Энъ яхшысы – Аллаhкъа ве Онынъ Ресулине иман этмек

Категория: Джума хутбеси Просмотров: 1866

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

        

Кяинатнынъ Раббине, эр шейни яраткъан ве къулларыны Ахиретте тирильткен, Екяне Аллаhкъа хамд олсун. Аллаh ич бир шейге ве ич бир кисеге мухтадж дегиль. Биз исе, Онъа мухтаджмыз. Аллаh бизим гуняхларымызны афу этсин, бизге Рахмет багъышласын ве бизни къорчаласын деп, ду‘а этемиз. Аллаh чокъ мусульманларнынъ гуняхларыны афу эте. Яратыджы кяфирлерге ве базы гуняхкяр мусульмангъа шиддетли азап береджек. Керчектен де, кимге Аллаh иман багъышлады, о бахытлы ве эйиликтедир. Амма кимге Аллаh акъикъий ёлуны бермеди, о бахытсыз ве онынъ алы пек мушкюльдир.

Аллаh гизли ве айдын-ачыкъ олгъан эр шейни биле. Аллаh истеген эр шейни япа ве ич кимсе, О буны не ичюн япа деп, Ондан сорамай. Бизден исе соруладжакъ ве биз япкъан амеллеримиз ичюн джевап береджекмиз. Бизден эр ким хайыр япкъанда, тек озюне файда кетире, эм де яманлыкъ япкъанда, тек озюне зарар кетире. Керчектен де, Аллаh Адалетли ве ич кимсени зулум этмей. Озюнинъ Рахметинен кимге истесе, онъа мукяфат багъышлай. Ве Адалети иле джезалай ве сынав бере. Аллаh Пейгъамбер Мухаммад, ‘алейhиссалямгъа Рахмет ве улулыкъ багъышласын. О бизни яхшылыкъкъа, хидаетке, Аллаhнынъ эмирлерини япмагъа давет этти. Пейгъамбер Мухаммад, ‘алейhиссалям мусульманларгъа мукяфат ваде олгъаныны ве олар Дженнетке киреджегини къуванчлы хабер бильдирди. Эм де кяфирлер ве тёвбе этмеген гуняхкяр мусульманлар ичюн джеhэннемде азап оладжагъыны тенбилледи. Ресуллерден ве Пейгъамберлерден энъ улу олгъан Мухаммад, ‘алейhиссалям ‘Абдуллаhнынъ огълуна салят ве селям олсун. Ве эписи онынъ несилине ве сахабелерине де селямлар олсун. Эм де башкъа бутюн Пейгъамберлерге салят ве селям олсун. Эпинъизни такъвалы олмагъа чагъырам. Яратыджынынъ эмирлерини къылынъыз ве гунях япманъыз. Аллаh бизни къорчаласын!

         Юдже Аллаh Къурʼанда бойле деди,

﴿ يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ ﴾

манасы: «Эй, иман эткенлер! Такъвалы олунъыз ве садыкъ олгъанларнынъ арасында олунъыз».

         Билинъиз ки, сайгъылы мусульманлар, такъвалыкънынъ эсасы – бу Аллаh акъкъында билюв ве Онъа иман этюв, эм де Аллаhнынъ Ресули акъкъында билюв ве онъа иман этюв. Керчектен де, бу биринджи фарз эм эписинден энъ муим ве яхшысыдыр.

         Имам Аль-Бухарий деди ки, Пейгъамбер Мухаммад ‘алейhисаллямдан насыл амель даа яхшы деп, сорагъанда о бойле джевап берди: манасы, энъ яхшы амель – бу Аллаhкъа ве Онынъ Ресулине имандыр.

Имам Аль-Бухарий передал, что когда Пророка Мухаммада, мир

         Шубесиз, энъ яхшы амель – Аллаhкъа ве Онынъ Ресулине иман. Ве бу эр шейнинъ темели, онсыз хайыр амеллер сайылмай.

 «Аллаhкъа иман – бу Аллаhнынъ бар олгъанына шубесиз ве къавий иман этювдир. О бар ве башкъа барлыкъларгъа бенъземей. О беден дегиль ве оларгъа бенъземей. О колем дегиль ве колеми олгъанларгъа бенъземей. Аллаhкъа джысым ве яратылгъанларнынъ аляметлери (арекет, раатлыкъ, лезет, къокъу. тюс, айырылмасы, къошма ве дигер) аит дегиль. Бу аляметлер джысым дегиль ве олар тек яратылгъанларгъа аит. Аллаh буларгъа ошамай. Аллаh бар ве кяинатта олгъанларгъа ич бенъземей.»

Аллаh Къурʼанда озю акъкъында бойле деди,

﴿ لَيْسَ كَمِثْلِهِ شَيْءٌ وَهُوَ السَّمِيعُ الْبَصِيرُ ﴾

манасы: «Аллаhкъа ич бир шей бенъземей ве о эр шейни эшите ве коре».

Мусульман алимлери имам Ахмад ибн Хамбаль, имам Зун-Нун Аль-Мисрий иман акъкъында бойле дедилер,

وَمَهْمَا تَصَوَّرْتَ بِبَالِكَ فَاللَّهُ بِخِلَافِ ذَلِكَ

манасы: «Акъыл иле тасавур этильген ич бир шейлерге Аллаh ошамай.»

         Эм де азиз Ахмад Ар-Рифаʻий деди,

غَايَةُ الْمَعْرِفَةِ بِاللَّهِ الْإِيقَانُ بِوُجُودِهِ تَعَالَى بِلَا كَيْفٍ وَلَا مَكَان

манасы: «Аллаh акъкъында эсас бельги – бу Аллаhнынъ шекильсиз ве мекянсыз бар олгъанына къавий итикъаттыр». Яни адамнынъ Аллаh акъкъында энъ буюк акъыл хазинеси – бу Аллаh бар олгъанына ве башкъа барлыкъларгъа бенъземегенине къавий итикъаттыр.

         Аллаhнынъ Сыфатлары энъ азаматлы, Олар тек Аллаhкъа аит олгъан азаматлыкъны ве мукеммеликни косьтере. Аллаhнынъ Сыфатлары яратылгъанларнынъ сыфатларына ве кейфиетлерине ошамай. Аллаh бар ве мекянда ер алмай эм алты тарафларнынъ ич бирисине мухтадж дегиль. О мекянсыздыр. Бу эписи Аллаhкъа акъикъий имандыр.

         «Ресульге иман» бу сёзлернинъ манасы бойле: инсан Мухаммад ‘алейhисаллям Аллаhнынъ Ресули олгъанына шубесиз ве къавий инанмакъ керек. Эм де Аллаhтан кельген бутюн вахийлерни хабер этювде садыкътыр. Аллаhнынъ Ресули эр шейде акъикъий эди. Яни эгер о озь даветинде акъикъий олмагъан олса, Аллаh онъа муджизелерни бермез эди. Аллаh Пейгъамбер `алейhиссалямны яратты ве о керчекни айтсын деп эмир этти. Аллаh Пейгъамбер `алейhиссалямгъа бу киби чизгилернинъ саиби олмагъа насип этти: сыдыкъ, зекий акъыл, керчеклик, акъылане, имансызлыкътан, кучюк ве буюк гуняхлардан къорчаланув.

         Бизим севгили Пейгъамберимиз Ислямгъа давет этти, яни башкъа Пейгъамберлернинъ даветини девам этти. Чюнки Ислям – бу бутюн Пейгъамберлернинъ динидир. Ислям – бу Аллаh къабул ве кутьмеге эмир эткен екяне диндир. Чюнки джеhэннемде эбедий азаптан къорчалув бу Аллаhкъа ве онынъ Пейгъамберине имандыр.

         Юдже Аллаh Къурʼанда бойле деди,

﴿ وَمَنْ لَمْ يُؤْمِنْ بِاللَّهِ وَرَسُولِهِ فَإِنَّا أَعْتَدْنَا لِلْكَافِرِينَ سَعِيرًا ﴾

 манасы: «Ким Аллаhкъа ве онынъ Пейгъамберине инанмаса, о кяфирдир ве Аллаh кяфирлерге джеhэннемде атеш азырлады, онен олар эбедий азап аладжакълар».

Эм де Юдже Аллаh Къурʼанда бойле деди,

﴿ إِنَّ الَّذِينَ كَفَرُوا لَنْ تُغْنِيَ عَنْهُمْ أَمْوَالُهُمْ وَلَا أَوْلَادُهُمْ مِنَ اللَّهِ شَيْئًا وَأُولَئِكَ أَصْحَابُ النَّارِ هُمْ فِيهَا خَالِدُونَ ﴾

 манасы: «Керчектен де, кяфирлерни джеhэннем азабындан не де оларнынъ зенгинлиги, не де балалары къуртарып оламаджакълар. Аллаh оларны обир дюньяда джезаладжакъ ве олар джеhэннемде эбедий азап чекеджеклер.»

Аллаh иманымызны къуветлештирсин, бильгилеримизни чокълаштырсын ве ибадетлеримизни гузеллештирсин. Аллаh бизге бу дюньяны иманлы оларакъ терк этмеге ве обир дюньяда Дженнетке азапсыз кирмеге насип этсин.

         Сайгъылы мусульманлар! Диний бильгилер – бу нур, эм де бахыт ве къорчалув ёлудыр. Алим ве азиз инсан ʻАбдуль-Кадир Аль-Джиляний шайтанны насыл енъгени акъкъында бир олай бар. Бир кунь ʻАбдуль-Кадир Аль-Джиляний гедже намазыны къылгъанда, онынъ огюнде ярыкъ ышыкъ шекилинде шайтан пейда олды. Бу ышыкъ онъа бойле деди: «Эй, ʻАбдуль-Кадир Аль-Джиляний мен сенинъ Иляhинъ ве сенинъ эписи гуняхларыны багъышлайым ве бутюн фарзлардан сени бошатам. Энди сен намазларыны къылмагъа меджбур дегильсинъ».

ʻАбдуль-Кадир Аль-Джиляний онъа бойле деди: «Ёкъ ол, лянет олгъан шейтан!» Ондан сонъ ышыкъ ёкъ олды, амма бу сес айтмагъа девам этти ве деди: «Мен шейтан олгъанымны сен насыл бильдинъ?»

ʻАбдуль-Кадир Аль-Джиляний бойле джевап берди: «Мен билем ки, меним Яратыджым ич бир шейге ве ич кимсеге бенъземей эм де Онъа ич бир шей ве ич кимсе бенъземей», яни Аллаh нур дегиль ве нургъа ошамай. О сес иле келям этмей, О пейда олмай ве гъайып олмай, Аллаh денъишмей.

         Ондан сонъ о бойле сёзлерни къошты, манасы: «Бутюн яратылгъанларнынъ энъ яхшысы – бу Пейгъамбер Мухаммад, `алейhиссалям. Амма о намаз къылынувдан бошатылмагъан эди насыл бу вазифе менден алынаджакъ.»

         Ондан сонъ шейтан бойле деди: «Сен мени озюнинъ бильгинен енъдинъ, сенден эвель мен 40 адамны алдаттым, олар чокъ ибадет эттилер, амма бильгилери аз эди.»

Аллаh бизим гуняхларымызны афу этсин, бизге чокъ Рахмет берсин. Бу ве о бир дюньяда бизге хайыр эйлесин.

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات