إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:
﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾
Юдже Аллаhкъа хамд олсун! Онъа тенъ ве ошагъан ич бир шей ёкъ. Аллаh кяинатны ич бирисининъ ярдымынен яратты. Эбедий Яратыджыгъа хамд олсун, тараф ве мекян яратылмаздан эвель бар эди, къусурсыз ве сынъырсыз, акъылнен тасавур этильмеген.
Аллаhкъа ич бир шей ошамай, О эр шейни эшите ве коре.
Ресуллерден ве Пейгъамберлерден энъ улу олгъан Мухаммад ‘алейhиссалям ‘Абдуллаhнынъ огълуна салят ве селям олсун. Ве эписи онынъ несилине ве сахабелерине де селямлар олсун.
Екяне Яратыджыгъа такъвалы ве итаатлы олмагъа эр кесни давет этемиз. Эр вакъыт Шариатны кутьмек ве Ахирет кунюне азырланмакъ керек. Шу куню акъ итикъады олмагъан инсанларгъа мал, пара ве балалары ярдым этип оламазлар.
Керчектен, Юдже Аллаh Бир ве Екяне, ортагъы олмагъан Онъа инанмакъ, Шариатны танымакъ, къанунларыны кутьмек эмир этти. Юдже Аллаh Озюнинъ эмирлерини догъру шекильде япкъан мусульманларгъа мукяфат багъышлай. Ислямнынъ шартларындан бири – Таhарет (темизлик), бу намазнынъ шартларындан бириси, чюнки кимде таhарет олмаса, онынъ намазы къабул олмай. Таhаретнинъ чешилеринден бири – абдест (Аль-ууду). Аллаh буюрды («Аль-Ма`ида» Суреси, 6 Аети):
﴿يَا أَيُّهَا الَّذِينَ ءَامَنُوا إِذَا قُمْتُمْ إِلَى الصَّلاةِ فَاغْسِلُوا وُجُوهَكُمْ
وَأَيْدِيَكُمْ إِلَى الْمَرَافِقِ وَامْسَحُوا بِرُؤُسِكُمْ وَأَرْجُلَكُمْ إِلَى الْكَعْبَيْنِ﴾
Манасы: «Намазны япмаздан эвель бетлеринъизни, тирсеклеринъизге къадар къолларыны, башынъызны месх этинъиз ве тобукъларгъа къадар аякъларынъызны ювунъыз.»
Абдестни эвельки къавимлер де япа эдилер. Юдже Аллаh эвелькилерден фаркълы оларакъ бизге «Аль-Гурраh» ве «Ат-тахджиль» берди. «Аль-Гурраh» – бу бетинъизни сынъырлардан тыш ювмакъ. «Ат-тахджиль» – бу къолларны тирсеклерден юксекче ве аякъларны тобукълардан юксек ювмагъа (даа яхшы) бу суннет. Бу акъкъында Пейгъамбер Мухаммад ‘алейhиссалям бойле деди:
”إِنَّ أُمَّتِي يُدْعَوْنَ يَوْمَ الْقِيَامَةِ غُرًّا مُحَجَّلِينَ مِنْ أَثَرِ الْوُضُوءِ“
Манасы: «Керчектен де, меним джемаатым Къыямет куню топланаджакъ ве башкъалардан айырыладжакъ, чюнки сынъырлардан тыш япылгъан абдест ерлер ярыкъланаджакъ.»
Бу аляметке коре, Пейгъамбер озь джемаатыны таныджакъ.
Абдестни догъру япкъан мусульманлар эйилик ве устюнлик къазаналар. Абу hурайра ривает эткенине коре, Пейгъамбер Мухаммад ‘алейhиссалям бойле айтты:
”أَلا أَدُلُّكُمْ عَلَى مَا يَمْحُو اللَّهُ بِهِ الْخَطَايَا وَيَرْفَعُ بِهِ الدَّرَجَاتِ قَالُوا بَلَى يَا رَسُولَ اللَّهِ قَالَ إِسْبَاغُ الْوُضُوءِ عَلَى الْمَكَارِهِ وَكَثْرَةُ الْخُطَا إِلَى الْمَسَاجِدِ وَانْتِظَارُ الصَّلاةِ بَعْدَ الصَّلاةِ فَذَلِكُمُ الرِّبَاطُ“
Манасы: «Истейсинъиз, Аллаh сизнинъ гуняхларынъызны багъышлайджакъ ве дередженъизни котереджек ишни айтайыммы? Сахабелер дедилер: «Эбет! Аллаhнынъ Ресули». Пейгъамбер девам этти: «Абдест алмакъ, тенбеллешмейип сыкъ-сыкъ джамиге бармакъ, намазны окъугъан сонъ невбеттеки намазны беклемек».
Бу Хадисте абдестни Пейгъамбер Мухаммад ‘алейhиссалямнынъ алгъаны киби япмакъ козьде тутула.
‘Усман ибн ‘Аффан абдест алмакъ ичюн сув сорады ве оны бойле невбетте япты:
- авучларыны учь кере ювды;
- агъызыны учь кере чайкъады;
- учь кере сувны бурунына алып, оны темизледи;
- учь кере бетини ювды;
- учь кере сагъ къолуны, сонъра сол къолуны тирсеклеринен берабер ювды;
- башыны месх япты;
- учь кере сагъ аягъыны, сонъра сол аягъыны тобукъларындан берабер ювды.
Сонъра бойле деди: «Мен Аллаhнынъ Ресулини корьдим, о да абдестни бойле алды».
Пейгъамбер Мухаммад ‘алейhиссалям айтты:
”مَنْ تَوَضَّأَ نَحْوَ وُضُوئِي هَذَا ثُمَّ قَامَ فَرَكَعَ رَكْعَتَيْنِ لا يُحَدِّثُ فِيهِمَا نَفْسَهُ غُفِرَ لَهُ مَا تَقَدَّمَ مِنْ ذَنْبِهِ“
«Ким мен киби абдест алып, сонъра башкъа шейлерни тюшюнмейип, эки рекят намаз япса, Аллаh япкъан гуняхларыны афу этер».
Пейгъамбер Мухаммад ‘алейhиссалям деди:
”مَنْ تَوَضَّأَ فَمَضْمَضَ وَاسْتَنْشَقَ خَرَجَتْ خَطَايَاهُ مِنْ فِيهِ وَأَنْفِهِ فَإِذَا غَسَلَ وَجْهَهُ خَرَجَتْ خَطَايَاهُ مِنْ وَجْهِهِ حَتَّى يَخْرُجَ مِنْ تَحْتِ أَشْفَارِ عَيْنَيْهِ فَإِذَا غَسَلَ يَدَيْهِ خَرَجَتْ خَطَايَاهُ مِنْ يَدَيْهِ فَإِذَا مَسَحَ بِرَأْسِهِ خَرَجَتْ خَطَايَاهُ مِنْ رَأْسِهِ حَتَّى تَخْرُجَ مِنْ أُذُنَيْهِ فَإِذَا غَسَلَ رِجْلَيْهِ خَرَجَتْ خَطَايَاهُ مِنْ رِجْلَيْهِ حَتَّى تَخْرُجَ مِنْ تَحْتِ أَظْفَارِ رِجْلَيْهِ وَكَانَتْ صَلاتُهُ وَمَشْيُهُ إِلَى الْمَسْجِدِ نَافِلَةً“
Манасы: «Ким абдест алгъанда агъызыны чайкъады ве буруныны темизледи, оларнен япылгъан гуняхлар силине, бетини ювгъанда бетининъ гуняхлары силине ве къолларыны ювгъанда – къолларнынъ, башыны месх эткенде – башынынъ гуняхлары ве аякъларны ювгъанда, аякъларнынъ гуняхлары силине, ондан сонъ джамиде юрсенъ ве намаз къылсанъ айры савап языла.»
Сайгъылы мусульманлар! Ким ятмаздан эвель абдест алып, ондан сонъ «Аль-Кяфирун», «Аль-Ихляс», «Аль-Фалякъ», «Ан-Нас» Сурелерини ве зикирлерни юкълап къалгъандже окъуса, онынъ янында Мелек булунаджакъ. Буны япкъан яхшы тюшлер корер ве джиннлернинъ шерринден къорчаланыр. Чюнки абдест – мусульманлар ичюн силях кибидир.
Такъвалы къулларнынъ арасында Аллаh бизге де олмагъа насип этсин.