Дженнетке ве онынъ зевкъларына иман этюв

Категория: Джума хутбеси Просмотров: 2377

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

 يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ 

Башлангъычсыз, сонъсуз ве Екяне Яратыджыгъа хамд олсун. Аллаh бизге Иман, акъикъий дин багъышлады ве керчекни янълыштан айырмакъ ичюн акъыл берди. Аллаh бизге Озь Рахметинен Къурейшитлерден Пейгъамбер Мухаммад ﷺ ёллады! О бутюн алемге Рахмет оларакъ берильди. Пейгъамбер Мухаммад ﷺ яхшылыкъкъа ве хидаетке давет этти. Мухаммад ﷺ Бир Аллаhкъа инанмакъ ве Аллаhнынъ Шари‘атыны кутьмеге огретти. О Аллаhкъа ортакъ къошмамагъа, путларгъа ве башкъа яратылгъанларгъа ибадет этмемеге давет этти.

Шеhадет этем, Аллаhтан башкъа иляh ёкъ ве шеhадет этем, Мухаммад ﷺ  Аллаhнынъ Ресули. О эписи адамларгъа ве джиннлерге йиберильди. Бизим Пейгъамберимизге ве башкъа эписи Пейгъамберлерге съалят ве селям олсун. Эм де Пейгъамбер Мухаммад ﷺ съахабелерине де селям олсун.

Сайгъылы мусульманлар! Такъвалы олунъыз. Аллаhнынъ эмирлерини япынъыз ве гуняхлардан сакъынынъыз.

Сайгъылы мусульманлар! Мукъаддес Къур`анда («Аль ‘Имран» Суреси, 14 Аети) буюрыла:

زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْمُقَنْطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ ۗ ذَٰلِكَ مَتَاعُ الْحَيَاةِ الدُّنْيَا ۖ وَاللَّهُ عِنْدَهُ حُسْنُ الْمَآبِ

Манасы: «Бу омюрини чешит зевкълар яраштыра: къадынлар, бабалар, алтынлар, кумюш ве балабан тарлалар. Аллаh Ахиретте, бу дюньядаки бахшышлардан къыясланмагъан, зенгинлик ве бахшышлар береджегине ваде эте».

Эм де Къур`анда буюрыла ("Ат-Таубаh" Суреси, 38 Аетте):

أَرَضِيتُمْ بِالْحَيَاةِ الدُّنْيَا مِنَ الآخِرَةِ ۚ فَمَا مَتَاعُ الْحَيَاةِ الدُّنْيَا فِي الآخِرَةِ إِلا قَلِيلٌ

Манасы: «Сиз эбедий омюрден дегиль де, кечиджи омюрден даа чокъ зевкъланасынъызмы?! Керчектен де, бу дюньядаки зенгинликлер Ахиретте олгъанлардан ич къыясланмаз».

Урьметли мусульманлар! Юкъары айтылгъан Аетлерде айтыла ки, бизни Ахиретте къувандыраджакъ   ниметлер бар, оны ичюн даа чокъ савап къазанмагъа бу дюньяда тырышмакъ керекмиз. Бизим юреклеримиз даа чокъ эбедий олгъан аманлыкъкъа тырышсын деп, хутбемиз Дженнетте олгъан зевкълар акъкъында оладжакъ.

Ат-Тирмизий Абу hурайраh Пейгъамберимизнинъ сёзлерини бойле ривает этти:

أَلا إِنَّ سِلْعَةَ اللَّهِ غَالِيَةٌ ، أَلا إِنَّ سِلْعَةَ اللَّهِ الْجَنَّةُ

Манасы: «Керчектен де, Аллаhнынъ бахшышы буюк, Аллаhнынъ бахшышы – Дженнеттир».

Бу энъ къыйметли бахшышны Аллаh озь самимий къулларына ваде этти. Бу бахшышларны ич бир козь корьмеди, ич бир къулакъ эшитмеди, ич бир юрек тамдаввур этип оламады. Дженнет акъкъында Пейгъамберимиз бойле:

نُورٌ يَتَلأْلأُ وَرَيْحَانَةٌ تَهْتَزُّ، وَقَصْرٌ مَشِيدٌ وَنَهْرٌ مُطَّرِدٌ، وَفَاكِهَةٌ كَثِيرَةٌ نَضِيجَةٌ، وَزَوْجَةٌ حَسْنَاءُ جَمِيلَةٌ، وَحُلَلٌ كَثِيرَةٌ فِي مُقَامٍ أَبَدِيٍّ فِي حُبْرَةٍ وَنَضْرَةٍ

Манасы: «Дженнет – бу нур эм де о ешилликлернен толу. Анда буюк сарайлар ве сонъсуз озенлер, эм де чешит тюрлю пишкен мейвалар. Дженнетте дюльбер хуриелер бар. Эписи бу зевкълар мусульманлар ичюн эбедий ве оларнынъ бетлери эр вакъыт нурлы эм де кулеръюзли оладжакъ».

Дженнетни Аллаh ляйыкъ къуллары ичюн яратты. Дженнет единджи коктен даа устюндир ве ондан айрыдыр. Дженнеттен даа устюн Аль-‘Арш. Аль-‘Арш – энъ балабан джисм, оны Аллаh Озь Къудретини косьтермек ичюн яратты. Аллаh Къур`анда Дженнеттеки зевкълары акъкъында «Аль-Фауз Аль-‘Азым» деди, манасы «Буюк гъалебе». Дженнетнинъ секиз къапысы бар ве анда оладжакълар ичюн буюк мал-мульклер азырланды.

Сахабелер Пейгъамберимизден Дженнетнинъ къурулышы акъкъанда сорагъанда, о бойле джевап берди:

لَبِنَةٌ مِنْ ذَهَبٍ وَلَبِنَةٌ مِنْ فِضَّةٍ ، مِلاطُهَا الْمِسْكُ ، وَحَصْبَاؤُهَا اللُّؤْلُؤُ وَالْيَاقُوتُ ، وَتُرَابُهَا الْوَرْسُ

وَالزَّعْفَرَانُ ، مَنْ يَدْخُلْهَا يَخْلُدُ لا يَمُوتُ، وَيَنْعَمُ وَلا يَبْؤُسُ، لا تُخْرَقُ ثِيَابُهُ ، وَلا يَبْلِي شَبَابُهُ

Манасы: «Дженнетте бир толасы алтындан, башкъасы – кумюштен, къарышмасы мисктен, гравий исе яхонт ве инджиден, къум сары теректен ве сафрандан, бу ерге кирген анда эбедий оладжакъ ве ольмейджек, зевкъланаджакъ ве бахытлы оладжакъ, урбасы эскирмейджек ве девамлы яш оладжакъ».

Дженнет сакинлери Адам عليه السلام Пейгъамберге ошаджакълар, оларнынъ бою 60 тирсек узунлыгъы, кенълиги исе 7 тирсек оладжакъ. Яшы ‘Иса عليه السلام Пейгъамбернинъ киби 33 оладжакъ. Бетининъ дюльберлиги Юсуф عليه السلام Пейгъамбернинъ киби оладжакъ.

«Аль-Хиджр» Суреде, 47 Аетте, бойле айтыла:

عَلَى سُرُرٍ مُّتَقَابِلِينَ

Манасы: «Дженнет сакинлери бири-бирини сарир устюнде отурып, зиярет этеджеклер. Бу сарирлер учаджакълар ве олар бири-бирининъ къаршысында отураджакълар».

Имам Муслим  Мухаммад Пейгъамбернинъ ﷺ бойле сёзлерни ривает этти:

إِذَا دَخَلَ أَهْلُ الْجَنَّةِ الْجَنَّةَ  يُنَادِي مُنَادٍ: إِنَّ لَكُمْ أَنْ تَحْيَوْا فَلا تَمُوتُوا أَبَدًا، وَ إِنَّ لَكُمْ أَنْ تَصِحُّوا فَلا تَسْقَمُوا أَبَدًا، وَوَإِنَّ لَكُمْ أَنْ تَشِبُّوا فَلا تَهْرَمُوا أَبَدًا، وَإِنَّ لَكُمْ أَنْ تَنْعَمُوا فَلا تَبْأَسُوا أَبَدًا

Манасы: «Дженнет сакинлери Дженнетке киргенде оларгъа бойле айтыладжакъ: «Керчектен де, сиз ольмеджексиз ве эбедий яшайджакъсыз, ич бир вакъыт хаста олмаджакъсыз, къартаймайджакъсыз, эбедий яш оладжакъсыз, эбедий зевкъланаджакъсыз, кедерленмейджексиз».

Сайгъылы дин къардашлар! Дженнеттеки зевкълар джан ве беден иле дуюладжакъ. Ким бунъа инанмай ве ред эте, о имансызлыкъкъа тюше. Мукъайт олунъыз.

Бир хутбе ичинде Дженнетни тасвирлеген бутюн Ает ве Хадислерни айтып чыкъмагъа къыйын. Шу себептен, диний бильгилерни Аллаh ризасы ичюн огренмеге эр кесни давет этемиз. Эгер биз Аллаhнынъ эмирлерини ерине кетирсек, диний бильгилерни огренсек, буюк гъалебе къазанармыз. Ве бу шейлерде Аллаh бизге ярдым этсин.