Люкъманнынъ базы насиатлары

Категория: Джума хутбеси Просмотров: 2029

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، وَأَشْهَدُ أَن لاَ إِلهَ إِلاَّ اللهُ وَحْدَهُ لاَ شَرِيكَ لَهُ ولا مَثِيلَ له ولا ضِدَّ له ولا نِدَّ له، وَأَشْهَدُ أَنَّ سَيِّدَنَا وحَبِيبَنا وعظيمَنا وقائدَنا وقُرَّةَ أَعْيُنِنا مُحَمَّدًا عَبْدُهُ وَرَسُولُهُ وصَفِيُّهُ وحبيبُهُ صَلَوَاتُ اللهِ وَسَلاَمُهُ عَلَيْهِ وَعَلَى كُلِّ رَسُولٍ أَرْسَلَه. الصلاةُ والسلامُ عليكَ سيِّدي يا رسولَ الله. الصلاةُ والسلامُ عليكَ يا سيِّدي يا صاحِبَ الذِّكرَى يا أبا القاسِم يا أبا الزَّهْراءِ يا محمد. أَمَّا بَعدُ عِبَادَ اللهِ، فإني أُوصِيكُمْ وَنَفْسِيَ بِتَقْوَى اللهِ الْعَلِيِّ الْقَديرِ القائلِ في مُحْكَمِ كتابِه:

﴿ يَاأَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ﴾

Юдже Аллаhкъа хамд олсун! Онъа тенъ ве ошагъан ич бир шей ёкъ. Аллаh кяинатны ич бирисининъ ярдымы олмадан яратты. Эбедий Яратыджыгъа хамд олсун, О къусурсыз, сынъырсыз, акъылнен тасавур этильмеген. Аллаh тараф ве мекян яратылмаздан эвель бар эди. Аллаhкъа ич бир шей ошамай, О эр шейни эшите ве коре.

Ресуллерден ве Пейгъамберлерден энъ улу ве шерефли олгъан Мухаммад ‘алейhиссалям ‘Абдуллаhнынъ огълуна салят ве селям олсун. Ве эписи онынъ несилине ве сахабелерине де селямлар олсун.

Екяне Яратыджыгъа такъвалы ве итаатлы олмагъа эр кесни давет этемиз. Эр вакъыт Шари‘атны кутьмек ве Ахирет кунюне азырланмакъ керек.

Билинъиз ки, Юдже Аллаh Шариʻатны ве Тевхидни джиддий кутьмеге эмир этти. Къур`анда («Аль-Ахзаб» Суреси, 70-71 Аетлери) буюрыла:

يَا أَيُّهَا الَّذِينَ ءامَنُوا اتَّقُوا اللهَ وَقُولُوا قَوْلاً سَدِيدًا  يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَن يُطِعْ اللهَ وَرَسُولَهُ فَقَدْ فَازَ فَوْزًا عَظِيمًا

Манасы: «Эй, иман эткенлер! Такъвалы олунъыз ве тилини гунахтан къорчалап, догъру сёзлерни айтынъыз. Аллаh хайыр амеллерни этмеге сизге ёл косьтерер ве оларны къабул этер. Эм де гунахларынъызны афу этер. Аллаhкъа итаат олгъан ве онынъ Ресулине бойсунгъан гъалебе къазаныр ве бахытлы олур».

Сайгъылы мусульманлар! Биз Шариʻатта эмир этильген ве ясакълангъан шейлерни къабул этемиз. Ким Дженнетке эзабсиз кирмеге истесе, Шариʻатны кутьмек керек, Пейгъамбер Мухаммад ‘алейhиссалямнынъ уммети кеткен ёлундан кетмели.

Урьметли дин къардашларым! Иманымызны къавийлештирмек ичюн биз улу инсанларнынъ омюрлеринден ве сёзлеринден нумюне аламыз. Аллаh къысмет этсе, биз бугунь Люкъманнынъ базы насиатларыны сизге анълатаджакъмыз.

Люкъман икметли инсан эди. Базы алимлер Люкъман Пейгъамбер, башкъалары исе, о азиз эди дедилер. Къур`анда («Люкъман» Суреси, 12 Аети) буюрыла:

وَلَقَدْ آتَيْنَا لُقْمَانَ الْحِكْمَةَ

Манасы: «Аллаh Люкъмангъа икметлик багъышлады».

Мусульман къардашларым! Люкъман озь огълуна бойле насиат берди. Къур`анда («Люкъман» Суреси, 13 Аети) айтыла

وَإِذْ قَالَ لُقْمَانُ لِابْنِهِ وَهُوَ يَعِظُهُ يَا بُنَيَّ لا تُشْرِكْ بِاللَّهِ إِنَّ الشِّرْكَ لَظُلْمٌ عَظِيمٌ

Манасы: «Эй, огълум, Аллаhкъа ортакълыкъ къошма. Керчектен де, ширк – буюк зулумлыкътыр».

Яни Люкъман огълуна биринджи насиатны бергенде, о ширктен узакъ олсун деп, айтты. Чюнки бутюн Пейгъамберлер ве азизлер Екяне Аллаhкъа инанмагъа эм де путперестликтен четлешмеге давет эттилер. Ондан сонъ Люкъман бойле деди («Люкъман» Суреси, 16 Аети):

يَا بُنَيَّ إِنَّهَا إِن تَكُ مِثْقَالَ حَبَّةٍ مِّنْ خَرْدَلٍ فَتَكُن فِي صَخْرَةٍ أَوْ فِي السَّمَاوَاتِ أَوْ فِي الأَرْضِ يَأْتِ بِهَا اللَّهُ إِنَّ اللَّهَ لَطِيفٌ خَبِيرٌ

Манасы: «Эй, огълум, амель урлукъ чекиминде къобада я да коклерде олса биле, керчектен де, Аллаh буны биле. Чюнки О эр шейни биле».

Яни Люкъман огълуны башта тенбиледи ве сонъра Аллаh эр шей акъкъында бильгенини ве Къудретли олгъанына дерс берди.

Ондан сонъ, Люкъман огълуна бойле деди («Люкъман» Суреси, 17 Аети)

يَا بُنَيَّ أَقِمِ الصَّلاةَ وَأْمُرْ بِالْمَعْرُوفِ وَانْهَ عَنِ الْمُنكَرِ وَاصْبِرْ عَلَى مَا أَصَابَكَ إِنَّ ذَلِكَ مِنْ عَزْمِ الأُمُورِ

Манасы: «Эй, огълум, намаз къыл, хайырны япмагъа эмир эт, ярамайлыкъны ясакъ эт, къыйынлыкъта сабырлы ол, керчектен де, бу эписини Аллаh эмир этти.»

Яни Люкъман имандан сонъ энъ буюк фарзыны – намазны къылмагъа огълуна эмир этти. Сонъра исе, Аллаh эмир эткен шейлерини япмагъа эм де давет этмеге ве ясакъ эткен шейлерини ясакъламагъа ве сабырлы олмагъа буюрды.

Люкъман бойле давем этти («Люкъман» Суреси, 18 Аети):

وَلا تُصَعِّرْ خَدَّكَ لِلنَّاسِ وَلا تَمْشِ فِي الأَرْضِ مَرَحًا إِنَّ اللَّهَ لا يُحِبُّ كُلَّ مُخْتَالٍ فَخُورٍ

Манасы: «Инсанлардан юзь чевирме, кибирли олма, керчектен де, Аллаh кибирли ве макътангъанларыны севмей.»

Люкъман бойле девам этти («Люкъман» Суреси, 19 Аети)

وَاقْصِدْ فِي مَشْيِكَ وَاغْضُضْ مِن صَوْتِكَ إِنَّ أَنكَرَ الأَصْوَاتِ لَصَوْتُ الْحَمِيرِ

Манасы: «Юрюшине дикъкъат эт (пек тез ве пек яваш юрьме) алчакъгъонюлли ол, лаф эткенде сесини юксельтме, керчектен де, сеслерден энъ яман – бу эшекнинъ сесидир.»

Ве бу хутбени муим насиатнен битирмеге истейим. Эр вакъыт ве эр ерде муим олгъан шейлерге дикъкъатлы ол. Ве энъ эсасы – такъвалы ол. Эки дюньяда Аллаh бизге хайыр берсин деп, Дуа этемиз.

هَذَا وَأَسْتَغْفِرُ اللَّهَ لِي وَلَكُمْ

----------------------------------------------------------------------------------------------------------

إِنَّ الْحَمْدَ لِلَّهِ نَحْمَدهُ وَنَسْتَغْفِرُهُ وَنَسْتَعِينُهُ وَنَسْتَهْدِيهِ وَنَعُوذُ بِاللهِ مِن شُرُورِ أَنفُسِنَا وَمِن سَيِّئَاتِ أَعْمَالِنَا، مَن يَهْدِ اللهُ فَلاَ مُضِلَّ لَهُ وَمَن يُضْلِلْ فَلاَ هَادِيَ لَهُ، والصلاةُ والسلامُ على سيِّدِنا محمد الصادِقِ الوَعْدِ الأَمينِ وعلى إِخْوَانِهِ النبيِّين والمُرسَلين. ورَضِيَ اللهُ عن أُمَّهاتِ المُؤمنين وآلِ البيتِ الطَّاهِرِين وعن الخُلَفَاءِ الرَّاشِدين أبي بكرٍ وعمرَ وعُثْمانَ وعليّ وعن الأَئِمَّةِ المُهْتَدِين أبي حنيفةَ ومالكٍ والشَّافعيِّ وأحمدَ وعن الأولياءِ والصالحين. أمَّا بعدُ عِبَادَ اللهِ فإنِّي أُوصِيكُمْ وَنَفْسِيَ بِتَقْوَى اللهِ العَليِّ الْعَظِيمِ فَاتَّقُوهُ.

واعْلَمُوا أنَّ اللهَ أمَرَكُمْ بِأَمرٍ عظيمٍ، أَمَرَكُم بالصلاةِ والسلامِ على نبيِّهِ الكَريمِ فقال في مُحْكَمِ تَنْزِيلِهِ: ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
اللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيمَ وَعَلَى آلِ سَيِّدِنَا إِبْرَاهيمَ وَبَارِكْ على سيّدِنا مُحمدٍ وَعلى آلِ سيِّدِنا مُحمدٍ كما بارَكْتَ على سيِّدِنا إبراهيمَ وعلى آلِ سيدِنا إبراهيمَ في العالَمِينَ إِنَّكَ حَمِيدٌ مَجِيد

اللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ الأَحْيَاءِ مِنْهُمْ وَالأَمْوَات