Центральное духовное управление мусульман - Таврический муфтият - Пейгъамберимизнинъ догъувы

Пейгъамберимизнинъ догъувы

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Аллаhкъа  хамд олсун, О бизге ярдым этсин ве бизни афу этсин деп, Онъа ду’а` этемиз. Бизни шерден ве яманлыкътан къорчаласынъ деп, Онъа ялварамыз. Кимге Аллаh Акъикъат ёлуны берсе, ич кимсе онъы бу ёлдан шашыртмаз. Амма кимге Аллаh Акъикъат ёлуны бермесе, ич кимсе оны догъуртамаз. Аллаh къусурсыздыр, Аллаh ич бир шейге ве ич кимсеге мухтадж дегиль ве Онъа ошагъан ич кимсе ве ич бир шей ёкътур.

Шеhадет этем, Аллаhтан башкъа Иляh ёкъ, Онынъ ортагъы ёкъ ве Мухаммад Аллаhнынъ къулу ве Пейгъамберидир. Ресуллерден ве Пейгъамберлерден энъ улу ве шерефли олгъан Мухаммад ‘Абдуллаhнынъ огълуна салят ве селям олсун. Несилине, сахабелерине ве бутюн Пейгъамберлерге де салят ве селям олсун.

Аллаhнынъ къуллары! Такъвалы олмагъа эпинъизни давет этем. Такъвалыкъ недир? Такъвалыкъ – бу бутюн фарзларны ерине кетирип, гунахлардан къачынмакътыр.

Бутюн йыл сабырсызлыкънен беклегенимиз Мубарек Раби'уль-Аууаль айы якъынлашты. Бу ай девамында мусульманлар Пейгъамберимизнинъ догъувына къуванып бунен багълы мерасимлери кечирелер.

Пейгъамбер Эфендимиз, солляллаhу 'аляйhи уа саллям, Мекке шеернинъ Сукъ Аль-Ляйль махаллесинъде Дюньягъа кельди. О Къурайш адлы арап къабилесининъ алидженап (яни зинадан пак олгъан) союндан кельмектедир. Пейгъамберимизнинъъ шеджереси Пейгъамбер Иброhимнинъ огълу Исма'иль Пейгъамберденъ башлана. Анасы – Амина бинт Уаhб Раджаб айнынъ биринджи геджесинъде хамиле къалды ве хамилелигинен берабер тюрлю тюрлю аляметлерни корьмеге башлады: этрафында мелеклернинъ Аллаhкъа зикир эткенлерини эшитти, бир мелекнинъ шойле айткъаныны дуйгъан:

هَذَا نُورُ السَّيِّدِ الرَّسُول

Манасы: "Бу Пейгъамбер Эфендининъ нурыдыр".

Су алмакъ ичюн къуюгъа якълашкъанда Пейгъамберимизге олгъан урьметинъден долайы къуюдаки су юкселе эди. Хамилелик девамында, яни докъуз ай боюнджа эр ай оны буюк Пейгъамберлерденъ бири зиярет этип юрегининъ янында Аллаhнынъ энъ эйи къулуны ташыгъаныны хабер эте эдилер. Аминайы зиярет эткен Пейгъамберлер шунларды: Адам, Шис, Идрис, Нух, hуд, Ибраhим, Исма'иль, Муса ве 'Иса.

Догъум сырасында исе онъа 4 мюбарек къадын ярдым эте эдилер – 'Имран къызы Марьям, Ибраhим Пейгъамбернинъ апайы Сара, Исма'иль Пейгъамбернинъ анасы hаджар ве фиравунун апайы Асия. Оларнынъ келишинен Аминанынъ ялынъызлыкъ къасиветлери кечти. 

Пейгъамбер Эфендимиз, Филь йылында дюньягъа кельди. О йыл Йемен укюмдары Абраhа Меккейи запт этип Ка'абейи ёкъ этмеге истеди, амма Аллаhнынъ Къудретинен Абраhанынъ ордусу мюджизевий бир шекильде ёкъ олуп кеткен ве Мекке шеери зулумденъ къурулды.

Пейгъамберимиз догъгъанда Онен берабер ойле нур чыкъты ки мешрикътенъ магърибе къадар эршени айдынлатты. Пейгъамберимиз догъар догъмаз къолларына тайанып юкъары бакъты. О кулер юзлю ве ''суннетли'' оларакъ догъгъан. Онын догъгъан кунюньде атешке тапкъан путперестлернинъ 1000 йыл девамында янгъан атешы сонген. Кисра адлы Фарс къыралынынъ тахты къалтрады ве онынъ салонында буюк ондерт балкон йыкъылды. 

Сайгъылы дин къардашларым! Асырлар девамында мусульманлар бу адисени къутламакъ ичюн топланалар. Бу мюбарек айында мусульманлар Пейгъамберимизнинъ омрюни анълаталар, Къур'ан, зикир ве соляуатлары окъуйлар. Аллаhу Та'аля Пейгъамберимиз акъкъында Къур'ан-и Керимде шойле буюрду:

وَإِنَّكَ لَعَلَى خُلُقٍ عَظِيمٍ

Манасы: "Акъикъаттен сен, улу ве иззетли ахлякънинъ саибисинъ".

