Иляве Намазлар

Категория: Джума хутбеси Просмотров: 3340

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. 
أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه: 
﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾ 

Аллаhкъа хамд олсун, О бизге ярдым ве бизни афу этсин деп, Онъа ду’а` этемиз. Бизни шерден ве яманлыкътан къорчаласын деп, Онъа ялварамыз. Кимге Аллаh Акъикъат ёлуны берди, ич кимсе оны бу ёлдан шашыртмаз. Амма кимге Аллаh Акъикъат ёлуны бермеди, ич кимсе оны къорчаламаз. Аллаh къусурсыз, ич бир шейге ве ич кимсеге мухтадж дегиль ве Онъа бенъзеген ич кимсе ёкъ.

Шеhадет этем, Аллаhтан башкъа иляh ёкъ, Онынъ ортагъы ёкъ ве Мухаммад Аллаhнынъ къулу ве Пейгъамберидир. Ресуллерден ве Пейгъамберлерден энъ улу ве шерефли олгъан Мухаммад ﷺ ‘Абдуллаhнынъ огълуна салят ве селям олсун. Несилине, сахабелерине ве бутюн Пейгъамберлерге де салят ве селям олсун.

Аллаhнынъ къуллары! Такъвалы олмагъа эпинъизни давет этем. Такъвалыкъ – бу фарзларны ерине кетирмек ве гуняхлардан къачынмакътыр. Аллаhу Та’аля Къур`ан-и Керимде шойле буюрды:

﴿يَاأَيُّهَا الَّذِينَ آمَنُوا ارْكَعُوا وَاسْجُدُوا وَاعْبُدُوا رَبَّكُم وَافْعَلُوا الخَيْرَ لَعَلَّكُم تُفْلِحُونَ﴾

Манасы: "Эй иман эткенлер. Руку’а япынъыз ве тиз чёкюп Аллаhкъа седжде япынъыз ве Онданъ гъайры ич кимсеге ибадет этменъиз. Яхшылыкъ япынъыз - бельки бу яхшылыкъ къуртулувынызнынъ себеби оладжакътыр".

Аллаhу Та’аля Онъа ибадет этмеге ве бизлерге фарз къылынгъан эр шейни эда этмеге эмир этти. Пейгъамберимизге Аллаhкъа ве Ресулюне олгъан иманданъ сонъра энъ яхшы амель недир деп  сорулгъанда, Пейгъамбер Эфендимиз шёйле джевап берген:

الصَّلَاةُ لِوَقْتِهَا

Манасы: "Вакътында къылынгъан Намаздыр".

Къыямет Кунюньде эр инсангъа биринджиденъ соруладжагъы шей, бу онынъ Аллаhкъа ве Пейгъамберине олгъан иманы акъкъында оладжакътыр. Бутюн фарзларданъ исе биринджиденъ Намаз акъкъында соруладжакъ. Аллаhу Та’аля куньде 5 кере Намаз къылмагъа эмир эткен, ве бу Намазларны керек олгъаны киби эда эткен инсанлар Къыямет Кунюньде бахтияр оладжакълар. 

Бунынъ ичюн сайгъылы дин къардашларым инсаннынъ эр алда ве эр вазиетте, яни яхшылыкъта ве къыйынлыкъта, къуванчта ве дертли олгъан вакъытта япаджагъы энъ догъры шей бу Аллаhкъа бойсунып намаз къылмакътыр. Чунки инсан Намаз къылгъанда Аллаhу Та’аляны юджельте ве Онъа олгъан миннеттарлыгъыны косьтере. Пейгъамбер Эфендимиз къыйын алларда, я да къасеветте олгъан вакъытта Намаз къыла эди, ве бу Намаз саесинде къасеветы кече юреги исе севинчнен тола эди. Бунын акъкъында О шейле деген эди:

وَجُعِلَتْ قُرَّةُ عَيْنِي فِي الصَّلَاةِ

Манасы: "Манъа Намаз сырасында айры бир севинч иссетмеге багъышланды".

Акъикъаттен Пейгъамбер Эфендимиз фарз олгъан 5 Намаздан гъайры, иляфе (яни фарз олмагъан) Намазларны къылмагъа севе эди. Пейгъамбер Эфендимиз Рауатибу Аль-Фарад (фарз Намазлардан эввель ве сонърасында къылынгъан иляве Намазлар) Намазларны эвде къыла эди. Бунын акъкъында Хадисинъде шёйле буюрыла:

أَفْضَلُ الصَّلَاةِ صَلَاةُ المَرْءِ فِي بَيْتِهِ إِلَّا المَكْتُوبَة

Манасы: "Фарз олгъан намазларданъ гъайры къылынгъан Намазлар (яни иляве Намазлар) эвде къылынса даа яхшы олур".

Умм Хубайбаh'танъ шёйле сёзлери ривает этиле: "Эшиттим ки Пейгъамбер эфендимиз бойле айткъан:

مَنْ صَلَّى اثْنَتَيْ عَشْرَةَ رَكَعَةٍ فِي يَوْمٍ وَلَيْلَةٍ بُنِيَ لَهُ بِهِنَّ بَيْتٌ فِي الجَنَّةِ

"Кунь ичинде 12 рекя'ат къылгъанына, бу себебинен Дженнетте эв къурыладжакъ".

Бунданъ башкъа Умм Хабибаhданъ шунларда ривает этиле: "Эшиттим ки Пейгъамбер Эфендимиз шунлары айткъан, манасы: ''Уйле Намазынданъ эввель 4 рекя'ат ве уйле Намазынданъ сонъра 4 рекя'ат къылан инсаннын вуджюдыны Аллаhу Та'аля  Джеhеннем ичюн язакъ этер".

Ибн ‘Умардан ривает этильген Хадисте Пейгъмберимиз шойле буюра:

رَحِمَ اللهُ امْرَأً صَلَّى قَبْلَ العَصْرِ أَرْبَعًا

Манасы: "Йа Рабби Икинды Намазындан эввель 4 рекя'ат къылгъанына рахмет эйле".

Сайгъылы джемаат! Пейгъамберимизнинъ ду’а` окъугъан кишилернинъ арасында олмакъ истемей синъиз ми?

Сабах Намазнынъ 2 ракя’ат иляве Намазы акъкъында исе шойле бир Хадис-и шериф бардыр:

رَكْعَتَا الفَجْرِ خَيْرٌ مِنَ الدُّنْيَا وَمَا فِيهَا

Манасы: "Сабах Намазнынъ вакътында иляве оларакъ къылынгъан 2 ракя’ат – бутюн бу омюрденъ ве ичинъде олгъан эр шейден даа яхшыдыр".

Гедже, иляве оларакъ окъунгъан Намазы акъкъында исе имам Муслим шойле Хадисни ривает эте:

أَفْضَلُ الصَّلَاةِ بَعْدَ الفَرِيضَةِ صَلَاةُ اللَّيْلِ

Манасы: "5 фарз Намазынданъ сонъра энъ эйи Намаз – бу гедеже къылынгъан Намаздыр".

Сайгъылы дин къардашларым! Эпимиз яхшы этип бир тюшюнейик, куньде не къадар вакътымызны Аллаhкъа ибадетнен кечиремиз не къадарыны исе иште, фильм бакъып, яда отурып бош олгъан сохбетлернен кечиремиз? Эр биримиз неге омрюни харджангъаныны яхшы тюшюнсинъ! Чюнки вакъыт кече, ве кечкен кюньлеримизни ве афталарымызны бир даа кериге алып оламамыз. Озюме ве эркесге насиат этем, эгер Пейгъамберимизге ве сахабелерине бакъып олардан орнек алып омрюмизни кечирсек Къыямет Кунюньде иншааллаh бахтлы олгъанларнынъ арасында олурмыз!

Бу сёзлернен хутбеми битирип эпимиз ичюн Аллаhтан 'аф ве мерхамет сорайым!

 هَذَا وَأَسْتَغْفِرُ اللَّهَ لِي وَلَكُمْ 
------------------------------------------------------------------------------------------------------------------- 
إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حبيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ. 
واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا 
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد 
اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات