Хаджгъа барувнынъ къаиделери

Категория: Джума хутбеси Просмотров: 496

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

     

    Башлангъычсыз, сонъсуз ве Екяне Яратыджыгъа хамд олсун. Аллаh бизге иман, акъикъий дин багъышлады ве керчекни янълыштан айырмакъ ичюн акъыл берди. Аллаh бизге Озь Рахметинен Къурейшитлерден Пейгъамбер Мухаммад, `алейhиссалямны ёллады! О ‘Аднан къабиледен олып, сонъки Пейгъамбердир. Ве бутюн алемге Рахмет оларакъ берильди. Пейгъамбер Мухаммад, `алейhиссалям яхшылыкъкъа ве хидаетке давет этти. Мухаммад, `алейhиссалям Бир Аллаhкъа инанмакъ ве Аллаhнынъ Шари‘атыны кутьмеге огретти. О Аллаhкъа ортакъ къошмамагъа, путларгъа ве башкъа яратылгъанларгъа ибадет этмемеге давет этти.

Шеhадет этем, Аллаhтан башкъа Иляh ёкъ ве шеhадет этем, Мухаммад Аллаhнынъ Ресули. О эписи адамларгъа ве джиннлерге йиберильди. Бизим Пейгъамберимизге ве башкъа эписи Пейгъамберлерге саллят ве селям олсун. Эм де Пейгъамбер Мухаммад, `алейhиссалямнынъ сахабелерине де селям олсун.

Сайгъылы мусульманлар! Такъвалы олунъыз. Аллаhнынъ эмирлерини япынъыз ве гунахлардан сакъынынъыз.

         Урьметли мусульманлар! Мубарек Зуль-Хидджаh айына якъынлаштыкъ. Ким Аль-Харам ве Пейгъамбер Мухаммад `алейhиссалямнынъ джамисине бармагъа истесе, Хадж, ʻУмрени насыл япмагъа керек олгъаныны дерслерге къатнап огренсин.

         Сайгъылы мусульманлар! Сербест ве чареси олгъан мусульманин-мукялляф ичюн Хаджгъа бармакъ фарздыр. Хаджны догъру ве тамамынен япкъаннынъ кучюк ве буюк гунахлары багъышлана. Амма бу магъфиретке улашмакъ ичюн бойле шартлар мытлакъ япылмалы:

– савабы тек Аллаhтан аладжагъына самимий ниети олмалы;

– имансызлыкънынъ эписи чешитлеринден къорчаланмакъ;

– буюк гунахлардан къорчаланмакъ;

– Аль-Ихрам алында олгъанда джинсий мунасебеттен къачынмакъ;

– Хаджгъа айырылгъан пара халял ёлнен, яни Шариʻат боюнджа къазанылгъан олмалы.

         Урьметли мусульманлар! Энди Хаджнынъ рукюнлери акъкъында айтайыкъ, чюнки олар япылмаса, Хадж къабул олунмаз (бу рукюнлер Шафий месhебине коре):

دَخَلْتُ فِي عَمَلِ الحَجِّ

манасы: «Мен Хаджны япмагъа ниетлендим».

         Дин къардашларым! Хаджны япкъанда рукюнлерден гъайры даа уаджиблер де бар. Меселя: Аль-Микъат деген ерде Ихрамны киймек (бу ерни кечмеден Ихрамны киймек, бу ерни Пейгъамбер Мухаммад тайин этти). Бундан гъайры «Ар-Рамий» – ʻакъабаh къуюгъа таш атмакъ эм де Ат-Ташрикънынъ учь куньлеринде ташчыкълар атмакъ. Ташчыкъларны бирер-бирер атмакъ керек, олар къуюгъа тюшсинлер деп. Юкъарыда айтылгъан уаджиблерни япмагъан инсаннынъ Хаджы къабул олуна, амма о гунах къазана, онынъ ичюн фидья бермек керек.

         Сайгъылы мусульманлар! Бильмек керек ки, Мукъаддес шеэрлерде Мекке ве Мединеде авджылыкъ япылмаз ве осюмликлерни йыртмагъа ясакътыр. Меккеде бойле япылса, фидья бермек керек, Мединеде исе берильмей.

         Билинъиз, урьметли дин къардашлар, Хаджнынъ бутюн къаиделерини бильмек ичюн бу хутбе етерли дегильдир. Онынъ ичюн Хаджгъа бараджакълар оджалардан дерс алмалы. Чюнки Къыямет куню Хаджы къабул олмагъан инсан къасеветте булунаджакъ.

         Бизге ве якъынларымызгъа Хаджны ерине кетирмеге Аллаh бизге насип этсин. Озюм ве сиз ичюн Аллаhтан афу сорайым.