إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد.أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:
﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾
Бу дюньяны Озь Къудретинен яраткъан, бизлерге джан ве рызыкъ берген, сынъырсыз, мекянсыз, къусурсыз олгъан Аллаhу Та‘алягъа хамд ве сеналар олсун!
Аллаhнынъ энъ севимли къулу, имамларнынъ имамы, Пейгъамберимиз Мухаммад Мустафагъа салят ве селямлар олсун! Озюме ве сизге насиат этем – Аллаhтан къоркъунъыз, Онынъ эмир эткенлерини япып, харамдан къачынынъыз!
Къыйметли дин къардашларым, Аллаhу Та‘аля Къур'ан-и Керимде, "Аль-Исра'" Суресининъ 36-джы Аетинде шойле буюрды:
وَ لاَ تَقْفُ ما لَيْسَ لَكَ بِهِ عِلْمٌ إنَّ السَّمْعَ وَالبَصَرَ والفُؤَادَ كُلُّ أُولَئِكَ كَانَ عَنْهُ مَسْئُولا
Манасы: "Бильгинъ олмагъан мевзу акъкъында лаф этме ве бир шей япма (яни корьмеген сонъ ''корьдим'' – деп айтма, эшитмеген шей акъкъында ''эшиттим'' – деп айтма). Чюнки инсан Ахирет Кунюнде козьлерини, къулакъларыны ве къальбини насыл ве неге къуллангъанына эсабат береджек".
Сайгъылы мусульманлар! Унутманъыз, инсан озь вакъытыны фаний олгъан ве бир кунь ёкъ оладжакъ шейлерге джоймасын. Яни гъайып оладжакъ мал-мулькни топламакъ, я да гузель машналар, йымшакъ диванлар ве яхшы урбалар сатын алмакъ ичюн яратылмады. Сайгъылы джемаат, янъы олгъанда не къадар гузель олса олсун, къуллангъан сонъ, бу урбалар эскире ве чёпке атыладжакъ, диванлар не къадар йымшакъ олса да, ипрангъан сонъ якъыладжак. Ашлар ве емеклер не къадар леззетли олса да, олар да нетиджеде игренч бир чамур алына келеджек. Онынъ ичюн инсаннынъ яратылыш макъсады шунда дегильдир.
Аллаhу Та‘аля Къур'ан-и Керимде шойле буюрды:
وَمَا خَلَقْتُ الْجِنَّ وَالإِنْسَ إِلَّا لِيَعْبُدُونِ
Манасы: «Аллаh адамларны, джиннлерни яратты ве Онъа ибадет этмеге буюрды».
Акъикъатен, бизим яратылыш макъсадымыз ве бу Дюньяда яшагъанымызнынъ себеби будыр. Ве акъикъатен, Аллаhу Та'аля эр шейни биле, яни Аллаh базы къулларнынъ такъвалы оладжагъыны, базыларнынъ исе, Онъа иман этмейджеклерини, бу 'алемни яратмаздан эвель биле эди. Аллаhу Та‘аля Онъа иман эткен къуллары ичюн Дженнет багъчаларны азырлады. Онъа ве Ресуллерине иман этмегенлер ичюн исе джеhеннем ве эбедий азаплар азырланды.
Биз айванлар киби аш тапмакъ, ашамакъ, ичмек, юкъламакъ ве кезинмек ичюн яратылмадыкъ. Биз инсанмыз, сайгъылы джемаат! Аллаhу Та‘аля бизни Онынъ эмирлерини япмакъ ве Онынъ харам къылгъан шейлерден узакъ турмакъ ичюн яратты. Акъикъатен, буны бильмеген ве я анъламагъан инсан, не ичюн яратылгъаныны бильмей ве анъламай.
Аллаhу Та‘аля, "Аль-Къыямаh" Суресинде шойле буюрды:
أَيَحْسَبُ الإِنْسَانُ أَنْ يُتْرَكَ سُدًى
Манасы: "Ёкъса, инсанлар озь башларына къалгъанларыны ве эсабат бермейджегини беллейми?!"
Яни Озь Яратыджысына иман этмеген инсан омрюни истегени киби кечирип, яшагъанда фарзларны эда этмейип, ич бир ясакътан къачынмайып, ольген сонъ исе бунынъ эсабатыны бермейджегини тюшюнеми?!
Башкъа бир Аетте, Аллаhу Та‘аля шойле буюра:
أَفَحَسِبْتُمْ أَنَّمَا خَلَقْنَاكُمْ عَبَثًا
Манасы: "Аллаh сизни манасыз ве нафле яраткъаныны беллейсинъизми!"
Не языкъ ки, бир чокъ инсан не ичюн яратылгъаныны бильмей я да фаний ишлеринде батып, асыл яшайышнынъ себебини унуткъан. Пейгъамбер Эфендимиз бир Хадис-и Шерефинде бойле инсанларны шойле тариф эткен:
إِنَّ اللهَ يُبْغِضُ كُلَّ جَعْظَرِيٍّ جَوَّاظٍ سَخَّابٍ بِالأَسْوَاقِ جِيفَةٍ بِاللَّيْلِ، حِمَارٍ بِالنَّهَارِ، عَارِفٍ بِأَمْرِ الدُّنْيَا جَاهِلٍ بِأَمْرِ الآخِرَةِ
Манасы: "Акъикъатен, къаба, тамакъкяр, базарларда къычыргъан инсанны Аллаh севмей. О инсан гедже олю киби юкълай, куньдюз исе эшек кибидир. О, бу фаний дюнья ишлери акъкъында чокъ шей биле, факъат, оны Ахиретте къуртараджакъ шейлерде хаберсиздир".
Аллаhу Та‘аля ''Саба’'' Суресининъ 13-джи Аетинде бизлерге шойле буюрды:
وَقَلِيلٌ مِنْ عِبَادِيَ الشَّكُور
Манасы: "Аллаhнынъ къулларындан миннетдар олгъанлар пек аздыр".
Сайгъылы джемаат! Шари‘атымызны там оларакъ риает эткен мусульман – бу диндар ве такъвалы мусульмандыр! Пейгъамбер Эфендимиз диндар мусульманны шойле тариф эткен:
الْمُسْلِمُ مَنْ سَلِمَ المُسْلِمُونَ مِنْ لِسَانِهِ وَيَدِهِ
Манасы: "Диндар мусульман – бу башкъа мусульманларгъа не тилинен не де элинен зарар кетирмеген".
Онынъ ичюн, севгили къардашларым, Ахирет омюри ичюн ярын оледжексинъ киби чалыш. Эбедий аятыны селяметнен кечирмек ичюн бугунь мумкюн олгъаны къадар чокъча савап къазанмагъа тырыш, чюнки олюм хаберсиз келе. Билинъиз ки, ‘Азраиль Мелек кельмек ичюн кимседен разылыкъ сорамай ве эджели кельген сонъ не де кучюк балаларны, не де къартларны, не де сагълам ве кучьлю инсанларны, не де хасталарны къалдырмайып джаныны ала. Вакътымыз ве сагълыгъымыз бар олгъанда эсабат береджегимиз Кунюне азырланайыкъ!
Эльбет, Ахиретимизге азырланмакъ ичюн, биринджиден, илим алмакъ керекмиз, чюнки диний бильгилер бизни янълыштан ве нетиджеде гуняхтан къорчалай. Амма не языкъ ки, пек чокъ инсан Ахиретте онъа файдалы оладжакъ шейлерни къалдырып, бу дюньядаки зевкълар ичюн чапкъалай. Этрафта олгъанларнен мунасебетини боза, акъча ве мал ичюн достларынен, акърабаларынен къавгъа эте. Эпимиз буны яхшы этип тюшюнейик, сайгъылы джемаат! Къусурларымызны ве япкъан хаталарымызны тюзетейик, Аллаhу Та‘алянынъ бизлерге багъышлагъан омюр вакътыны ве берген эсапсыз ниметлерни догъру къулланайыкъ ве ин ша Аллаh эсабатымыз къолай кечер!
Аллаhу Та‘аля бизге бу дюньянынъ имтианларындан такъвалы мусульманларгъа келишкен бир шекильде кечмек ичюн кучь-къувет, сабыр ве икмет берсин эм де гуняхларымызны афу этип, Дженнетке азапсыз кирмеге насип эйлесин!
هَذَا وَأَسْتَغْفِرُ اللَّهَ لِي وَلَكُمْ
-------------------------------------------------------------------------
إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.
واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد
اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات