Аллаhкъа тевеккюль этмек ве фалджылыкътан сакъынмакъ

Категория: Джума хутбеси Просмотров: 1554

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد.أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Юдже Аллаhкъа хамд олсун! Онъа тенъ ве ошагъан ич бир шей ёкъ. Аллаh кяинатны ич бирисининъ ярдымынен яратты. Эбедий Яратыджыгъа хамд олсун, О къусурсыз, сынъырсыз, акъылнен тасавур этильмеген, тараф ве мекян яратылмаздан эвель бар эди. Аллаhкъа ич бир шей ошамай, О эр шейни эшите ве коре.

Ресуллерден ве Пейгъамберлерден энъ улу, шерефли олгъан Мухаммад ‘алейhиссалям ‘Абдуллаhнынъ огълуна салят ве селям олсун. Ве эписи онынъ несилине ве сахабелерине де селямлар олсун. Эм де башкъа бутюн Пейгъамберлерге салят ве селям олсун.

Екяне Яратыджыгъа такъвалы ве итаатлы олмагъа эр кесни давет этемиз. Эр вакъыт Шари‘атны кутьмек ве Ахирет кунюне азырланмакъ керек. Шу куню акъикъий итикъады олмагъан инсанларгъа мал, пара ве балалары ярдым этип оламазлар.

Шеhадет этем, Аллаhтан башкъа Иляh ёкъ, Онынъ ортагъы ёкъ. Аллаh ич кимсеге ве ич бир шейге мухтадж дегиль.

            Сайгъылы мусульманлар! Юдже Аллаh бизге тек Онъа тевеккюль этмеге эмир этти. Мукъаддес Къур`анда («Ат-Тагъабун» Суреси, 13Аетте) бойле айтыла:

اللَّهُ لَا إِلَٰهَ إِلَّا هُوَ ۚ وَعَلَى اللَّهِ فَلْيَتَوَكَّلِ الْمُؤْمِنُونَ

Манасы: «Аллаhтан башкъа Иляh ёкъ ве мусульманлар тек Аллаhкъа тевеккюль этсинлер.»

Урьметли мусульманлар! Аллаhкъа тевеккюль этмеге, бизим борджумыздыр. Яни бу озюни бутюнлей Аллаhкъа теслим этмектир. Чюнки Аллаh эр шейнинъ Яратыджысыдыр. Аллаh эм файдасыны эм де зарарыны яратты ве бу акъкъында ич бир кимседе шубе олмамакъ керек. Эгер мусульман бунъа пек инанса, нетиджеде о, озюнъ рызкъыны, сагълыгъыны ве дигер шейлерни Аллаhкъа теслим этер. Бу акъта онынъ юреги ич шубеленмейджек. Бунъа тевеккюль дейлер.

Буюк алим Джунайд Аль-Багъдадий бойле деди:

التوكل هو تركُ الاعتماد الحقيقيِّ على غيرِ الله

Манасы: «Тевеккюль – бу Аллаhтан гъайры башкъа ич бир кимсеге акъикъий теслим этмемек.» Онынъ ичюн ким бойле япса, озюни гунахлардан къорчалар.

Сиир этмек, фалджылыкъ япмакъ, астрологиянен огърашмакъ ве оларгъа бармакъ ­ гунахтыр.

Аль-Хаким Пейгъамбер Мухаммаднынъ ﷺ бойле Хадисни ривает этти:

مَنْ أَتَى كَاهِنًا أَوْ عَرَّافًا فَصَدَّقَهُ بِمَا يَقُولُ فَقَدْ كَفَرَ بِمَا أُنْزِلَ عَلَى مُحَمَّدٍ

Манасы: «Ким фалджыгъа барды ве онынъ айткъанына инанды, о, Пейгъамбер Мухаммадгъа ﷺ эндирильгенини ред этти.»

            Онынъ ичюн ким фалджыгъа, миллетимизде «китап ача» деген инсанларгъа ве бу киби ишнен огърашкъанларгъа барса, эм де оларнынъ гизли шейлер акъкъында хабердар олгъанына инанса, бойле адам Аллаhкъа ве Онынъ Пейгъамберине инанмай, чюнки гизли шейлерни Аллаhтан гъайры ич кимсе бильмей.

            Юдже Аллаh Къур`анда («Ан-Намль» Суресинде,  65 Аетте) бойле буюра:

قُلْ لَا يَعْلَمُ مَنْ فِي السَّمَاوَاتِ وَالْأَرْضِ الْغَيْبَ إِلَّا اللَّهُ ۚ وَمَا يَشْعُرُونَ أَيَّانَ يُبْعَثُونَ

Манасы: «Коклерде ве ерде олгъанлар гизли шейлерни бильмейлер, гизли шейлерни тек Аллаh биле.»

            Фалджыларгъа барып, онынъ айткъан сёзлери керчектен оладжакъ я да олмайджакъ деп тюшюнсе, бу инсан имансызлыкъкъа тюшмей. Амма фалджыгъа баргъаны ичюн гунах къазана.

            Сайгъылы мусульманлар! Джиннлер арасынла Мелеклернинъ лафларыны сакъланып динълегенлер бар. Аллаh Мелеклерге базы шейлер акъкъында хабер бере. Меселя, йыл девамында ким догъаджакъ, ким оледжек, ким хасталанаджакъ, кимге не къысмет оладжакъ ве бойле киби шейлер. Джиннлер буны эшитип, ерге тюшелер ве оларнен багъ туткъан инсанларгъа айталар. Бу инсанлар исе буны адамларгъа айталар. Аллаh Мелеклерге, Пейгъамберлерге эм де эвлияларгъа айры бир бильги бере.

            Базы фалджылар ольген инсанларнынъ рухларыны чагъырамыз деп айталар, амма акъикъатен олар джиннлерни чагъыралар ве джиннлер инсанларны имансызлыкъкъа эм де янълышкъа кетирелер. Керчектен де, такъвалы инсанларнынъ рухлары бу фаний дюньягъа къайтмагъа ич истемейлер. Кяфирлернинъ рухлары азап Мелеклернинъ элиндедир ве олар бу рухларны ич йибермейлер. Онынъ ичюн бу фалджылар о инсанны бильген джиннни чагъыралар ве бу джинн алдатып, бойле айта: «Мен фелян адамнынъ руху олам.» Кимерде джиннлер озьлерини санки Шариʻатны кутелер деп косьтерелер, амма озьлери Шариʻаткъа къаршы олгъан шейлерни япалар.

            Аллаh бизни бойле шейден сакъласын.

            Урьметли мусульманлар! Инсаннынъ омюринде агъыр вакъытлар ола, амма акъикъий мусульман къыйын алларда Аллаhкъа даа чокъ ибадет ве тевеккюль эте. Зайыф мусульман исе ясакъ шейлернен огърашмагъа башлай ве фалджыларгъа эм де оларгъа ошагъан инсанларгъа бара. Эгер инсан сиирнен огърашмагъа мумкюн я да бу хайыр иш деп инанса, о имансызлыкъкъа тюше, чюнки бу киби ишлернен огърашмагъа динимизде ясакътыр. Сиир – бу ярамай арекетлерни ве сёзлерни амельге кечирмек, оларнынъ арасында шайтан ярдымынен япылгъан арекетлер я да шайтанны юксельткен сёзлер. Базы инсанлар адамларгъа ярамайлыкъ олсун деп, къоранта бозулсын я да онъа ошагъан башкъа сиир чешитлерини япалар. Шу себептен адамлар хасталаналар, базылары олелер.

            Кимерси инсанлар шайтаннынъ разылыгъыны къазанмакъ ичюн Къур`аннынъ Аетлерини сийдикнен язалар. Бойле япмакъ имансызлыкътыр. Эгер инсан имансызлыкъкъа тюшсе, шайтан ичюн бу буюк гъалебедир. Шайтаннынъ достлары базы Къур`аннынъ Аетлерини сиир символларнен берабер язалар ве инсанлар бу Къур`андан деп саялар я да Къур`ан озю сиир олгъанына инаналар. Керчектен де, Къур`ан сиир дегильдир. Ве онынъ ичинде бойле киби шейлер ёкъ. Онынъ ичюн бойле киби кягъытларны корип, алданманъыз. Аксине, Мукъаддес Къур`ан сиирге къаршыдыр эм де Къур`ан сиирден тедавийлей.

Сиир бу ярамай иш ве онен не де Пейгъамберлер, не де эвлиялар огърашмадылар.

Пейгъамбер Мухаммад ﷺ айтты:

لَيْسَ مِنَّا مَنْ تَكَهَّنَ أَوْ تُكُهِّنَ أَوْ سَحَرَ أَوْ سُحرَ لَهُ

Манасы: «Фалджылыкънен ве сиирнен огърашкъанлар эм де оларгъа баргъанлар арасында такъвалы мусульманлар олмайджакъ.» Яни бойле арекет буюк гунахкъа кетирер. Базы вакъытларда имансызлыкъкъа тюшюре.

Бир сиирни башкъа сиирге къаршы япмагъа мумкюн дегиль. Сиирден къорчаланмакъ ичюн «Аль-Фалякъ» ве «Ан-Нас» Сурелерини эр саба ве эр акъшам учер кере окъумакъ керек.

Мухтерем мусульманлар! Озь якъынларгъа ве къорантанъызгъа дикъкъатлы олунъыз. Оларгъа диний бильгилерни огретинъиз, чюнки оларда бойле бильги олса, олар ич бир вакъыт фалджыларгъа ве оларгъа ошагъанларгъа бармазлар. Олар не элял, не харам билирлер ве Шариʻаткъа къаршы олгъан шейлерни япмазлар.

Аллаh бизге хайыр багъышласын ве яманлыкътан къорчаласын.

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات