Центральное духовное управление мусульман - Таврический муфтият - Такъвалы олгъанларгъа Аллаh къыйын алларда ярдым эте

Такъвалы олгъанларгъа Аллаh къыйын алларда ярдым эте

الحمد لله ثم الحمد لله، الحمد لله الذي لا مثيل له ولا مشابهَ، خَلَقَ الأكوان بقدرته بلا مساعد، موجودٌ قبل الجهة والمكان سبحانه لا يحدّ ولا يدرك في العقول ولا يتصور في الأذهان، ليس كمثله شيءٌ وهو السميع البصير. والصلاة والسلام على الحبيب المحبوب سيدنا محمد، هادي الأمة وإمام الأئمة وعلى ءاله وصحبه الأخيار وعلى جميع إخوانه النبيين والمرسلين.أما بعد،

عباد الله، أوصيكم ونفسي بتقوى الله العظيم والعمل بالشرع القويم والاستعداد ليوم عظيم يوم لا ينفع مال ولا بنون إلا من أتى الله بقلب سليم. واعلموا أن الله تبارك وتعالى أمرنا بالتمسك بعقيدة التوحيد والوقوف عند حدود الشرع الحنيف

Аллаhкъа хамд олсун, О бизге ярдым ве бизни афу этсин деп, Онъа Ду‘а` этемиз. Бизни шерден ве яманлыкътан къорчаласын деп, Онъа ялварамыз. Кимге Аллаh Акъикъий ёлуны берген, ич кимсе оны бу ёлдан айырмаз. Кимге Аллаh Акъикъий ёлуны бермеген исе, оны ич кимсе догъуртып къорчаламаз.

Шубесиз Аллаhу Та‘аля Къусурсыздыр, О  ич бир шейге ве ич кимсеге мухтадж дегильдир, ве Онъа бенъзеген ич кимсе ве ич бир шей ёкътыр.

Шеhадет этем ки, Аллаhтан башкъа Иляh ёкъ, ве кене шеhадет этем – Мухаммад Аллаhнынъ къулу ве Пейгъамберидир.

Аллаhнынъ къуллары! Озюме ве сизге насиат этем, Аллаhтанъ къоркъунъыз – Онынъ эмирлерини япып харамдан къачынынъыз – бу ел, такъуа ёлыдыр сайгъылы дин къардашларым. Ве билемиз ки, такъвалы инсанларгъа Дженнетке азапсыз киреджеклерине даир Аллаhтан бир вааде этильди.

Ассаляму аляйкум мухтерем динъ къарашларым, бугуньки Хутбемизнинъ мевзусы Такъвалы олгъан инсанларгъа Аллаhу Та‘аля яртым эткенини акъкъында оладжакътыр!!

Къур`анда («Ат-Талякъ» Суреси, 2-3 Аетлеринде) буюрыла: 

﴿وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَىءٍ قَدْرًا﴾

Манасы: «Такъвалы мусульманларгъа, Аллаhу Та‘аля къыйын аллардан бир чыкъыш ёлуны багъышлай ве ич бекленильмеген бир ерден рызкъ бере. Ким Аллаhкъа ишанса, бу – онынъ ичун етерлидир. Шубесиз, ершей Аллаhнынъ Эбедий Истегинен ола (Ирадесинин ола). Аллаh эр шей ичюн бир ольчю къойгъандыр.»

Урметли джемаат Такъвалыкъ – бу, бутюн вазифелерини эда этмек ве бутюн гуняхтан къачынмакъ анламына келе.

Ибн ‘Аббас, Аллаh онданъ разы олсун, деди: «Такъвалы олгъан инсанларны Аллаh эм бу дюньяда эм де обир дюньяда къуртарыр».

Пейгъамберимиз Мухаммад ‘алейhиссалям Абу Зарргъа бу Аетлерини окъугъан сонъ, бойле деген эди:

{يَا أَبَا ذَرٍّ لَوْ أَنَّ النَّاسَ كُلَّهُمْ أَخَذُوا بِهَا لَكَفَتْهُم}

Манасы: «Эй, Абу Зарр, эгер бутюн инсанлар бу Аетте язгъанына табий олсалар, бу олар ичун етерли олыр эди.»

Ве Пейгъамберимиз Мухаммад ‘алейhиссалям бу Аетлерини бир къач кере окъуды.

Бу Хадис-и Шерефинъи имам Ахмад ве имам Аль-Хаким ривает эткенлер.

Къур`анда («Ат-Талякъ» Суреси, 3 Аети) буюрыла:

وَيَرْزُقْهُ مِنْ حَيْثُ لا يَحْتَسِبُ

Манасы: «Аллаh такъвалы мусульманларгъа бекленильмеген ерден рызкъ берир». Яни беклемеген ве бильмеген ерлерденъ.

Такъвалыкъ эм бу дюньяда, эм обир дюньяда къыйын алларда енгилликке себеп ола. Эм де такъвалыкъ берекет ве аманлыкъкъа себеп ола. Бунданъ да гъайры такъвалыкъ – инкишафкъа, котерилювге ве юксек дереджелерге иришувун себепчиси ола. Айны заманынъда гуняхлар эм бу дюньяда, эм обир дюньяда къыйынлыкъларнынъ ве берекетсизликнинъ пейда олувына себеп олалар.

Имам Аль-Хаким, Ибн Хиббан ве башкъа алимлер Пейгъамберимиз Мухаммад ‘алейhиссалямнынъ бойле Хадисини ривает эттилер

إن الرجل لَيُحْرَمُ الرّزْقَ بالذنبِ يصيبُه

Манасы: «Керчектен де, инсан япкъан гуняхларны ичун абаданлыгъындан марум этильмеге акъ ете»

Базы Ислям алимлери бу дюньяда олгъан бир чокъ къыйынлыкъларнынъ, меселя хасталыкъ, малыны джоюв, берекетсизлик киби къыйынлыкъларнынъ себеби япылгъан гуняхларнынъ олгъаныны ачыкълагъанлар. Эм де гуняхкяр инсанлар итибарларыынъы джоялар ве башкъа инсанларнынъ оларгъа къаршы олгъан мунасебетлери бозула. Ве гунях ишлеген инсан саип олгъан дини бильгилерини унута.

Сайгъылы мусульманлар! Ич бир заман фарзыны ве уаджибни ерине кетирмектенъ вазгечменъиз ве ич бир гуняхны, яни не буюк гюнахны неде кучюк гуняхны япманъыз. Ве бу алда ичбир денъишликтенъ къоркъмайып Аллаhкъа умют этинъиз.

Бунынъ акъкъында Къур`анда («Ат-Талякъ» Суреси, 3 Аети) буюрыла:

﴿وَمَن يَتَوَكَّلْ عَلَى اللَّهِ فَهُوَ حَسْبُهُ﴾

Манасы: «Ким Аллаhкъа ишанса, онъа бу етерлидир».

Аллаhкъа теввекюль этмек – бу бутюн юрекнен тек Аллаhкъа умют багъламакътыр урметли мусульманлар. Чюнки Аллаh эр шейнинъ Яратыджысыдыр эм файданы эм де зарарыны тек Аллаhу Та‘алянынъ яраткъанына коре  ола. Файданы багъышлагъан ве зарарны берген тек Аллаhтыр.

Имам Ахмад ве дигерлери ‘Умар ибн Аль-Хаттабдан Пейгъамберимизнинъ бойле сёзлерини ривает эттилер:

لَوْ أَنَّكُمْ تَوَكَلْتُمْ عَلَى اللهِ حَقَّ تَوَكُّلِهِ لَرَزَقَكُمْ كَمَا يَرْزُقُ الطَّيْرَ تَغْدُو خِمَاصًا(أى تخرج في أول النهار وليس في بطونها أكل) وَتَرُوحُ بِطَانًا(أي وترجع إلى أعشاشها وقد امتلأت بطونها) 

Манасы: «Эгер сиз керчектен Аллаhкъа тевеккюль этсе эдинъиз, Аллаh къушларгъа багъышлагъан киби сизге де рызкъ берир эди. Чюнки къушлар сабадан ювадан ач оларакъ учып чыкъалар ве чокъ замет этмеден акъшам юваларанына токъ оларакъ къайталар».

Урьметли мусульманлар! Аллаhкъа тевеккюль ве умют этмек – бу демек дегиль ки эр шейни ташлап озь озынен оладжагъны беклемек сайгъылы мусульманлар. Аксине, рызкъымызны къазанмакъ ичюн элимизден кельгени къадар тырышмакъ керекмиз. Бунъа орнек оларакъ Ибн Хиббанынъ ривает эткен бир Хадис-и Шерефинъи костерейик: «Бир кунь адамлардан бири Пейгъамберимиз Мухаммад ‘алейhиссалямгъа бойле деди: «Аллаhкъа тевеккюль этип, девеми байламайып, къалдырмагъа мумкюн му?» Пейгъамберимиз, ‘алейhиссалям бойле джевап берди: «Девени байля ве Аллаhкъа тевеккюль эт».

Тевеккюльнинъ манасы – бу бутюнлей Аллаhкъа умют этювтыр. Къул озюнен олгъан эршени Аллаh тарафынданъ онъа мукъаддер къылынгъанны биле ве тамамынен озюню Аллаhкъа эманет эте.  

Имам Аль-Байhакъый базы алимлерденъ бойле сёзлерини ривает эткен:

اكتسب ظاهرًا وتوكّلْ باطنًا، فالعبد مع تكسبه لا يكون معتمدًا على تكسبه وإنما يكون اعتماده في كفاية أمره على الله عزّ وجلّ

Манасы: «Къазанмакъ ичюн арекет эт, амма ичинде Аллаhкъа тевеккюль яп. Аллаhнынъ къулу рызкъыны къазангъанда умютни тамамынен къазанылгъанларгъа багъламасынъ, эр шейде асыл умюту Аллаhкъа багълы олмакъ керек».

Къур`анда («Ат-Талякъ» Суреси, 3 Аети) буюрыла,

وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَىءٍ قَدْرًا

Манасы: «Шубесиз, ершей Аллаhнынъ Эбедий Истегинен ола (Ирадесинин ола). Аллаh эр шей ичюн бир ольчю къойгъандыр».

Аллаh бу дюньяда эр шейни бир ольчю иле яратты, яни эршейнинъ сынъыры ве сонъу бардыр. Ве эр шейнинъ озь вакъты бар, эр шей Аллаhнынъ бунъа Эбедий Ирадесиненъ тайын эткен вакъытта ола. Яни алемде олгъан эр шей Аллаhнынъ мукъаддер эткен вакъыттан эвель ве я мукъаддер олунгъан вакъытанъ кеч олмай, эр шей там да олмакъ керек олгъан вакъытта ола сайгълы мусульманлар.

Базы инсанлар ольдюрульмектенъ вефат этелер, базылары къазагъа огърап олелер, башкъалары къартлыкътан кечинелер. Амма эр кес озъ олюмюнен ве озь вакъытында оле.

Олардан эр бири Аллаhнынъ Ирадесинен оларгъа такъдир этильген вакъытта бу дюньядан айрылалар. Мында дикъкъатли олманызны истийим сайгъылы мусульманлар – Ич бир инсан вакъытынданъ эвель ольмей.

Къур`анда («Аль-А‘раф» Суреси, 34 Аети) айтыла,

فَإِذَا جَاءَ أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُونَ

Бу аетнинъ манасы: «Вакъытлары кельген сонъ олар бир саат къадар биле бу вакъытыны не узакълаштырып, не де якълаштырып оламайлар».

Имам Ахмад «Муснад» китабында Пейгъамберимизнинъ бойле Хадисни ривает этти, манасы:

«Бала анасынынъ къарнында 40 кунь девамынъда дамла оларакъ осе, къыркъ кюнь кечкен сонъ бу дамла денъише ве бир къан уюшыгъы киби ола ве бу шекильде даа къыркъ кунь кече ве о буюк чайнангъан сагъызгъа ошагъан бир шей киби ола, сонъра кемиклери пейда олмагъа башлай. Баланынъ тишкъы корунышнынъ пейда олмакънынъ вакъты кельгенде онъа айры бир Мелек ёлланыла, ве бу мелек баланынъ тышкъы корунышны япа. Сонъ бу Мелек бу инсан акъкъында  малюмат яза:  эркек я да, къадын оладжакъ, бахытлы я да бахытсыз , узун бойлы я да алчакъ, сагълам я да сакъат оладжагъыны, онынъ яшагъан вакъытыны ве рызкъыны яза».

Буны эшиткен бир инсан Пейгъамберимизден сорады «Эгер онъа эвельден ер шей язылгъан исе О заман онынъ амеллерининъ манасы недедир?» Пейгъамберимиз бойле джевап берди: «Сиз арекет этинъиз! Эр биринъиз неге яратылгъан олса, онъа ёнельтиледжек».

Сайгъылы мусульманлар ич биримиз не вакъыт оледжегини бильмей, ве не къадар  вакътымыз къалды Аллаhтанъ башкъа ич кимсе бильмей. Онынъ ичун вакътымыз ве имкянынъыз олгъанда япкъан гюнахларымызданъ тёвбе этип хаталарымызны ве къабаатларымызны тюзельтейик.

Аллаhтан эпимиз ичун хидает, бахт ве савлыкъ тилийим. Ду‘а` етем ки Аллаhу Та‘аля джумлемизге бу дуньядан иман саиби оларакъ ве товбенен айрылмагъа ве Ахирет Кунюньде бизлерни къуртарып Дженнетке азапсыз кирмеге насип эйлесинъ.