Аллаhу Та'аля эпимизге Пейгъамберимизни юджельтмеке эмир этти. Къур'ан-и Керимде айтылгъан (Аль-А'раф суресининъ 157 аетте)

فَالَّذِينَ آمَنُوا بِهِ وَعَزَّرُوهُ وَنَصَرُوهُ وَاتَّبَعُوا النُّورَ الَّذِي أُنزِلَ مَعَهُ ۙ أُولَٰئِكَ هُمُ الْمُفْلِحُونَ

Манасы: "Иман этип заферинъде дестек олгъанлар ве онынъ ёлунданъ кетип Онъа урьмет косьтергенлер – Ахирет Кунюньде бахтиярлар".

Инсанлар бир ерде топланып Пейгъамбер Эфендимизнинъ догъувыны къутламакъ ичюн мерасим кечиргенде – бу хайырлы бир амельдир.

Маулид-и Шериф мерасимини кечирмеге биринджиси ирбиль къыралы Музаффар башлады. О, мусульманларны топлар эди ве олар Пейъамберимиз акъкъында икяелер, шиирлер окъуй эдилер. Бутюн ислам алимлери ве такъвалы мусульманлар бу янылыкъны тасдикъ эткенлер ве буны япкъаны да макъдадылар.

Маулидни ред эткенлернинъ тюшюнджеси исе иджмая къаршы келе, чюнкю ич бир ислам алими яхшы бир янылыкъ япылгъанда къаршы чыкъмагъан. Алимлер бу мевзуда бир агъыздан тасдикълайлар, - эки чешит янылыкъ бар : яхшы янылыкъ ве ярамай янылыкъ. Бу нетиджеге Пейгъмберимизнинъ шу Хадис-и Шерефинъе даянып кельгенлер:

مَنْ سَنَّ فِي الإِسْلامِ سُنَّةً حَسَنَةً فَلَهُ أَجْرُهَا وَأَجْرُ مَنْ عَمِلَ بِهَا بَعْدَهُ مِنْ غَيْرِ أَنْ يَنْقُصَ مِنْ أُجُورِهِمْ شَيْءٌ وَمَنْ سَنَّ فِي الإِسْلامِ سُنَّةً سَيِّئَةً كَانَ عَلَيْهِ وِزْرُهَا وَوِزْرُ مَنْ عَمِلَ بِهَا مِنْ بَعْدِهِ مِنْ غَيْرِ أَنْ يَنْقُصَ مِنْ أَوْزَارِهِمْ شَيْء

Манасы: "Ислямгъа яхшы бир шей кирсеткен инсан бу иш ичюн севап къазана, эгер башкъа мусульманлар бу ишни япсалар оларнынъ севабыны эксильтмеден бу ишни ильк башлагъан кене севап къазана. Лякин Ислямгъа ярамай бир шей кирсеткен инсан бу иш ичюн гунах къазана, эгер башкъа инсанлар бу ишни япсалар оларнынъ гунахыны эксильтмеден бу ишни ильк башлагъан кене гюнах къазана".

Сайгъылы мусульманлар! Исламгъа къаршы кельген сёзлерденъ сизни тенбиелемеге истийим. Базы инсаналар Пейгъамбер Эфедимизнинъ инсан олмагъаныны ве нурдан яратылгъаныны айталар, бу сёзлер Къур'ангъа къаршы келелер, чюнки бир аетте айтыла (Аль-Кяhф суреси, 110 ает):

قُلْ إِنَّمَا أَنَا بَشَرٌ مِثْلُكُمْ يُوحَى إِلَيَّ

Манасы: "Айт: мен тыпкъы сизнинъ даин бир инсаным ве Манъа вахий йиберильди".

Базылары исе Пейгъамберимизнинъ Аллаhнынъ яраткъан биринджи махлюкъ деп беллийлер, бу яландыр сайгъылы джемаат! Ве бу итикъатларны алмагъа олмай. Чюнки Аллаhу Та'аля Къур'ан-и Керимде буюрды:

وَجَعَلْنَا مِنَ الماءِ كُلَّ شَىْءٍ حَيّ

Манасы: "Аллаh джанлы олгъан эр шейни сувдан яратты".

Пейгъамбер Эфендимиз буюрды ки:

مَا خَلَقَ اللهُ شَيْئًا مِمَّا خَلَقَ قَبْلَ الماء

Манасы: "Аллаh сувны яратмаздан эввель ич бир шей яратмагъан".

Аллаhу Та'аля эпимизге омрюмизнинъ сонъуна къадар акъикъат ёлунда олмагъа ве япкъан гунахларымызны багъышлап Дженнетке азапсыз кирмеге насип эйлесин Амин!

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات