаштырып оламайлар».

Имам Ахмад «Муснад» китабында Пейгъамберимизнинъ бойле Хадисини ривает этти, манасы: Бала анасынынъ къарнынъда олгъанда 120 куньден сонъ онъа айры бир Мелек елланыла, о баланынъ къыяфетини япа. Сонъ бу Мелек бу инсан ичюн малюмат яза: о эркек я да, къадын, бахытлы я да бахытсыз, юксек я да алчакъ, сагълам я да сакъат оладжагъыны. Сонъ онынъ яшагъан вакъытыны ве рызкъыны яза. Буны эшиткен бир инсан Пейгъамберимизден сорады: «О заман онынъ амеллерининъ манасы недедир? Чюнки онъа эвельден ер шей язылгъандыр». Пейгъамберимиз бойле джевап берди: «Сиз арекет этинъиз! Ве эр биринъиз неге яратылгъан олсанъыз, анда елланыладжакъсынъыз».

Даа вакъыт ве имкян олгъанда тёвбе этинъиз, тюзелинъиз ве озь хаталарыны эм де къабатыны догъуртынъыз.

Эр кес къуртулыш ве яхшылыкъ ёлунда олсун. Аллаh бизге бахытлыкъ берсин деп, ду‘а` этемиз. Аллаh бу дюньяны бизге мусульман олып ве тёвбе эткенлерден терк этмеге имкян берсин. Яратыджы Ахиретте бизни къорламайып, Дженнетке киргизсин. Сиз ве озь ичюн Аллаhтан афу сорайым.

هَذَا وَأَسْتَغْفِرُ اللَّهَ لِي وَلَكُمْ 
_______________________________________________________________________________________

الْحَمْدُ للهِ رَبِّ الْعَالَمِينَ وَالصَّلاَةُ وَالسَّلاَمُ عَلَى نَبِيِّهِ الْكَرِيمِ وَعَلَى ءَالِهِ وَأَصْحَابِهِ الطَّيِّبِينَ الطَّاهِرِينَ، عِبَادَ اللهِ أُوصِيكُمْ وَنَفْسِيَ بِتَقْوَى اللهِ الْعَظِيمِ

قال الله تعالى ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات