Центральное духовное управление мусульман - Таврический муфтият - Хайыр амеллерге ве Аллаhкъа этильген итаатлыкъкъа ынтылув

Хайыр амеллерге ве Аллаhкъа этильген итаатлыкъкъа ынтылув

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Керчектен, энъ гузель шукюр сёзлернен, Къудрет саиби олгъан, Аллаhкъа мураджаат этемиз. Оны биз тазим этемиз, Аллаh бизге ярдым этсин, даима акъикъий ёлдан кетмеге насип эйлесин деп, Онъа Дуʻаʼ этемиз ве бизлерге бутюн ниметлер бергени ичюн озь тешеккюрлеримизни бильдиремиз.

Аллаhкъа хамд ве шукюрлер олсун. Тек Онъа ибадет этемиз, Ондан ярдым ве япкъан гунахлар ичюн афу сораймыз. Аллаh бизни ярамай амеллеримизнинъ шерринден къорчаласын деп, Онъа ялварамыз. Кимге Аллаh hидаетни багъышлагъан олса, бир кимсе оны шу ёлундан чыкъарып оламаз, амма кимге акъикъий ёлдан кетмеге къысмет этмеген олса, бир кимсе онъа hидаетни берип оламаз.

Ресуллерден ве Пейгъамберлерден энъ улу, энъ шерефли олгъан Мухаммад ‘алейhиссалям Пейгъамберимизге, ондан эвель олгъан бутюн Пейгъамберлерге, Пейгъамберимизнинъ несилине, сахабелерине ве оларнынъ ёлундан кеткенлерге салят ве селямлар олсун.

Шеhадет этем ки, Аллаhтан башкъа иляh ёкъ. Керчектен, Онъа ошагъан ёкъ, Онъа тенъ олгъан ёкъ, Онда куньдеши ёкъ, бир кимсе Онъа къаршы турып оламай. Аллаh ич бир шейге ошамай, О эр шейни эшите ве коре.

Шеhадет этем ки, яратылгъанлардан энъ севгили бизим Пейгъамберимиз Мухаммад, аляhиссалям, Аллаhнынъ къулу ве Ресулидир. Ресуллерден ве Пейгъамберлерден энъ улу, энъ шерефли ве сонъу олгъан Одыр.

Мухтерем дин къардашларым! Биз эпимиз Аллаhнынъ къулларымыз. Эр кесни такъвалы олмагъа давет этем! Раббининъ эмирлерини ерине кетиринъиз ве гунахларындан узакълашынъыз!

Къурʼанда бойле айтылгъан («Аль ‘Имран» Суреси, 102 Ает):

يَا أَيُّهَا الَّذِينَ ءَامَنُواْ اتَّقُواْ اللَّهَ حَقَّ تُقَاتِهِ وَلاَ تَمُوتُنَّ إِلَّا وَأَنتُم مُّسْلِمُونَ﴿

Манасы: «Эй, иман эткенлер! Аллаhтан къоркъунъ (яни Аллаhнынъ эмирлерини ерине кетирмеге ве ясакъларындан къачынмагъа) арекет этинъ ве анджакъ мусульман оларакъ джан беринъ».

Къурʼанда бойле айтылгъан («Аль-Бакъараh»Суреси, 110 Ает):

﴾وَمَا تُقَدِّمُواْ لِأَنفُسِكُم مِّنْ خَيْرٍ تَجِدُوهُ عِندَ اللَّهِ هُوَ خَيْرًا وَأَعْظَمَ أَجْرًا﴿

Манасы: «Озюнъиз ичюн япкъан эр эйиликтен Аллаhтан мукяфатны алырсынъыз. Сизинъ япкъанынъыздан Аллаh Озь Рахмети иле бундан даа гузель ве даа чокъ савапларны берир».

Азиз мусульманлар! Акъикъатен, Ислям – Юдже Диндир. Къудрет саиби олгъан Аллаh Ислямда бизлерге файда кетирген шейлерни бу дюньяда ве Ахиретте бахтына ве мувафакъиетке иришмек ичюн бутюн керекли олгъан шейлерни берди.

Улу Пейгъамберимиз, аляhиссалям, мусульман джемиетте къавий мунасебетлерни къурмакъ ичюн буюк дикъкъат айыра эди.  Мухаммад, аляhиссалям, ана-бабаларгъа гузель мунасебетте олмагъа, сой-сопларнен алякъаларны узьмемеге, хасталарны зиярет этмеге давет эте эди. Бу даима муим бир меселедир, чюнки шимди Ислям динини бильмеген ве онынъ къанунларыны кутьмеген джемиетни коремиз. Бойле джемиет къавий дегиль, бу киби джемиетте айле азалары арасында бозгъунлыкъ пейда ола. Яшлар буюклерни ве ана-бабаларны динълемейлер. Яш къыз белли яшына еткен сонъ ана-бабаларны сёзлерини тутмайып, оларнынъ фикирлерине къулакъ асмайып, оларнынъ эвинден чыкъып, истеген адамнен яшай ве истеген шейлерни япа. Айны шейлерни яш йигитлер де япалар. Догъмуш агъа-къардашлар бир-бирини кореджек козьлери ёкъ. Яшлар догъмуш эмджесини, дайысыны биле танымайлар. Эвли апай озюне ашнасыны ве ойнашыны къыдыра. Эвли акъай четте озюне башкъа апайларнен харам мунасебетлерни тапмагъа истей. Бу эписи айленинъ ве джемиетнинъ бозулмасына нетиджеде исе мемлекетнинъ зайыфлыгъына эм де гайып олгъанына алып бара. Ве юкъарыда къайд эткен шейлерге тёвбе япмагъанлар Ахиретте дешетли джезагъа ляйыкълар. Бу эписи Пейгъамбер Эфендимизнинъ ‘алейhиссалям ёлундан узакълашкъан себептен ола.

Сайгъылы муминлер! Керчектен, бизим Пейгамберимиз ‘алейhиссалям хайыр амеллерни япмагъа ве бу меселеде тешеббюс косьтермеге чагъыра эди. Пейгъамберимиз, бизни озь вакътымызны ибадетлер, хайыр ишлер, салих амеллер ичюн, мухтадж олгъан кишилерге ярдым къолуны узатмакъ ичюн кечирмеге давет эте эди. Пейгъамберимиз Мухаммад, аляhиссалям, бойле деди:

بَادِرُواْ بِالْأَعْمَالِ الصَّالِحَةِ

Манасы: «Хайыр амеллерни япмагъа ашыкъынъыз».

Урметли джемаат! Севгили Пейгъамберимиз Мухаммад, ‘алейhиссалямнынъ огреткенлерине даима риает этмеге яхшы шей дегильми?! Эльбет, бу эр вакъыт айры бир дикъкъаткъа ляйыкъ. Бунынъ ичюн хасталарны зиярет этмеге, къорлукъ чеккенлернинъ къасеветлерини такъсим этмеге, факъыр-фукъарелерге ярдым этмеге, мухтаджларгъа ве белягъа огърагъанларгъа ярдым элини узатмагъа керек.

Этрафкъа, чевре-четке бакъынъыз! Бельки, бизим арамызда, бахтсыз, фукъаре, мухтадж, гъам-къасевет чеккен, оксюз олгъан сойлар ве тул къадынлар бардыр? Эм де эр кес озюне дикъкъат этсин! Бельки, озюмиз я да бизим арамызда бай олгъан, факъыр-фукъаре ве мухтаджларгъа ярдым эте биледжек сойлары бардыр?

Пейгъамберимиз Мухаммад, аляhиссалям, деди ки:

لَا تَحْقِرَنَّ مِنَ الْمَعْرُوفِ شَيْئًا وَلَوْ أَنْ تَلْقَى أَخَاكَ بِوَجْهٍ طَلِقٍ

Манасы: «Кулеръюзьли иле дин къардашыны къаршыламакъ киби хайыр амель олса да, ойле яхшы ишлерини япмагъа тырышынъыз». Бу Хадисни  имам Муслим ривает этти.

Аллаh эпимизге берекетни берсин деп, такъвалы олгъанларындан эйлесин деп, япыладжакъ ишлеримиз япкъан ишлеримизден даа яхшы олсун деп ве озь омюримизни хайыр амеллернен битирмеге насип эйлесин деп, Онъа мураджаатта булунамыз. Аллаh эпимизге эм бу дюньяда, эм Ахиретте бахытлы олмагъа къысмет этсин!

Бу сёзлернен эм озю ичюн, эм сизлер ичюн Аллаhтан афу сорайым.

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات