إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:
﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ ﴾
Аллаhкъа хамд олсун, О бизге ярдым ве бизни афу этсин деп, Ду‘а` япамыз. Бизни шерден ве яманлыкътан къорчаласын деп, Онъа ялварамыз. Кимге Аллаh Акъикъий елуны берди, ич кимсе оны бу елдан айырмаз. Амма кимге Аллаh Акъикъий елуны бермеди, ич кимсе оны къорчаламаз. Аллаh къусурсыз, ич бир шейге ве ич бир кимсеге мухтадж дегиль эм де Онъа бенъзеген ёкъ. Аллаh мекянгъа ве вакъыткъа мухтадж дегиль.
Шеhадет этем, Аллаhтан башкъа иляh ёкъ, Онынъ ортагъы екъ ве Мухаммад Аллаhнынъ къулу ве Пейгъамбери. Ресуллерден ве Пейгъамберлерден энъ улу ве шерефли олгъан Мухаммад ‘аляйhиссалям – бютюн онынъ несилине, сахабелерине ве келип кечкен бутюн Пейгъамберлерге солят ве селямлар олсун.
Аллаhнынъ къуллары! Такъвалы олмагъа эпинъизни давет этем. Такъвалыкъ – бу фарзларны япып гуняхлардан къачынмакътыр.
Юдже Аллаh Къур`анда («Аль-Бакъараh» Суреси, 185 Аяти) бойле буюра:
Манасы: «Рамадан айында инсанларгъа рехбер оларакъ: акъикъатны янълыштан айыргъан, ачыкъ делиллери ичерткен Къур`ан эндирильди. Ойле исе, сизден Рамадан айына етишкенлер оны оразанен кечирсин. Хаста я да ёлджу олгъанлар, тутмагъан куньлерининъ сайысы къадар башкъа куньлерде къаза этсин. Аллаh сизге къыйынлыкъ бермейип къолайлыкъ багъышлай. Ве бутюн айны толусынен ораза тутунъыз – бу куньлер, – сайылыдыр. Акъикъат елунъда олгъанынъыз ичюн Аллаhкъа хамд ве шукур этинъиз».
Мусульманлар ичюн бу ай – джумертлик костермекнинъ ве болджа савап къазанмакъынъ айыдыр.
Сайгъылы мусульманлар, бу Мукъаддес айынъда, айры бир берекети олгъан, ве йылнынъ энъ яхшы геджеси олгъан – Къадр геджеси бар. Там да бу геджеде Къутсал Китабымыз – Къур`ан-и Керим биринджи коктеки «Байт Аль-‘Иззаh» адлы ерге эндирильди ве о ерден 23 йыл девам эткен сюречте парча-парча оларакъ Пейгъамбер Мухаммад ‘алейhиссалямгъа эне эди.
Къур`анда айтылгъаны киби, Къадр геджесинъде япылгъан хайырлы амельнинъ къыймети бу гедженинъ олмагъан бинъ айнынъ девамында япылгъан хайырлы амеллерденъ даа юксектир. Бу геджеде Аллаhнынъ Эбедий Ирадесинен мусульманларнынъ япкъан Ду‘алары къабул олуна, бунданъ гъайры бу геджеде келеджек йыл ичинде оладжакъ базы шейлер акъкъында Мелеклерге хабер этиле.
Хадис «Къудсий»де бойле буюрыла (манасы): «Башкъа айларда берильген эр садакъа ве япылгъан хайыр ичюн Аллаh мусульманларгъа ондан, еди юзге къадар савап багъышлай. Амма Рамадан айынъда япылгъан хайырлы амеллер ве туткъан ораза ичун, Аллаh айры бир мукяфат береджегини ваде этти».
Урьметли мусульманлар! Рамадан айынъда ораза тутмакъ – бу Аллаhкъа ве онынъ Пейгъамберине Иман этмектенъ, кюньделик беш Намазынданъ ве Закяттанъ сонъ кельген энъ буюк ибадеттир.
Шари‘аткъа коре, Аллаh ризасы ичюн оразаны тутмагъа ниет этип, оны бозгъан бутюн шейлерден вазгечмектир. Яни, танъдан кунеш баткъангъа къадар, ич бир шей ашамайып, ичмейип, джинсий мунасебетте булунмайып, эм де вуджудымыз ичине колеми олгъан ич бир шей кирсетмейип, куньдюз ораза тутмакътыр. Макъбуль себеп олгъан базы инсанлардан гъайры, Рамадан айында ораза тутмакъ мукеллеф олгъан эр мусульмангъа фарздыр.
Ораза тутмагъа даянып оламагъан хасталар, юклю ве бала эмиздирген къадынлар ораза тутмайлар. Узакъ елгъа кеткенлер исе ораза тутабиледжекъ алда олсалар биле олар ичун ораза тутмамагъа рухсети бар. Бу категорияларгъа кирген инсанлар башкъа бир вакъытта Рамаданда ораза тутмагъан куньлерини къаза оларакъ туталар. Адет къанамалары ве локъсанынъ темизлиги олгъанда апайгъа ораза тутмакъ ясакътыр. Онынъ бу куньлери биткен сонъ оразаны тутмагъан куньлерини къаза оларакъ тута. Девамлы хаста олгъанлар ве къартлыкъ себебинден ораза тутып оламагъанлар оразаны тутмайлар, олар онынъ ерине фидьяh берелер.
Мусульмангъа ораза тутмакъ бу тек ашамакътан ве ичмектен вазгечмек дегиль де, мусульманлар бу айда чокъ хайыр япмагъа ве Аллаhкъа теслим олып, даа зияде ибадет этмеге тырышалар. Бу вакъыт рухий янъылувгъа ве маддий инкишафкъа имкяндыр. Ораза туткъанда мусульман озюни тек емектен ве ичерликтен контроль этмеге дегиль де, онен берабер озюни харамдан узакъ тутмагъа эм де олгъан мулькюни хайыргъа чокъ масраф этмеге тырыша.
Рамадан айы – бу илим алма айдыр. Пейгъамбер Мухаммад ‘алейhиссалям бойле буюрды: «Эгер бириси Рамадан айында Ислям илимини огренген топлашувгъа къошулса, Аллаh онъа айры бир мукяфат береджек. Амма мусульманлар ичюн Ислям динини огренмек тек бу ай ичинде дегиль де, омюр бою япмагъа керекен бир шейдир. Чюнки Пейгъамбер Мухаммад ‘алейhиссалям бойле деди (манасы): «Бешиктен къабиргедже илимни огренинъиз».
Рамадан – бу мубарек ай. Бу айда мусульманлар Аллаhкъа даа чокъ итаатлы олмагъа тырышмалы ве чокъча ибадет япмалы: намаз къылмакъ, Къур`ан окъумакъ эм де Ду‘а` япмакъ. Бу мубарек ай ичинде мусульманлар Аллаh ризасы ичюн чокъча хайыр япмагъа кереклер. Яни садакъа бермели, хасталарны зиярет этмели, ифтар япмалы ве мухтаджларгъа ярдымда булунмалы. Шубесиз, Рамадан айда мусульманлар самимиетнен даа зияде мерхаметли ве джумерт олмакъ кереклер.
Аллаh бизни Рамадан айны сагъ-селямет къаршылап оразаларымызны къазасыз тутмагъа насип эйлесин ве япкъан ибадетлеримизни къабул этсин. Гунахларымызны афу этип эпимизге Дженнет бахчаларыны багъышласын.
هَذَا وَأَسْتَغْفِرُ اللَّهَ لِي وَلَكُمْ
----------------------------------------------------------------------------------------------------------
إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.
واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد
اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات