Центральное духовное управление мусульман - Таврический муфтият - Мевлюд-и Шериф – яхшы бир янъылыкъ

Мевлюд-и Шериф – яхшы бир янъылыкъ

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Бу алемни яраткъан, ич кимсеге ве ич бир шейге мухтадж олмагъан Екяне Яратыджымызгъа хамд олсун, Аллаh бутюн нокъсанлыкъларданъ мунеззехтыр, О, эр шейни корен ве эшитендир.

Бизим Пейгъамберимизге ве ондан эввель олгъан бутюн Пейгъамберлерге солят ве селямлар олсун! 

Мухтерем мусульманлар! Озюме ве сизге насиат этем, Алла́hтан къоркъунъыз, Онынъ эмирлерини япып, харамдан къачынынъыз. Эр ерде ве эр алда такъвалы ве медений инсан олынъыз, амеллеринъиз даима Пейгъамберимизнинъ огретувуне уйгъун олсын. Бу – Ахирет Кунюне энъ яхшы азырлыкътыр, ве эбедий азаплардан къуртулув ёлудыр.

Мухтерем мусульманлар! Бизим севгили Пейгъамберимизнинъ догъдугъы ай, яни мубарек Раби’уль-аууаль айы башланды!

"Мевлют" сёзю арапчада "догъув" манасыны ташый. Шари’атымызда исе бу сёз Пейгъамберимизнинъ догъувы ве бунен багълы кечирильген мерасимлернинъ анъламына келе.

Мухаммад, ‘аляйhиссалям, Юдже Аллаhнынъ сонъ Пейгъамбери эди. О, Раби’уль-аууаль айнынъ 12 геджесинъде Фииль йылынъда догъды! Пейгъамберимизнинъ давети саесинъде Ислям муждеси бутюн Дюньягъа даркъатылды!

Адет узьре мусульманлар Маулид-и Шериф мерасимлерни бутюн Раби’уль-аууаль айнынъ девамында кечирелер, лякин бирчокъ мусульман миллетлетнинъ йыл бою япылгъан эранги диний топлашувында Маулид-и Шерифни кечирмеге адети бар.  Пейгъамберимизнинъ заманынъда мусульманлар Маулид мерасимлерини кечирмей эдилер, бу адисени кутьлевий бир шекильде къутлама адети hиджретнинъ 7 асырда Ирбиль укьюмдары Музаффар тешеббюсиненъ башланды. Музаффар кърал олмакънен берабер такъва саиби ве о заманнынъ мешур бир Ислям алими эди. Дигер алимлер бу янъылыкъна къол тутуп Маулид мерасимлерерге къатылгъанлар атта бу мерасимлерде иштирак эткенлер. О замандан берли Маулид-и Шериф мерасимлерини кечирмек ананеси бутюн Дюньягъа даркъатылды. Фаркълы улькелерде чешит-тюрлю тиллерде ислям алимлери Пейгъамберимизни макътагъан шиир шеклинде метинлерни язгъанлар. Бизим вакътымызда да мусульманлар бу шиирлерни Мевлюд-и Шериф мерасимлеринъде окъуйлар. 

Мевлюд-и Шериф кечирме адети бутюн мусульманларнынъ ортакъ урф-адети олгъанына бакъмайып базы сектантлар бунъа къаршы чыкъып ясакъламагъа тырышалар. Маулид-и Шерифнинъ энъ буюк душманы ваххаби сектасыдыр. Маулид-и Шерифнинъ бир янъылыкъ олгъаны эсас алып онъы ред этелер, чюнки бутюн янъылыкъларны олар ярамай ве янълышлыкъ оларакъ саялар. Хальбуки (лякин) Шери'атымызгъа коре бутюн янъылыкълар – яхшы янъылыкъ ве ярамай янъылыкъ оларакъ эки чешитке айырылалар. Бунынъ испатыны эм Къур`ан-и Керимде эм Пейгъамберимизнинъ Хадислеринъде эмде ильк Халифелернинъ япкъан ишлеринъде коремиз.

Меселя «Aль-Хадид» суресинъде 'Иса Пейгъамбернинъ хаварилери ''раhбанийя'' адлы бир янъылыкъ кирсеткенлери акъкъында анълатыла. ''раhбанийя'' – бу суфийликнинъ айры бир тюридир, о мусульманлар тена бир ерде яшап хеляль къылынгъан зевкълерденъ (яни эвленмектенъ, дюльбер ве паалы урбаларданъ, яхшы ве леззетли ашларданъ) биле вазгечерек омюрлернинъи ибадетле кечире эдилер. Пейгъамбер 'Иса оларгъа буны япмагъа эмретмеген ве Инджильде бу олмасада олар буны япкъанлар ве Аллаhу Та'аля оларны макътагъан, «Аль-Хадид» суресининъ, 27 аетинъде шойле буюрыла: 

وَجَعَلْنَا فِي قُلُوبِ الَّذِينَ اتَّبَعُوهُ رَأْفَةً وَرَحْمَةً وَرَهْبَانِيَّةً ابْتَدَعُوهَا مَا كَتَبْنَاهَا عَلَيْهِمْ إِلاَّ ابْتِغَاء رِضْوَانِ اللَّهِ

Манасы: "Аллаh 'Иса Пейгъамбернинъ хауарилернинъ юреклерини шефкъат ве мерхаметненъ толдурды. Раhбанияны олар озьлери кирсеткенлер – Аллаh оларгъа буны япмагъа эмретмеди. Олар буны Аллаhнынъ разлыгъыны къазанмакъ ичюн япкъанлар".

Пейгъамберимизнинъ Хадислеринъде де яхшы янъылыкъларнын бар олгъанына даир делиллерни коремиз. Имам Муслим "Сахих" адлы китабында шойле бир Хадисни ривает эте:

مَنْ سَنَّ فِي الإِسْلامِ سُنَّةً حَسَنَةً فَلَهُ أَجْرُهَا وَأَجْرُ مَنْ عَمِلَ بِهَا بَعْدَهُ مِنْ غَيْرِ أَنْ يَنْقُصَ مِنْ أُجُورِهِمْ شَيْءٌ وَمَنْ سَنَّ فِي الإِسْلامِ سُنَّةً سَيِّئَةً كَانَ عَلَيْهِ وِزْرُهَا وَوِزْرُ مَنْ عَمِلَ بِهَا مِنْ بَعْدِهِ مِنْ غَيْرِ أَنْ يَنْقُصَ مِنْ أَوْزَارِهِمْ شَيْءٌ

Манасы: "Ислямгъа яхшы бир шей кирсеткен инсан бу иш ичюн севап къазана, эгер башкъа мусульманлар бу ишни япсалар оларнынъ севабыны эксильтмеден бу ишни ильк башлагъан кене севап къазана. Лякин Ислямгъа ярамай бир шей кирсеткен инсан бу иш ичюн гунах къазана, эгер башкъа инсанлар бу ишни япсалар оларнынъ гунахыны эксильтмеден бу ишни ильк башлагъан кене гюнах къазана".

Бу Хадистен Пейгъамберимизнинъ озь умметине эки чешит янъылыкънынъ бар олгъаныны огреткенини коремиз:

Ярамай янъылыкълар, яни Къур`ангъа ве Хадислерге къаршы кельген

Яхшы янъылыкълар, яни Къур`ангъа ве Хадислерге келишкен           

Пейгъамберимизнинъ сахабилери ве оларнынъ девамджылары бир чокъ янъылыкъ кирсеткенлер ве бу янъылыкълар мусульманлар тарафынданъ къабул этильди. Базы яхшы янъылыкъларны ильк Халифелер кирсеткенлер:

Биринджи Халифе Абу Бакр Ас-Сыддыкъ бутюн Къур`аннынъ метинлерини бир китапкъа (Мусхаф) топламагъа эмир эткен. Пейгъамберимизнинъ заманында мусульманлар Къур`ан-и Керимни эзберден огренеэдилер, базы аятлар исе тери парчаларында ве башкъа мадделернинъ узеринъде язылгъан эди. Абу Бакр Къур`ан-и Керимни къорчаламакъ ичюн бутюн метинлерни бир китапкъа топламагъа эмир эткен ве бу фаалиет анджакъ учюнджи Халифенинъ ‘Усман ибн ‘Аффаннынъ заманынъда тамамлангъан.

Экинджи Халифе ‘Умар ибн Aль-Хаттаб биринджи оларакъ инсанларны Тарауих Намазны къылмакъ ичюн бир ерде топлап бир имамнынъ аркъасына къылмагъа башлагъан ве бунын акъкъында шойле айткъан:

نِعْمَتِ البِدْعَةُ هَذِهِ

яни бу яхшы бир янъылыкътыр, чюнки бунданъ эввель мусульманлар Тарауих намазны айры айры къыла эдилер.

Учюнджи Халифе ‘Усман ибн ‘Аффан Джума намазында окъулгъан экинджи Азанны кирсетти. Бу азан Аз-Зуhр намазнынъ вакъты кельгенде окъула, ве джума намазнынъ Хутбеси биразданъ окъуладжагъынынъ анъламына келе.

Дёртюнджи Халифенинъ укюмдарлыгъында Къур`ан-и Керимнинъ метинлери язылгъанда иль сефер нокъталар ве харакятлар къулланмагъа башланды, буны Яхъя ибн Я‘мар адлы Ислам алими япкъан ве бу янъылыкъ Къур`ан-и Керимни окъумагъа ве эзберлемеге къолайлаштырды.

Бешинджи Халифе ‘Умар ибн ‘Абдуль-Азизнинъ укюмдарлыгъында мусульманлар джамилерде михрапларны ве минарелерни къурмагъа башлагъанлар. 

Бу шекильде Исламда бир чокъ яхшы янъылыкъын бар олгъаныны коремиз. Акълымызгъа шойле бир суаль келе, Маулид-и Шерифни бир янъылыкъ де ред эткенлер, бу янъылыкъларны ред этмийлер?! Бундан да гъайры олар бу янъылыкларны озьлери де къулланалар, меселя Намаз такъвимлери - бу янъылыкъ aнджакъ 300 йыл эввель пейда олды, олар бу янъылыкъны къулланалар ве хатта бу такъвимлерни басып даргъаталар! 

Сайгъылы мусульманлар! Акъикъат ёлунданъ сапкъан сектанларгъа озлеринъизни шашыртмагъа имкян берменъиз! Олар яхшы янъылыкъ олгъан Маулид мерасимини ред этим, озьлери исе Ислам огретувуны денъиштирип ярамай бир янъылыкъ кирсеткенлер ве бунынъ ичюн Ислям дининденъ чыкъкъанлар. Янълыш олгъан итикъатларыны исе Ислям буюк алимлернинъ огретувуне дегиль де озь сахте алимлерине таяндыралар.

Аллаhу Та’аля бизге Пейгъамберимизнинъ ёлунен кетмеге кучь-къувет берсин. Бизим диний бильгилеримизни арттырсын ве Пейгъамберимиз Мухаммадны ’алейhиссалям эм де башкъа бутюн Пейгъамберлерни даа чокъ севмеге насип этсин. Аллаh иманымызны къавийлештирсин ве бу дюньяны мусульман олып, терк этмеге багъышласын деп Онъа дуʻа` этемиз.

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات